انا اذا اكلت بالمطعم اروح صب واي
سندويش خضار صغير + بطاس او شوربة + عصير ليمون = احسن عشاء بالمطعم خلوكم نباتيين تكونوا صحيين اكثر

لو كان فيه تشهير وعقاب رادع كان مانشوف المنظر هذا !!!

احمدك و اشكرك يارب على ما اعطيتني
زوجه مطابقه للمواصفات والمقاييس للرجل السعودي
ولاتدخلون الحريم ليش مايطبخون,,
الموضوع عن اهمال ادارات الصحه والمراقبه
في امانات المناطق وحسب احصائية كشفت عن عدد المراقبين على المطاعم في المملكه في برنامج ابو محمد الساعه الثامنه تقول ان عددهم 2500مراقب فقط

ذبحني اكل المطاعم أتسدح عندهم من الصبح تقول قطو فطور غداء عشاء الله يفكني من التسمم

مصرقع ربيع خخخ

ما احب اطبخ غصب ورى الرجال ما يطبخ بعد ترا هذا المفروض على فكرة

احسنت...
هذا هو الواقع...

أهم شي الواحد ياكل بالبيت وما يعتمد عالاكل الجاهز الا نادرا أضمن لصحته ونظافته فعلا هناك أشياء تحدث لا نعلم بها الله يحمينا من كل شر

ايه الله يهني سعيد بسعيده وتحمل مايجيك

ألمطاعم صارت تنافس المستشفيات
قصدي تخرج للمستشفيات وتربح الخاصه
يعني ادفع عالوجبه
ثمن رح للمستشفى
وادفع للصحه?

وفي ازدياد؟؟؟...

يالبى الزوجه الاجنبيه كل اكلها تسويه بالبيت. وبكل بساطه.

99.99 بالمئة أسباب التسمم الحاصلة بالمطاعم تحصل بسبب أكل الشاورما لأنها قد لاتطهى جيدا ناهيك عن تعريضها للطهي وعلى الهواء مباشرة متعرضة لدخان عوادام السيارات والهواء المشبع والملوث بالجراثيم والميكروبات المنتشرة بالهواء هاذة توقعاتي بسبب التسمم الشاورما لأن البعض يتناولها دون التفكير بما ستجلبة لة من الالام ومغص

السبب في التسمم في توصيل الطلبات هو ان السيارات الناقله للطعام غير مجهزه بحافظات للطعام تلائم درجات الحراره فالحفظ والتخزين السيئ يسبب تسمم

ماتلاحظون أسعارها غالية جدا. و مافيه توعيه للشباب في الاقتصاد والتوفير ومتى يأكل من المطعم والسلام

الطقس يعجل بفساد الوجبات. كما ان الرقابة ضعيفة على المطاعم وهناك تلوث الماء بنقله من خزان ارضي الى خزان سطوح مع عدم ملائمة خزانات الفايبر جلاس لحفظ الماء فهناك محاذير قوية من استخدام الفايبر جلاس. على ان الاشخاص الذين يعملون (مستوى الهايجين) الشخصي عندهم. صفر كبير

اي والله ماذبحنا الا اكل هالمطاعم.. !!
اسوأ وارخص انواع الزيوت يستخدمون.. !!
واسوأ وارخص انواع الدجاج يستعملون.. !!
واوسخ و أرخص عماله يحضرون الطعام.. !!
وفي النهايه جميع الامراض المزمنه منهم.. !!
إنا لله و إنا إليه راجعون.. و حسبنا الله و نعم الوكيل.

والله العضيم هاذا اللي حاصل مع اكثر توصيل الطلبات واسئل مجرب ولا تطلب من مطعم الله يعطيك الصحه مستر الربيع

موظف البلديه اذا سجل غرامه على مطعم تشوفه كنه مسوي شئ عظيم ؛؛

سيارت الإسعاف أحسن من سيارت دفن الموتى

يعني الرسام يبي يقول التسمم سببة التوصيل المجاني يعني ويش تفرق تجيب الاكل او يوصل لك الاكل و الا قصدة العامل اذا ماعطيتة بخشيش يعمل في الرز بصل

والله العاده أحدلس بالشهور ما أكل من المطاعم ابدا لإني ما أضمن نظافتهم..
..
..
بس هالشهر مدري أيش صار أشتهي من المطاعم فطور وغداء وعشاء..

