موتة غدر وإرهاب غل ومكايد

مرثية هيلة بنت عبدالله البليهد  في أخيها محمد بن عبدالله البليهد

الحمد للي ما على قدرته كود
عون العباد مهون كل كايد
يعطي على شكر النعم والثنا زود
واذا عطا ماهوب يعطي زهايد
بابه عن المضطر ما هوب مردود
الي يعرفه بالرخا والشدايد
حبل الرجا به دايم الدوم ممدود
يطفي بكبدي حاميات الوقايد
انا سجينة حزن والقلب ملهود
وجروح روحي موجعات وجدايد
على فقيد الخير والطيب والجود
والعز والفزعة وخير العوايد
الناس وافعاله على طيبه شهود
وطبايع محمد بجيله فرايد
بره  وجوده مالها قدر وحدود
ومن عاشره مانال غير الفوايد
وشلون ومحمد من  الكبد مقدود
اقوى العزا ودموع عيني بدايد
لعل قبره نوه وانهار وورود
ويجزاه بالجنة صدوق الوعايد
اخوي ماهوب اي غايب ومفقود
موته غدر وارهاب غل ومكايد
من شرذمة فكر عن النور مسدود
ناس عن اليمة واهلها تحايد
اغواهم الشيطان عن خير مقصود
سود على نور الشريعة تزايد
وحنا بعز وخير وسهود ومهود
في ظل حكم لابلج الدرب قايد
والله يعين اللي غدا عنه مفرود
ابوي تاج الطيب بين البدايد
ويجبر عزا اللي غدا في ثرى العود
بأكبر فجيعة قلبها واللهايد
ويجبر عزا من شفها عنه مردود
نوف اللي اثر دمعها بالوسايد
ويصلح (ليان ولين) ويهون الكود
بأمره ونصرنا على كل كايد