كان بيت الأسبوع الماضي للشاعر عبدالله محمد الضويحي حول التعاون مع تعليمات حكومتنا الرشيدة في دواعي جائحة كورونا والذي يقول:

تكفون يا شعبنا تكفون

في فعل الاسباب عینونا

وقد كان الصدى أكثر من رائع:

مافيه احد بيننا مضمون

من نقل فايروس كارونا

دام الخطر قايم تكفون

خلو المراويح فكونا

الناس من حولنا يفنون

كم واحد صار مدفونا

وحكامنا لجلنا يسعون

وشيوخنا فيه يفتونا

نايف سلطان النمر - الخرج

النصر يا شعبنا مضمون

على الحوثيين وكرونا

ابو فهد قالها ممنون

بالحزم والعزم عنتونا

ومحمد الصادق المامون

قال الفزع لا تخلونا

المرجلة ما تجي بالهون

بالفعل يا قيل تكفونا

زبن مقبل العنزي - بريدة

انتم نشاما ولا ترضون

اللي تهاون ابكورونا

أمر القيادة لنا قانون

للاحترا زات دلونا

واللي يفرط شبه مجنون

ياناس بالبيت خلونا

على الرشيد - رياض الخبراء

شعْبكْ لكم ياملكنا عون

في كلّ أمرٍ زهمتونا

في عزّنا دايمًا تسْعون

كأس المحبّهْ سقِيتُونا

فعْل السبب والحذر مسْنون

واللي كتَبْ ربّنا يْكونا

بالبيتِ نجلس عساهِ يْهون

ويْروحِ فيْروسِ كورونا

ناصر جمعان آل عوض - وادي الدواسر

ترى الوبا مايجي بالهون

يضرب على الكايد جنونا

كم واحد راح ماله عون

ضاقت به الأرض والكونا

ويا عالم راح فيه حزون

وسبت كرونا تجي لونا

عد الضحايا غدا مليون

وخوفو من الله وفكونا

حمد عبدالله الوايلي - حوطة سدير

الوقت قدمك مهو مظمون

فكر بدربك على الهونا

ّهذا المرض يشبه الطاعون

ولّى زمانه جت كرونا

سبحان ربي اله الكون

دايم مع العبد هو عونا

محمد بن عبدالعزيز الخنيفر - أشيقر

اهل الفكر دايمن يلقون

اللي على الطيب يمشونا

بكل ماحصل لازم ترضون

شي مقدر تعرفونا

ثم طاعة الله تراها عون

ياما من الخير تلقونا

ريان بن محمد الخنيفر - أشيقر

ياناس ياللي لنا توحون

للسوق حذرا تروحنا

ترا الوباء حولهم تدرون

اطلب طلبك بتلفونا

انته هل السوق لك يجون

للي تبى هم يجيبونا

الله ترا امره بكاف ونون

منه الفرج صح مضمونا

سعد صنهات السهلي - الدرعية

ترى كرونا أخو الطاعون

لو اختلف صنفه أو لونا

يجيك لو تلمس الماعون

ثم تلمس الخشم وعيونا

ترى خروجك ماهو مضمون

قعدتك في البيت مصيونا

سليمان بن عبدالعزيز السنيدي - الرياض

وعلى وزن آخر:

طاعة حكومتنا على الراس والنون

في مصلحتنا كم سنينن هدونا

مع التعاون شعبنا ما يذ لو ن

و بذ ن الله ا نا غالبينن كر و نا

من شرقها الى غربها جا هز ون

في الطاعة اللي تامر و والمو نا

محمد عبدالله الشهري - أبها

«بيت الأسبوع»

كتب بيت الأسبوع الشاعر سليمان بن عبدالعزيز السنيدي من الرياض ويقول مشيداً بجهود رجال الأمن :

شوفوا رجال الأمن ياناس تكفون

هم يسهرون الليل وحنا ننامي

نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة:

rb-khozama@alriyadh.com