بيت وصدى

اعداد - عادي الشمري

الأسبوع الماضي كان  بيت الاسبوع من طرح الشاعر/ خالد المرشود من الشعبة والذي يقول:
الله يعيد العيد للمسلمين
والعيد الاكبر عودة القدس حرة
ومن المشاركات التي وصلتنا لاكمال هذا البيت بثلاثة ابيات:
والله يتم النصر دنياً وديني
حتى تصير أوضاعنا مستقرة
بإرادة الله نهزم المعتديني
ونذيقهم كاس من الويل مره
يا خادم البيتين لك جاهزيني
ونقولها مليون مليون مرة
لله درّك يا سخي اليميني
واللي يخدم الدين لله دره
عبد الله حنش القرني  تبوك

والكل في خير مع الفايزيني
وعسى العدو ما يشوف غير المضره
قوموا على صهيون يالطببيني
شارون وربعه و انهموا اليوم شره
ولقدسنا بامر الولي عايديني
هو عيدنا هو فرحنا والمسره
محمد بن عبدالعزيز الخنيفر - اشيقر
ما تكمل الفرحه حشى ما  تبيني
والقدس تشكي كل يوم المظره
ما من فرح والقدس فيها حزيني
إلا لقلباً ميت احساس مره
شارون يقتل والهرب نايميني
كلاً يقول الله يكفيه شره
ما يدري إن النجس ذاك اللعيني
قطر كل بلاد مسلم يمده

شلاح مرزوق البقمي- الرياض

بالأمس جانا العيد يا مسلميني..
عيد الأضاحي والفدا والمسرة
وبكرة يتم النصر يا تايبيني..
يعود لنا الأقصى وهالقدس حرة
ونصلي في الأقصى ثالث الحرميني..
وتعود لنا العزة كرة وكَرة

اشرف محمد البيومي
مصري - مقيم بالرياض

يا نظرات الله حايطه بالأراضين
يعلم دبيب النمل هو والمجره
اذن ملاها طين واذن عجيني
الذل الأعظم يشوي القلب حره
وين الصبر وعدادنا بالملايين
القدس تدعينا ملايين مره

عبدالله البراهيم

الله يعيد العيد للمسلمين
والعيد الأكبر عودة القدس حره
واتعزنا في عزة الحق والدين
واتذل من ظلمه تزايد أو شرّه
يالله تقبل حج من لك املبين
كل مسلم لرضاك نفسه تجره
يارب عنك الخلق ماهم غنيين
بيديك خير أو نفع عبدك أو ضرّه

فهد بن عقيل الطويان - بريدة

بيت الأسبوع
كتبه/ منصور شلويح العنزي من الرياض ويقول:
يا مسافرين وعايدين على خير
حذراكم السرعة عدو السعادة

نستقبل المشاركات على فاكس  4871070خزامى الصحاري - زاوية بيت وصدى.