كان بيت الأسبوع الماضي من طرح الشاعر خليف فهيد الحربي من الرياض والذي يقول:

الصحبة اللي تجي وتروح

ياعنك وش ينبغى فيها

وكان صدى الشعراء لهذا البيت:

الرفقة اللي وراء المصلوح

يا سرع ما بان خافيها

يومين وتشوفها جموح

وتصير في وجهه سافيها

والمعرفة للرجال اسروح

اختر رجال ٍ تصافيها

وإن شفت ناس بسرّ تبوح

قل يا الله انك تشافيها

مشعل بن صنت العصيمي/الخرج

صداقةٍ ما بها مصلوح

ينعاف يا خليف تاليها

والصاحب اللي يِسِر الروح

مِن قَبل تنخاه ياتيها

الكِل عند السَّعه مملوح

ويظهر لَك الوقت صافِيها

عليك في مِبعِدِين الشَّوح

تِجارةٍ 00فاز00 شارِيها

سعود عائش الحربي - جده

لا صار عندك له المصلوح

رجله من الوصل يحفيها

مع المراجل ويبني صروح

يبدي المعرفة ويخفيها

والى قضى حاجته بفروح

ينساك لو كنت تقضيها

يالله عسى فاله المجروح

وتحوس دنياه صافيها

حمد عبدالله الوايلي - حوطة سدير

صحبة مصالح وفيها جروح

انصحك تبعد وخليها

والله مامنها مصلوح

الاهموم تبقيها

الحر حر بعيد الشوح

وصداقة البوم مابيها

صالح البشري - الرياض

وعى بحر آخر :

ان كان ما من وراها واصلنك اجروح

و عينك ولاشاهدة يومن غلط فيها

حافظ عليهاو طورها و سو اصروح

و حط بعض المدافع من حواليها

ون كان في كل يومن شرّهامطروح

فسيبها سيبها و العن طواريها

محمد عبدالله الشهري - جبل اثرب

بيت الاسبوع

كتبته للصفحة الشاعره سحاب الهيف من الرياض وتقول:

الحمد لله بدينا الدرس

في امن وآمان واسلامي

نستقبل صدى هذا البيت خلال أربعة أيام من نشر البيت على إيميل الصفحة:

rb-khozama@alriyadh.com