الحمدلله كلا راح يستلم راتبه . .. محد ميت جوع المفروض يكون عندكم تفائل. ابعدوا عن هذا الكلام ..مدام الله موجود الرزق موجود ..

الذى يعمله صاحب الشاءن هو ادرى بمصلحة المواطن الحمد لله والواجب الدعاء لهم .اللهم الهمهم الصواب واحفظهم كما حفظو امننا واستقرارناوجزاهم الله عنا خير الجزاء

الرواتب وفق للشهور: الحمل، الثور، الجوزاء، السرطان، الاسد، السنبلة، الميزان، العقرب، القوس، الجدي، الدلو، والحوت

حوسة وعوار رااااس .. الراتب بالأشهر الشمسية ونمشي بالتاريخ الهجري والمواعيد بالميلادي كثير كثير جداااااا

عسى خير

يالبى قلب الاشهر الهجرية .. صحيح كنا نفتخر فيها اعظم الفخر يكفي انها تؤرخ لهجرة خير الخلق صىلى الله علية وسلم .. ان كانها وقفت على العشر ايام والا اكثر خذوها بالعافية عليكم لكن خلو لنا تاريخنا وعزتنا وتميزنا بهذا التاريخ العظيم والله ان استخدامنا للهجري هو مرضاة لربنا ويكفي برضى ربنا من غاية ومقصد

بدل هذا الف والدوران ، يا ليت نقصوا رواتبنا 3% وخلونا على الشهور الهجرية. لأن الفرق بين الشهور الميلادية والهجرية 11 يوم ما يعادل 3.1% خصم من الراتب الشهري للموظف. وريحونا من حسبة الميلادي والهجري وتبعاتها على القروض في البنوك وسداد الإيجارات وشهر رمضان. وين المستشارين الاقتصاديين عن المشورة.

ها ها ها كذب المنجمون ولو صدقوا..... بعد مراجعة التقويم لم يذكر فيه شهر رمضان وهذه أولها.... لكن مختصر الكلام الراتب يصرف بحد أقصى 27 من كل شهر إفرنجي.... عافانا الله وإياكم

أرحمو عقولنا ؟؟ بالمنطق ثلاث تواريخ تستخدم ما عمره صارت في اي مكان في العالم

تخبط من وزارة المالية .. و الضحية المواطن المسكين ..

السنة الشمسية هي 365 يوم سواء بالابراج والا بالميلادي والا بالهجري الشمسي. ليه ما استخدمتو التاريخ الميلادي (يناير ... فبراير ...الخ) زي باقي العالم وخلاص. كل هذا عشان ماينقال تغريبي ... بطيخي ... الخ. المفروض الراتب ينصرف كل يوم 25 من الشهر الميلادي والسلام.

موعد غريب وغير معروف ، خلونا على الهجري الله يرحم والديكم.

الله يجعل الامور الى خير وينفع بها البلاد والعباد

أعتقد قرار غير موفق من وزارة المالية وكان الاجدر هو التمسك بالتاريخ الهجري والعض عليه بالنواجذ . لاحظوا راتب الخامس من السرطان (الله يكفينا شر السرطان) يصادف تاريخ 2 شوال أي ثاني أيام العيد ويعتبر اجازة رسمية أيضا اللي بعد اللي بعده يصادف اجازة عيد الاضحى ,,كل شيء عندنا بالهجري حتى تواريخ المواليد

وبرج السرطان يكفينا شره متى؟؟؟

الحين الابراج هذي مو نفسها ابر وشباط وتموز ولا تختلف طيب اول السنه الشمسية اي شهر بصراحه بيان وزارة المالية لخم الشعب ولكن بإذن الله نتعود

التعليقات.. اضحكتني

طول عمرها ميزانية الدولة بالميلادي، بس بند الرواتب بالهجري وين المشكلة؟

اهم شي انه ينصرف الحمد لله ,,ان شاء الله لو ينصرف بالأشهر الصينيه :]

ياخسارة على الأشهر الهجرية .. كنا نفخر أما كل المسلمين بأننا البلد الوحيد الذي يؤرخ كل شيء بالتاريخ الهجري القمري تواريخ الميلاد الرواتب أنظمة الدولة بالكامل بالتاريخ الهجري والمواعيد ومواعيد الاعراس والمناسبات وكل شيء .. لكن الآن سوف تبتعد شيئا فشيئا عن هذا البعد العاطفي الكبير الذي يربطنا بديننا

