صاحت على "بندر" قلوب مغاليل

راضي الشعيلي

مرثية بالشيخ بندر بن عبدالمحسن الجبرين - رحمة الله عليه رحمة واسعة.
بالعاصمة جضت قلوب المشاكيل
وهز الخبر حائل وكل القرايا
يوم الخبر دوى غدا ظهرها ليل
وسالت دموع وبان يبس الشفايا
ياجابت الصافي عيون الرجاجيل
إعرف ترى حلت كبار الرزايا
يا أبو"عمر" موتة بعيد المداهيل
شبت لهايبها بوسط الحنايا
صاحت على "بندر" قلوب مغاليل
وعزت به الأجناب كل الطنايا
ما توفّي أبو "أحمد" بيوت في القيل
عالي مقام وللسوالف بقايا
مناقبة عنها تضيق التفاصيل
وشلون تحصى وكل "بندر" مزايا
يا ما على بابه تموت البهاذيل
تنسب ل"بندر" طيبات السوايا
من ذا الذي لا يعرف الجدي وسهيل
ورأس على القمة إينيخ المطايا
عز الدخيل مذلل الصعب تذليل
ينهي بهداته كبار القضايا
كم جاله اللي ساقه الغبن والويل
وراح الفرح يملأ عليه الزوايا
حراً مواصيله تسمى مواصيل
صفحات مجده بالمدايح ملايا
مجد تسلسل من شيوخ حلاحيل
اسأل عن "الجبرين" رمح وسرايا
ذباحت المضرع وذباحت الحيل
بيض الوجيه مدسمين العطايا
يعرفهم القرطاس والليل والخيل
والسيف ورقاب العدا والمنايا
وتعرفهم "الجوخة" ويعرفهم الهنيل
و"الكور" وسباع الخلا والسبايا
يالله يا مهلك عباد التماثيل
ياباعث خلقك حفاةٍ عرايا
اجعل لحد قبره براد وقناديل
واغفر ذنوبه وأنت رب البرايا
وأبدله خير وعندك أحسن تباديل
وادمح خطاه لكان عنده خطايا
واجعل العوض فيه الثلاث المقابيل
اللي من الراحل عليهم حلايا
بأحمد وفارس نوخت المقوة الجيل
وأبوعبدالمحسن ما تضيع التهايا
كفوف النوادر ما تصيد المهازيل
من طاب عقله ما يبي له وصايا
ويا أبو "عمر" موتة بعيد المداهيل
شبت لهايبها بوسط الحنايا
I