يا مجدد عادات  حكام الاسلام

بعض المواقف تلزم الشاعر الزام
يكتب ونفسه ما عليها كلوفه
ولي عهد المملكة فخر ووسام
ومن وين نبدأ لو  نعدد وصوفه
يحيا امير كل عام ورا  عام
له لفتة للشعب  فيها  مروفه
الله يثيبه يوم بزيارته قام
يدخل على بيت  الضعيف ويشوفه
ماكز له لجنة كشوفات وارقام
تشرح عن احوال الفقير وظروفه
من همته وقف علي روس الاقدام
على الطبعية  ما  ش شيٍ  يطوفه
يمشي  على دور الارامل والايتام
وينظر بنظرات الكريم العطوفه
يامجدد عادات حكام الاسلام
حققت للمحتاج غاية شفوفه
يعيش ابومتعب  وراسه لنا دام
اللي غمر كل الشعوب امعروفه
يعيش من حقق صعيبات الاحلام
ومن الوفا  والعز يملا كفوفه
رمز التواضع والابوه والاقدام
صنديد  ما تنشق جمعة صفوفه
اللي  ليا  صعبت وشانن الايام
تهتز  حكام  الدول من وقوفه
نظراته ابعيده وعزام  جزام
ساس  قوي  ولا تمايل سقوفه
ثواب زيد الحارثي