تقطعت بكم جميع العراوي

سلامه زعل ابو شامه - القريات

ياللي تريد بلادنا بالبلاوي
جعلك تعود بالفشل ماتهمنا
مهد الرسالة والكتاب السماوي
وقبلة هل التوحيد داخل وطنا
كم مسلماً مغرم عليها وهاوي
تأتي لها الحجاج منا ومنا
الدين واضح دون لبس ودعاوي
ارض الرسالة واهل الدين حنا
اضحيت بعد الجوع فيها غناوي
وش جاك منها ثم وش جاك منا
عن سيرة الاسلام غادي وغاوي
ابليس جرك يالخبيث المجنا
تقطعت فيكم جميع العراوي
ساعة عزلتوا ضعنكم عن ضعنا
فجرت نفسك ياردي الهقاوي
وفوقك غراب البين رفرف وغنا
وجميع من مثلك على الشر ناوي
وش حجته وش غايته وش تمنا
وملوكنا ما قيل فيهم خطاوي
هم عزنا هم ذخرنا هم سكنا
هم غيثنا وان صار عاماً سناوي
وهم درعنا وان دار فينا زمنا
فهد ملكنا صيرمياً صخاوي
وقت اللوازم حاضراً ماتونا
درع الوطن وان حل يوم النخاوي
يرسى كما ترسى جبالاً رسنا
مثل الاسد ما خوفه كل عاوي
من صار ضده عن مسيره تثنا
رجل السلام ومزبناً للجلاوي
عن برد تاسع في ذراه اسكتنا
وحنا سعوديين ما حنا شواوي
ارواحنا وقت اللقاء يرخصنا
حنا رجال الحرب يوم العزاوي
وحنا رجال السلم للي زبنا
وصلوا عدد ما لاح برق الاناوي
على الشفيع بيوم نحذف كفنا