ماهزك الحاقد

علي سليمان الحميدي - الزلفي

شاع الخبر والمعتدي بان شره
"ويالله عسى ما تكره النفس خيره"
يا ام العواصم ياعروسه ودره
لا باس ما حرك عدوك شعيره
الثوب لو طاحت جميع الأزره
تبقى ثيابك يا العزيزة ستيره
من أمننا صاب الحقودين حره
قاموا بترويج القوى والذخيرة
عدوان غاشم جا على حين غره
صاحت رياض الخير عقبه سهيره
بالمملكة وأرض الرسالة مقره
شلة حقيرة والجريمة كبيرة
من يدعم المجرم ومنهو يقره
والله فلا يلقى لجرمه بريره
انفس بريه آمنه مستقرة
من بينها مسلم وذمي وغيره
وأطفال رضّع في مهود وأسره
وش ذنبهم يا مدعين البصيرة!!؟
من كان في قلبه من الدين ذرة
يندى جبينه لو يحكّم ضميره
أمن وأمان وعيشة الغير مرة
من يزرع الإرهاب يلقى مصيره
من روّع الأمن عساه المضرة
مجرم حقير ابليس الافجر يديره
هذا الوطن غالي ببرده وحره
بأرضه سماه وشرعة الله تنيره
يا دولة الإسلام خصمك نضره
حنا رجالك بالظروف العسيرة
انتِ مثل واضح ورمز المبرة
خيرك نفع كل الشعوب الفقيره
ما هزك الحاقد بكرّه وفرّه
حولك رجال دون حقك جديرة
دونك رجال بالوفا مستمرة
دونك اسود بالشدايد خبيرة
عيشي بأمان الله عزيزة وحرة
يخسى الخسيس اللي يودك أسيره