مهبط لوحي الله

يا الله يا علام في غيب الأسرار
يا مكون الدنيا ومحصي عددها
تحفظ لنا يا الله من كيد الاشرار
بلادنا اللي كل حاسد حسدها
حكم الشريعة عز لو الزمن جار
مطبقة حكم الشريعة وحدها
مهبط لوحي الله ودار للأبرار
يا سعد عين اللي ربي في مهدها
واجب علينا وفرض لو صار ما صار
نحمي ثراها ونتوسد لحدها
وحكامنا اللي بالشجاعة لهم كار
يشهد لهم ماضي الزمان وشددها
مليكنا فهد العرب سيد الدار
تشهد بفضله كل ام ولدها
وسلام للي ميل العقل ليسار
عبدالله اللي صادق في وعدها
وسلطان يا سلطان يا وافي الاشبار
وزارة السلطان كل حمدها
تفخر بلادي بالأيادي والأفكار
بعيالها اللي باذلين جهدها
في دورة الضباط تأسيس واصرار
نلنا معارف غيرنا ما وردها
فيها تلقينا مفاهيم واكبار
وحل لمشاكل صعب تنحل عقدها
ما ني بشاعر للمشاعر والاشعار
هذي معاني صدري اللي فردها
وختامها صلوا على خير الاخيار
اعداد قطرات المطر مع بردها

ذياب بن عبدالرزاق الشمري