بعيد المدى

مدري علام السعادة لا اقبلت صدّت
والصبر لا طال مدري ليه ما أطيقه
فزيت فزت ربيط صيدته عدّت
فز متحمس وردنه مسابيقه
كثر الغرابيل بالأيام ما سدّت
ومن القهر كفى ادما كف تصفيقه
الله من ضيقة كل ما طلعت ردت
فحيت من ضيقها وتزيدني ضيقه
عاشت معي واكبرت بالجوف وامتدت
لين اهلكتني وحلقي نشّفت ريقه
إن قلت راحت اسبقت الهرج وارتدت
وتعلقت بالحنايا العوج تعليقه
لا كنها ماخذت مني ولاودت
والله يا رجماً عسيراً صعب لا أويقه
ولا من رجلي على رجم الشقا عدّت
اخذتلي فيه تغريبة وتشريقه
عيني بعيداً نظرها ودون ما لدّت
والحرما يسكن إلا في شواهيقه
وعني علوم الردى ما عمرها عدّت
علم موثق وهذي من مواثيقه
وترى بعيدا المدى دنياه ما حدت
وعلى الله الواحد المعبود توفيقه

عبدالعزيز علي الرشيدي