سبب انتشار التسمم هو قلة المراقبين على المطاعم بالمملكة
لا والمشكلة ان 40-50% من العائلات بالمملكة اكلهم اليومي من المطاعم

في الصميم

أحسنت... ويا ريت البلدية تنتبه ل هالنوعية من المطاعم و تكثف الرقابة عليها.. بالإضافة الى توظيف الذين يستحقون العمل ويدعون جانب الواسطة عنهم... مو يوظفون ناس مهمتهم يجون ويطلبون واحد صبه وعصير خلاط وينهون المسألة.. من جد يعني... وشكرا لك أخ ربيع على الكريكاتير

ما شاء الله صار التسمم يوصل الى بيتك

يعني تسمم من اولها لاحول ولا قوة الا بالله

مشكلة بعض الناس مشكلة مع هالمطاعم السريعه
يا ناس والله مافيها فوائد أبدا
يا تاكل أكل البيت ولا بلاش
انا ما اقول لا تاكل من المطاعم السريعه.. كل مو مشكلة
لكن الواحد يحاول يخليها بالشهر مرة او مرتين

المشكلة أن المطاعم في ازدياد رهيب وأنا احمل البلديات المسؤولية فالمفترض في اي بلد في العالم ان تكون المطاعم في وسط المدينة فقط اما الاحياء السكنية بالكثير فيها مطعم او مطعمين اما لدينا الاحياء السكنية ليست سكنية بل تجارية ويا قلب لا تحزن

تعودنا !!!

تمثل الواقع تمامااا.

قوية تسلم يدينك ويوم الاثنين الماضي القضية هذه ناقشها الاستاذ داوود الشريان ببرنامج الثامنة ووالله شب عليهم شبه الله يوفقه

ههه
شكله وهو نايم في الصورة الثانية شي ههه

ههه صاير معك
بس هذا الصدق

يا الله سترك..
ماعندك احد.. تلقاه مضيع بيت طالب الطلب.. وجلس يدور بالأكل حتى فسد واعطاه هالمسكين.. وراح فيها..
والمشكله ما فيه بيت الا ووقع في مخالب هالمطاعم وقرفها ويعرفون ان كل شىء فاسد فيها..
وتلوعوا من المستشفيات وخدماتها السيئه واستقبالهم والطوارىء اللعفنه
وبالرغم من هذا تشوف سيارات هالمطاعم في الأحاء تقول سيارات ليموزين..
واذا تسمم الواحد وتعالج نقول الحمد لله على السلامه... لكن الخطوره ان فيه جرثومه ما لها علاج تصيب المعده كثير اصيبوا بها من اكل المطاعم وخلت حياتهم جحيم

مو مشكله
بس ياليت تكون سرعة وصول الأسعاف بسرعة وصول الطلب

حتى المطاعم الكبيرة مثل اللي في شارع التحلية بدون ذكر أسماء! ممكن يوديك للمستشفى!

لاتشرهون على المطاعم -
اشرهو على البعض من حريمكم -
جميع الخلطات السريه للمطاعم المشهوره موجوده بالنت -
جب الطلبات وخلها تطبخ - الا اذا كانت رفله - الله يعينك "؟"

الله يستر يعيننا ع الحر وبدا موسم التسمم الغذائي !
فقط رساله للبلديات على عجل!
لماذا المطاعم ومنسوبيها مالديهم تأمين صحي+
كذلك بدل خطر !
خاصه ولدينا كم هائل من المطاعم في البلد مهوله !
وكأننا شعب كسول ومستهلك بشرهه !
وحريمنا منجم للشحوم وتنبله والأتكاليييه !
ع الأقل بوه تأمين ضد التسمم!
لحماية الحاله الصحيه الوقائيه!
لضرار ممكن يقترفه بنقالي وبو يمن!
وباقي الجنسيات المخيفه !
تجاه مرتادي تلك المطاعم !
موسم الحر يكشف لنا سواء الخدمات البلديه والتجاريه !
ولا يهون 998 وقل كشف السلامه ؟

ايه والله ماذبحنا الا اكل المطاعم !!
اسوأ وارخص انواع الزيوت يستخدمون !!
واسوأ وارخص انواع الدجاج يستعملون !!
واوسخ عماله يحضرون الطعام !!
وفي النهايه جميع الامراض المزمنه منهم !!
فلا حول ولاقوة الا بالله

ايو والله هذا حالنا مطاعمنا زباله مانقول غير حسبي الله ونعم الوكيل علي الجرح والله