غيبتك من كبار الخساير

فواز.. أنا برثيك شعر وكتابه
غيبتك عندي من كبار الخساير
والقلب بعدك زاد فيه التهابه
من بعدكم عيني تهل العباير
مرحوم ياللي مات فأول شبابه
سعد الرفيق.. وسعد من جاه زاير
فيه الصخى والطيب.. فيه المهابة
الله عطاه الطيب بين العشاير
وربي وهبه الشعر زين جنابه
والشعر جابه من بحور غزاير
والشعر يوم أقراه حزن وكآبه
ذكرني الصاحب رفيع المناير
راع الوفا.. والطيب.. ما صك بابه
ما هوب ضاري بالحيل والعذاير
رحل ودرب العايله ما مشى به
وأنا على فقده بقلبي سعاير

شعر - بكر هذال