بيت وصدى

إعداد: عادي الشمري

الأسبوع الماضي كان بيت الشعر من طرح محمد عبيد الديحاني من رياض الخبراء والذي يقول:

التوعية شاملة للأمن هو والمرور
مقيم والا مواطن بالاشارة لبيب
وقد كانت المشاركات كثيرة جداً وذلك لاكمال البيت بثلاثة أبيات حول موضوع البيت ومن تلك المشاركات:
التوعية تنفع اللي يفتهم فالامور
عاقل ويدرك ولأهل التوعية يستجيب
متمسكاً بالنظام ولا يلف ويدور
متمسكاً بالاوامر من بعيد وقريب
ويراقب الله ويسلم من جميع الشرور
ويحاسب النفس والله فوق خلقه رقيب

عبدالهادي حمد العفيش - الرياض
خلك على الامن دائم وانت رجل غيور
وعلى سلامتك حافظ ونتبه يالحبيب
وخلك برجل الامن والامن دائم فخور
وهذا ترا واجبك ما فيه شك وريب
واربط حزام الامان وبالخطاء لا تدور
وان وقفتك الاشارة فمتثل واستجيب

عائض بن هميله السبيعي

المملكة في رغد من فضل رب غفور
والامن عم الوطن كله بعيد وقريب
والتوعية واجبة من كل رجل غيور
على الوطن والمواطن والمقيم الغريب
ترى الوقاية هي الغاية وحنا حضور
نرفع شعار السلامة ونتحدى الصعيب

هميجان بن عبدالمحسن المقاطي - الرياض
حضر وبدو كرام بسابقات العصور
شيب وشباب وصغار قدوة سوية تجيب
من فضل رب الانام شعب معزز فخور
بقيادة آل السعود بلسم جروح العطيب
حماة هذا الوطن من كل عابث وجور
الله يكيد الحقود بعيد ولا قريب

علي الزولاني - فيفا

حتى المشاة ايتبين حقهم في العبور
لا صار نهج المواطن بالتعاون أديب
ننصح شباب امتهور كل ليلة يدور
صجة بواري مع ازعاج وشيء غريب
لو حكم العقل زانت له جميع الامور
واصبح معزز بعين الناس شهم حبيب
علي رشيد الرشيد - رياض الخبراء
لازم تجي التوعية على مدار الشهور
من شان يأتي لنا في العرف حظ ونصيب
وترى على المدرسة وايضاً على الصحف دور
في التوعية لين يبرى كل جرح عطيب
والحمد والشكر لله ما لحقنا قصور
ما دام حنا بدار مدلهين الغريب
ابراهيم بن مسمار القحطاني

ما قلت يا محمد بن عبيد مافيه زور
احيان رأي المجرب قبل رأي الطبيب
الوعي مطلوب دايم في جميع الامور
الشخص دايم على نفسه رقيب وحسيب
لاشك بعض الاوادم فيه طيش وغرور
ما يستمع للنصيحة والكلام المصيب
منوخ نادر الحميداني - الثامرية
وسائل الامن عنها لا تلف وتدور
ترى طريق السلامة سهل ماهو صعيب
امن البداية تجنب كل شيء محذور
وللي يقدم نصيحة طيبة تستجيب
ترى تعاونك طيب في جميع الامور
والا تهاونك رأس المشكلة يالحبيب

زهران عون الله المطيري - بريدة

ما حلى السلامة بها يلقى الهنا والسرور
واللي مشى ضدها بالخير ماله نصيب
في مملكتنا الرخا والكل فيها فخور
والشر ببلادنا نقول شيء غريب
أمن وامان ووفا والعدل رب العصور
هذا شعار لنا وعلى المعادي حريب

محمد بن عبدالعزيز الخنيفر - أشيقر
بيت الاسبوع

طرحه للشعراء والقراء الاعزاء الشاعر مقرن الهرف ويقول:

انقضى وقت الاجازة وجا وقت الدروس
واقبل العام الدراسي يريد له اجتهاد
نستقبل مشاركات القراء لاكمال البيت بثلاثة ابيات على فاكس  4871070خزامى الصحاري - زاوية بيت وصدى - حتى مساء الاثنين من كل اسبوع. مع مراعاة عدم ارسال جميع المشاركات في ورقة واحدة ونأمل تخصيص ورقة لكل مشاركة وأهلاً بالجميع.