حنا مع رجال الأمن صف وأنصار

بسم الله الرحمن علام الأسرار
الواحد القهار منشي المخيلة
اللي خلق جنه وفي جنبها نار
وأنزل كتابه للخلايق دليلة
ليلة ثلاثاء ياعرب مالذي صار
هز الغدر شرق الرياض الجميلة
ارتاعت العالم وهي تقول وش صار
حسبي على هاك الوجيه الذليلة
ناس تحب الشر والحاق الأضرار
وقتل النفوس بدون ذنب تشيلة
نشجب ونستنكر هذا الفعل والعار
والله ماهو من فعول الفضيلة
وهذا الفعل تستنكره كل الأمصار
هدم وتخريب وفساد وغيلة
للنفس عند الرب حرمه ومقدار
مايجوز قتل النفس لو هي ظليلة
حنا مع رجال الأمن صف وأنصار
وكل من المجرم بيشفي غليلة
ماهمنا التهديد وارهاب الأشرار
بيدنا كتاب الله وسنه جليلة
سنة محمد خاتم الرسل الأخيار
نمشي عليهم دون لف وميلة
يسلم وطنا من عبث كل غدار
وأهل التطرف والنفوس العليلة
ويسلم فهدنا اللي يقوده على خار
فهد العرب راع راع الفعول الجزيلة
مهما كتبنا من مقالات وأشعار
في حق ديرتنا تراها قليلة
وصلاة ربي عد ما طاير طار
وعداد برق لاح عرض المخيلة
على محمد راعي الخير والبار
نبينا اللي كلنا ننتمي له
يوسف بن منور الميموني
الرياض