أسرة وحدة

لك الفخر يا شعبنا وارفع الرأس
وادع الاله بليل شهر الصيامي
يحفظ لنا القاده قيام  وجلاس
في كل وقت وبالصحو والمنامي
حكامنا عز للامة ونوماس
من عزهم ننزل رفيع المقامي
حنا اسرة وحدة من الرأس للساس
والصفوة آل سعود راس السنامي
وين الحقود وين موشى وبلاس
يشوف جولات الامير القطامي
بين اليتامى وبين الاضعف من الناس
يتحسس الحاجات جوف الظلامي
اتعبت ابو متعب وقطعت الانفاس
كثر الخطاوي بالسكيك القدامي
نهج الصحابة نهجنا وصار نبراس
سرنا على هديه بكل اهتمامي
وذا سر ميزتنا على كل الاجناس
والله جعلنا قدوة للا نامي
حنا الوطن واهل الوطن والوطن كاس
من سلسبيل نشربه بالفطامي
هذا شعور مواطن كله احساس
يهدي لقادتنا جزيل السلامي
ودمع الفرح هله على غير مقياس
من شوفة الحكام وسط الزحامي
وصلاة ربي علد ما خط قرطاس
على  نبي للنبوة ختامي

عبدالله بن عجلان العجلان