مر الحقيقة

قالوا يخون وقلت ما هوب خوان
اعرف حبيبي ما يخون الموده
قلت العفو للحين ماشي لي بان
خلني اشوف ووقتها اكون ضده
وشفت الحقيقه وقتها ليت ما كان
قلبه هوى غيري وزوّد بصده
لفتبي الدنيا وتاقف بي احيان
عجزت اصدق خانني من اوده
صديت عنه والدمع فوق الاوجان
والدمع من عيني جرى كيف ارده
رجعت انا وكلي الم كلي احزان
وقعدت افكر عن غرامه اصده
عجزت اصدق ناظري وحكي الاعيان
عجزت وقلبي من العنى باح سده
غصب على صدقت وما صار برهان
محبوبتي خانت مواثيق عده
هذى الهوى واللي مشى فيه خسران
هذى الهوى والبعد لو طال حده
يا للاسف عقب الوفا صار نكران
وقلبي يا ويلي في يمينه وهده
شوفي تراي اليوم في البحر غرقان
وانتي يجيلك يوم ياخذك مده
خلاص ابنسى" عشرت افلان وافلان
واذا كثر همي نصيت المخده
بتركه لله وابتعد قدر الامكان
وادري في يوم ادري يجيلي مرده
قالوا يخون وقلت انا أكيد خوان
لكن مصير اتشوف دمعه بخده

يوسف الخلف