ما أعرض السلعة على غير شراي
نزهتها عن سوق يبخس ثمنها
والحاجه اللي ماثمنها بمخباي
جنبت سومتها وصديت عنها
ومن غير أهل العرف ما آخذ الراي
كفرت في ضحل العقول وعفنها
دامه على القمه طموحي ومرماي
ونحو المراد النفس تمشي سفنها
ماني مجادل كل جاهل وخطّاي
واوكيت لحروفي بغالي كفنها
ولاني لوقفات الاجاويد نسّاي
والناس بالشده يبين امعدنها
ولاني بشكّايٍ غرابيل دنياي
نبي ربي ماسلم من محنها
ولالي على عقب آدم صكوك وامضاي
للخلق رب بكل شيٍ ضمنها
بالناس من يخشع على جرة الناي
وبالناس من أحيا الفروض وسننها
من ماضي ايامي أعديت للجاي
مايكبح جماح الليالي وفتنها
عوض سلامه العنزي
التعليقات