كتبت لك جملتين

غزاي العضياني

يا ناعس الطرف كيف تمد لي جمره
من نار شوقك تبي تحرق بها احساسي
الشعر من حس والإحساس كيف آمره
لو تشرب الحس يروي قلبك القاسي
تعال ناظر بحال اللي قضى صبره
يشد حبل الرجاء في ثنوة الياسي
محتار بين الصباح او بهجة الصفره
واليا اظلم الليل يكبر شي في راسي
مالك عليه حقوق اتسلط النظره
اسقيتك الحب مره وانكسر كاسي
كتبتلك جملتين او باقيه فقره
يتوه فيها القلم ويذوب قرطاسي
اخلصتلك ما بقيلك شي تختصره
واضحى لك الوقت كنك للعرب ناسي
جملة وصالك بحر ومن البحر قطره
في وقفتي لاذكرتك عفت مجلاسي
مافاد عض الانامل صاحب الحسره
الله واكبر عليك اطول انفاسي