بيت وصدى

إعداد: عادي الشمري

الاسبوع الماضي كان بيت الأسبوع من طرح الشاعر: ابراهيم العريفي من الدوادمي ويقول:
الله يديم الأمن في دولة الدين
في مملكتنا محتمين بذراها
وكان هناك عدد كبير من المشاركات بثلاث أبيات.. ومنها:
المملكة منزالها داخل العين
بعيوننا مكانها من غلاها
ياربي صنها عن جميع الشياطين
اللي تعير عقولها من شراها
وتمكن الاسلام بالدين تمكين
وعن امة الاسلام جنب اعداها
علي غنام الغنام/رياض الخبراء
الله يعز آل السعود الميامين
ملوكنا اللي عالي مستواها
وعاش الزعيم اللي يخدم الحرمين
يالله عسى سنينه طويل مداها
ابو اليتامى والضعاف المساكين
فهد زعيم العرب حامي حماها
زهران عون الله المطيري/بريدة
نعيش وسط بلادنا مطمئنين
وبحماية الله حاميينا حماها
بقيادة الفهد حبيب الملايين
يرفع لنا الراية ونمشي وراها
ياسا معيناً دعوتي قولوا من امين
عسى المعادي مايدنس ثراها
زبن مقبل العنزي/بريدة
ويحفظ وطنا من شرور المعادين
ونفس تريد الشر تلقى جزاها
في ظل ابو فيصل حبيب الملايين
اللي فعوله ماوصلنا مداها
واقول لاهل الشر والخبث غادين
هذي بلاد الدين ربي حماها
محمد بن عبدالعزيز الخنيفر/ أشيقر
من دونها حنا نرد المعادين
في برها في بحرها في سماها
دار بها عشنا ودمنا عزيزين
نغلي حروف باسمها من غلاها
في ظل حكام البلاد السلاطين
ارسوا قواعدها وعزوا بناها
محمد بن معتق الحربي/عنيزة
الدولة اللي حكمها للكريمين
ال السعود صقورها وزعماها
حنا مع الدولة على العسر واللين
وحنا على ظلم المعادي فداها
باقين واللي كون الكون باقين
على العهد معها ولا احدن سواها
عبدالعزيز ابراهيم العنزي/ الرياض
دستورها القرآن بالحق ماشين
واللي يخالف نهجها هم اعداها
حكامها قامو بصد المعادين
سوت علاقة مع جميع اقصراها
ياسعد شعب في حماها امقيمين
في رغد عيش يهتنى في رباها
علي رشيد الرشيد- رياض الخبراء
حنا شباب اليوم جينا موالين
وان كان جت للدين حنا وراها
في خدمة الاسلام منا بسالين
حنا السلاح اللي يذود بحماها
حكامنا آل سعود خدام بيتين
مكة وطيبة كرم الله ثراها
راكان بن محمد السبيعي
تحكم بشرع الله ماهي قوانين
دونه نموت ولايدنس ثراها
حقايق ماهيب حاجة براهين
جنة نعيم وعز لفحة هواها
وحنا سعوديين للدين حامين
ياشلة التخريب واللي وراها
فهد بن عقيل الطويان / بريدة
ديرة هل العوجاء كعام المعادين
امن وامان في المدن مع قراها
حنا لهم حسب الطلب مستعدين
في جوها في بحرها في ثراها
والله يذل اللي علينا مغيرين
بأفكار ماندري وش اللي وراها
ابراهيم بن مسمار القحطاني
في ظل قادتنا الملوك السلاطين
سور البلاد اللي عزيز ثراها
والامن والشعب السعودي لها عين
فالمدن واللي نازل في قراها
واليا دعا الواجب على العسر والين
نقدم ونرسي بالشدايد وراها
منوخ نادر الحميداني
هذي بلدنا يحكم ابها سلاطين
مهبط وحي بالهدي ربي حباها
واخسوا خسيتوا ياذيول الشياطين
ياللي على الاقراب ترمي غثاها
لو كان فيكم خير رحتوا فلسطين
ضد اليهود اللي تهدم بناها
ناصر العنابس/ الرياض
دار الرجال الصادقين الميامين
الله ينصرها ويخذل اعداءها
في خدمة الاسلام تنفق ملايين
وتزبن الي من بلاده نصاها
ياللي قريتوا كلمتي قولوا امين
في مبتدأ الكلمة وفي منتهاها
علي الحصني
الله يديم الامن في دولة الدين
في مملكتنا محمتمين بذراها
اللي تولوها ملوك ميامين
بتوفيق من زين بنجمه سماها
الله يخذل من نوى يمسها بشين
وعدوانها ربي يخيب رجاها
شايع شاهر الحربي
والله يحفظ بلادنا قولوا آمين
ويحطم اللي بالخيانة نواها
هي منبع الاسلام دار الحرمين
دار السلام مزبنة من نصاها
الشعب مخلص والقيادة حكيمين
والامن سايد يوم نايف رعاها
عايض بن حميدان السبيعي
المملكة تشهد على العز والدين
وحنا بامان الله وحنا بغداها
والامن وافي من رجالاً سديدين
عز الرجال وعز من هو ذراها
والامن فادي ثم فادي وفادين
قاله بن مطلق بصفحة شعراها
فرحان مطلق  العنزي
الله يديم الامن بأرض الحرمين
ديار منهو حلها واحتماها
ويخفي وجيه اهل الحسد والمعادين
اللي على الاسلام تظهر رداها
عاشت وطنا في ظلال السلاطين
ورواحنا يوم التفادي فداها
مازن ماثل العوني- الخرج

بيت الاسبوع

كتبه الشاعر/ علي رشيد الرشيد من رياض الخبراء ويقول:
من قام ضد الوطن فاشلي
ان عاش دايم ذليل وخايف
والشعب كله حماة وجنود
نستقبل المشاركات لإكمال البيت بثلاثة ابيات والبيت الواحد مكون من ثلاثة اشطر.
على الفاكس  4871070خزامى الصحاري زاوية بيت وصدى، حتى مساء الاثنين من كل أسبوع.