|
الأخ معوكس - حفظه الله
تحية حب واحترام ..اصدقني القول وين رايح الصيفية؟
بدر العمير - القصيم
يارجال الفواتير ذابحتني وام العيال كثرت طلباتها مع ها(الزواجات) لذلك مالها الا (انتداب) اما السياحة فخلها لاهلها (المريشين) بالدراهم الله يخلف!
|
|
الأخ معوكس - المحترم
تحية وبعد:
ماهي اقتراحاتك للجنة التطوير الرياضي؟
مبارك الذويب - عرعر
الموجودون في اللجان كلهم خير وبركة بس (علهم) يركزون على توفير (الفلوس) وبعدها كل شيء يصلح
|
|
الأخ معوكس - المحترم
لماذا الغي اعتزال ماجد عبدالله؟
زيد البراك - الطائف
الشكوى على الله ضربها.. يمين ويسار بس مااحد جاب (خبره) و(يومه) طيب ونشيط والكل يبغي يصور معه (لكن) صدقني ماجد يظل ماجد كرموه والا قعدوا!!
|
|
فاكهة الجمعة - الاخ معوكس - الموقر
وين الغيبات فقدناك يامعوكس ومن طول الغيبات جاب الغنايم، يحق لك اجازة خاصة بكأس العالم هذي غير اجازة الصيف الله لنا والله ياانت لاقيها ما توظفني عندك اقرأ رسائل القراء.. الا ما قلت لنا وين بتصيف انت وام العيال هذي السنة.. والا ناوي سياحة داخلية وتمارس انت والعيال التزلج على الرمال الذهبية بالثمامة..
هلالي الزلفي - ابونواف
حقيقة انا وام العيال عندنا (يخت) موقف في صلبوخ ويبغي له شوي توضيب واذا صلح ابحرك الى الحوطة ومنها الى الوادي وبعدها ابستقر في الصمان واذا "ملت" المعزبة مسطت بها وعيالها في الرياض وطرت اجيب (عمال) لمدة شهر في احدى الدول الاوروبية!!
|
|
اخي وعزيزي معوكس - المحترم
ماهو رأيك وبدون مجاملة في نجوم الاخضر في كأس العام 2002م
خالد الشلوي - جدة
انتظر الاخضر في 2006وتشوف ان شاء الله شيء مختلف ولكل جواد كبوة ياابوخلود..
|
|
الاخ معوكس بعد التحية..
لماذا يهاجم ويحارب كابتننا يوسف الثنيان الا يعلمون كيف يعامل النجوم الكبار والمميزون في العام.
اخوك عاشق الثنيان (ثامر عبدالله) - الرياض
ياأخ ثامر لا تطير في العجة وتخرط وانت ما تدري يالرجة وبعدين لفظ (حرب) شلها من دماغك وبعدين يوسف نجم كبير ووعد الجماهير بالكأس شريطه ان تحضر انت وربعك اهل الاستراحات والخرطي وصك البلوت والكبسات والحش في الناجحين..
|
|
الاخ معوكس - المحترم
ماهي نصيحتك للحكام في هذا الزمن وخاصة الكثير منهم قرر الاعتزال خوفا على مستقبلهم الاجتماعي والكثير وجد تهديدا ومضايقات في اماكن حساسة وخاصة اولادهم في المدارس البعض منهم رفض الذهاب الى المدرسة بسبب القيل والقال الذي يسمعونه داخل المدرسة.
عبدالله عيسى الخرعان - الرياض
الحكام حالتهم حالة وهم ما يحتاجون لمعسكرات خارجية ولكنهم يحتاجون الى توجيه منطقي وحماية من الاداريين السليطين والاقلام المتخلفة ومكافآت مجزية اولا باول ويحتاجون ايضا الى اجواء صحية تجعلهم يثقون بأنفسهم ويحكمون (بضمير) وبدون خوف من زيد وعبيد!
|
|
الاخ معوكس - المحترم
ماذا ينقص الزعيم بعد تربعه على عرش البطولات وهل توجد بطولة لم يحققها ولم يسجلها التاريخ خلاص ترانا ملينا من البطولات وتركنا صجة ولجة للآخرين على أعمدة الصحف ومناظرات لهم..
يحتاج الى وقفة جماهيره الليلة حتى يرد اعتبار الكرة السعودية وبعدها يحتاج الى اشياء واشياء سأتحدث عنها الاسابيع المقبلة..
|
|
الاخ معوكس - المحترم
هل انت راضي ومبسوط من شريط نوال الجديد؟
سالم الشمري
انا احتري (احلام) صوت واداء و(صرقعه) اذا بغيت اما الرومانسية فخلها لك ياقيس لبده..
|
|
الاخ معوكس - المحترم
تحية وبعد:
بخبرتك الكروية ماذا يحتاج الهلال ليكسب الجمعة كأس السوبر؟
بندر الدوسري - الرياض
- هدوء اعصاب تشكيلة جيدة. جماعية انتهاز فرص.. والاخ حسن (يركد في (بابه) والاخ الكاتور (يركز) ويوسف يعطي ما عنده ونواف يضاعف مجهوده وفيصل وربعه يشدون حيلهم والجمهور يحضر وان شاء الله كل شيء يتحقق.
|
|
الاستاذ - معوكس:
يقولون ان هناك تعاون قادم بين راشد الماجد وخالد عبدالرحمن من تقترح يلحن وآخر يغني.
سمير - الخبر -المنطقة الشرقية
كلهم (عينين) في رأس بس لو يخلون غيرهم يلحن لان اكثر الحانهم متشابهة وبالذات الشاب الخرجاوي خالد..
|
|
الاخ معوكس - المحترم
تحية طيبة
معقولة نجوم النصر القرني والشويع باعوا سياراتهم؟
سامي البدر - الرياض
- ليش لا 9شهور ما اخذوا رواتبهم وين يجيبون فلوس منه.. واصبر على لاعبي الاندية الثانية اذا ماباعوا بيوتهم!!
|
|
الاخ معوكس:
بصراحة.. وش اعجبك في شريط بديع مسعود الجديد؟
عطيه الرويلي - شرورة
اعجبني صوته الدافئ ومووايله الجميلة واول ما سمعته قلت هذا (جواد) يوم دققت لقيته الاخ بديع بحنجرته الخشبية والله يرحم عبدالحليم..
|
|
الدكتور - معوكس المحترم
تحية وبعد استاذنا الكبير كيف ترى أحوال الفرق عطفا على استعدادتها للموسم الجديد.
بجاد الرميح - الرس
العادة .. اجانب كل شي (بعشرة) والمدربين (ثلاث) مباريات ويطيرون وتصاريح الاداريين اللي انت خابر وكأنك ياابوزيد ماغزيت..
|
|
|