ما معكم إلا تسألون صالح الزعاق خبير الأبراج يفتيكم

اتوقع حتى التاريخ الشمسي بيطلع له صوت ومانسمع به الا مع اليوم الوطني اول الميزان الحين بتسمعون راتب الثور والجدي والدلو ووو وبتنسون الاشهر الهجرية واللحين يبي لكم تحفظون كل الاشهر الهجري للمعاملات والدوار الحكومية والشمسي والميلادي للراتب

وش هالشهور الناس ماتعرفها الثور والعقرب ،،، طيب خلوهاهجري او ميلادي ... ليه هاللف والدوران بس علشان يعني انا مانبغى الميلادي عجبا !

ياخي اصرفوها بالميلادي وفكونا.

مستحين تقولون الصرف بالشهر الميلادي(إيش العقول هذي) ...وللمعلومية مايستخدم التقويم الهجري الشمسي إلا إيران المجوسية

الواضح انهم مايبون يستعملون التاريخ الميلادي والا اغلب الدول تستخدمه شالمشكلة يعني وكذلك كل البنوك والشركات الموجودة بالميلادي 25 من كل شهر وخلصت السالفة

خلاص ما يحتاج أشهر شمسية وقمرية قولو أشهر ميلادية وانتهينا.

عجزت أفهم شي من الخبر ايش برج شمسي وخرابيط أصرفو الراوتب أول كل شهر ميلادي أو هجري

وليه ما نكون واضحين مثل دول العالم .. يوم ثابت في الشهر ينزل فيه الراتب .. مدري هالمستشارين في المجلس الاقتصادي وش ناوين عليه.

طيب المواطن مستعد يفدي وطنه بروحه ودمه السؤال هل هو قادر على دعم عجز الميزانية ودعم شركة الكهرباء وشركة المياه وشركة الاتصالات والبلديات وتعليم أبنائه ودعم أسعار الوقود والطيران المدني والخطوط السعودية ووزارة العمل وغيرهم ممن يخططون على قدم وساق لفرض الضرائب ؟

نسأل الله بأن ينفع بها ويطرح فيها البركة .. والحمد لله بالنسبة لا يجد فرق في اول شهرين الا يوم واحد والثلاث شهور التي تليها فرق يومين وعلى هكذا الى اخر راتب بالسنة تقريبا عشر ايام او 11 ولكن يبقى موضوع شهر رمضان والاعياد !!!! هل ستكون هنالك آلية مختلفة لمواعيد الرواتب فيهم ؟؟؟؟ خصوصا شهر رمضان ؟؟؟

والله احراج يعني أقول لزوجتي أن هديتها في راتب الثور!!!!!!!!!!!!!!!!!!!!

طيب ما دام قرروا التغيير من التاريخ القمري ليه ما يكون 25 من كل شهر شمسي وانتهينا ، وإلا لازم من شغل الملكعة وإلا إنا ما نعتمد على التاريخ الشمسي !

البرج الهجري الشمسي = الشهر الميلادي يعني نقعد نخترع أشياء علشان مانقول ميلادي ويجي واحد يمتحنا تغريب وما تغريب يعني بحسابات الايام بالميلادي وضاعت على الموظغين 11 يوم لكن الصرف بالبرج الشمسي ردوا للموظفين 11 يوم الفرق بين الميلادي والهجري وسموا الأشهر على كيف كيفكم سموها الشهر الوزاري مثلا

كل ذا اللف والدوران عشان ماتقولو نبي نمشي على التاريخ الميلادي برج العقرب والاسد والبطيخ من الي يعرف ذا التواريخ

بالابراج؟؟؟ مو الابراج حرام؟

شكلي راح ابدا اخذ دورة في الابراج

ما مع اني ما فهمت المقصود ببرج هجري شمسي الا أنني اعتقد المقصود ان الموظف سوف يستلم اثنا عشر راتبا فيالسنة الميلادية(365يوم)بدل (354يوم) في السنة الهجرية مما يعني عمليا تخفيض راتب الموظف الشهري 3.1%.

احنا لا هجري ولا ميلادي بالابراج يعني تطلع البر وتراقب الابراج اذا حاء اليوم الخامس من البرج موعد راتبك

يعني مذبذبين لا الى هؤلاء ولا الى هؤلاء """" لا ميلادي زي الناس و لا هجري زي الناس