ما يقربك شر حنا فدوة عيونك

لوهي قصيرة دعانا لك يطولها

محبتك من ورى جدك مهي دونك

اجيال، من قبلنا، لاجيال تحملها

شعبك معك دام سيف الحق قانونك

عدلٍ، رضوبه مجننها وعقلها

هاذي حقيقه، مشاعرهم يحبونك

مشاعرٍ صادقه من قلب ناقلها

عيون تقراء وفيه عقول يقرونك

وبه ناس يقصرعن هدافك تخيلها

في السعد دام حلم الناس بعيونك

بنات، فكرك، ترسيها، سواحلها

سفينة المجد ارث المجد بركونك

من شاطي العز عب الموج محملها

قدامك كثير لكن، كلهم دونك

الناس، بالعقل خالقها يجملها

في مهبط الوحي كل شعوبها عونك

واللي، مهي عاقله، غصبٍ نعقلها

أحمد الهزاع