الأخ معكوس المحترم
لماذا لم يعود صالح النعيمة إلى الإدارة الكرة الهلالية حتى يستفيدوا من خبرته؟

متعب صويان الشمري - عبدالله عيسى الخرعان - الرياض

وين يعود معه والشروط ما تنطبق عليه مثل قبول الجامعة النسبة دون المطلوب!!

الأخ العزيز معوكس
ما هو الشبه بينك وبين المذيع الشهير حامد الغامدي؟

الهلالي - نواف

أنا اصغر و(املح) وناوي انهيه في برنامجي الجديد سباق التصاريح!!

يا أبو العواكيس
السلام عليكم ورحمة الله وبركاته،،
ودي بسؤال ابطرحه ارضاهل صحيح أن الياقوت "مسكر" باب فريقه في مباراة النصر على قول أحد إداري النصر

مبارك ذيب الذيب - الخبر

ويقولون ما لقوا (المفتاح) إلا عند فرع (الشايقي) في الدمام!!

إلى الأستاذ القدير معوكس المعوكس
وش تظن يسوي العجلاني مع صائد الكبار وهو اللي "منصقع" بالستات والسبعات

مرزوق ناصر الشمري - حائل

وأنت تظنه ساحر يا بعد حبي بيدخلكم المربع!

عزيزي معوكس صاحب المليون رسالة ورسالة
من تتوقع أن يفوز بجائزة اللاعب النظيف خصوصاً وأن الترشيحات متوجهة نحو محسن الحارثي بعد "زلقته" المثالية بعيداً عن مفصل

الحربي أحمد

محسن خليفة مصطفايا بجدارة وما له منافس!!

بو العواكيس يا نافش الريش
كيف ترى انتقال محمد الخليوي للأهلي بعد أن نسقه الاتحاد وهل سيصبح مصيره مثل مصير مسعد

منصور فهد - الدمام

مصيره والامعاء الدقيقة!!

أخي وصديقي معوكس
نحن مجموعة من الهلاليين والنصراويين اختلفنا في تفسير إشارة الجمعان لتراوري في مباراة الأهلي بعضنا يقول إن الجمعان يقول

على خشمي وابشر بالخير، والبعض يرى انه يقول غير وانت ما هو تفسيرك

شباب استراحة شماء عنهم: مطلق الفراوي

أبو عابد شايف نفسه حبتين كنه (عنتر) والحقيقة ما فيه فايدة هاوي ولا محترف!!

صاحب المليون رسالة
أبو العواكيس
هل من تبرير لخسارة الأهلي من الخليج

عبده علي - جدة

أنا ما شفت (الأهلي) في الملعب اللي صار كله أمواج خليجية فيها روعة (المرزوق) وابداع (التركي) وزملائه!!

إلى الداهية معوكس
وش رأيك في اقالة الهلال لاخصائي العلاج البلجيكي واللي صارت معه غرفة العلاج فل وياسمين بالمصابين

نايف منيف العتيبي - العريجا

الظاهر لو عطوه فرصة واصبروا عليه صار الفريق كله يتمرن في غرفة العلاج!!

الأخ معكوس المحترم: تذكر المباراة اللي قبل شهر بين (اليونسيف وفريق فيجو) اللي شارك فيها نجم الفورميلا  1مايكل شوماخر

الكل اعجب بمستواه طيب ليش عندنا لاعبين تصرف عليهم أنديتهم وووو الخ، ولا يقدمون ما قدمه نجم الفورميلا  1في تلك المباراة..

أتمنى منك ان ترد بأسرع وقت وشكراً.

أخوك عبدالله النغيمشي - بريدة

وأنت تبي الأجانب اللي عندك ماركة فورميلا ما حولك إلا عراوي يبي توضيب!!

الصديق الدائم معوكس تحية طيبة وبعد:
ما رأيك بفوز الهلال على الأهلي؟

نواف الرثيع - الرس

فرحة ما تمت خذها (القروني) و(كوستا) و(المحياني)!!

هي معوكس
وش اللي صاير في الاسهم هاليومين وهل للرياضة علاقة فيه وهل ابيع اسهمي ولا انتظر اجابتك بفارغ الصبر .

محبك عبدالإله القاسم

أنا أشوف ان اسهم (التصريحات) ارتفعت إلى أعلى مؤشر ووصلت المحكمة لكن (الياقوت) ما حضر!!

الأخ معوكس بعد التحية
نادي الاتحاد متمسك بالمحترف البرازيلي (سيرجيو) رغم كثرة مشاكله.. لماذا؟
لماذا لا يتم ايقاف نادي الهلال من نيل البطولات حتى تتاح للفرق الأخرى اللحاق به؟ ومساواته بعدد البطولات؟

سلطان بدر السقياني - الزلفي

خايفين عليه من (مرخ) وطويق!!

أستاذي العزيز معوكس المحترم
السلام عليكم ورحمة الله وبعد:
هل صحيح بان لدى محمد نور لاعب الاتحاد حصانة حيث يحق له اللعب والقزع واضح على رأسه

حمد الساري مشجع المنتخب

نور نجم كبير (يحرث) الملعب ويا ليت نشوف مثله كثير ولا مثل (الغامدي) كنه (ما طور) خيمة!!

إلى صاحب المليون رسالة معوكس المحترم
تحية طيبة وبعد:
لو سمحت يا أبو العواكيس تكشف لنا سر عدم مشاركة نجم وسط الهلال تركي الشايع مع فريقه حتى الآن وماذا.

صديقك الدائم محسن قائم العنزي

السر عند اللي وداه لـ (سدوس) الموسم الماضي!!

صديق الملايين وصاحب الحق معوكس
سمعت في تكرار اسمين حتى انني مليت من سماع هذه الأسماء ولا أعلم مدى الجدوى من تكرارها وهي تراوري وبدرا

أخوك غالب سميحان الفهد

تراوري من يوم حلق (موس) وعلومه ما هيب مضبوطة اما (بدرا) فالظاهر انه يبي يصير خليفة (الرويسي) يعني الراتب ماشي

والدوام في غرفة العلاج!!

الأخ معوكس
ما رأيك بتوقيع الشيحان للهلال

أحمد الحامد - البديعة

ضربة معلم قواعد وجغرافيا!!

يا معوكس
يقولون الشيحان عقب ما هو اخطر المهاجمين صار يترجى بعض الأندية ويحب جماهيرها عشان يضمونه وهم مطنشين على الآخر
صديقك الدائم

فتى الزلفي المدلل - أبو داحم

عبدالله خطير وسريع لو تبونه يجيكم لمرخ ولا طويق عبر الطريق السريع وهو يركض!!