اكذب عليه نافق ولا تبالي
ماهمني في غيبتي شي قلته
عادي تردد ذمي بصوت عالي
لا مر لي طاري ظهر سم شلته
قبلك ترى عبر السنين الخوالي
قالو ولا نوخت ركب ارتحلته
واللي قصرت خطاه لو هو قبالي
خله معك عن ما جرى ما سألته
طبعي ما اعاتب واحدن ما صفالي
من صك بابه عنه بابي قفلته
واترك جنابه عقبها لليالي
تكشف لذاته سوء ظن احتملته
ويشوف من غشه وانا افتل وصالي
له بالوفا والود ما قد خذلته
يمكن ضميره يصحي بوقت تالي
ويصيح هذا كيف صار وجهلته
التعليقات