‫ الفعل للرجال ختم اعتمادي

عن معدنه والهرج ماهوب ينعد

عيش الحياة ولاتصير المعادي

دنياك ماتسوى العداوات والحقد

دام الخطا موجود وأمر اعتيادي

لاتضيّع أيامك على الحزن والنقد

لا يجعلك غاليك مثل الزنادي

من وين ماحرك تقدح على الضد 

ترى الذكي ماهوب شخص انقيادي

رايه براسه لادنت ساعة الجد

عامل بطيب وحسن ذات ومبادي

وعن الردي واللي تردى معك صد

خل المجادل والكبر والعنادي

شيٍ ما تفهم فيه عن مجمله لد

ومن علق الرجوى على الناس غادي  

الناس رجواها مثل حذفت النرد

الغدر جرحه مثل جرح الهنادي

لاجاك من ناسٍ تمثل لك الود

والحزن جمره في قلوب العبادي

ولا فيه حزن أحر من لوعة الفقد

عبدالله بن داود العصيمي