فاكهة الجمعة، معوكس.. المحترم
ليش النصر هو النادي الوحيد اللي اعترض على النظام الجديد تحت  23سنة باجتماع الاتحاد السعودي.. تحياتي للجميع

- هلالي الزلفي/ أبو نواف

بصراحة.. لازم يعترض!!

الأكثر من الأخ معوكس:
إذا التقى النصر بالشعلة من أشجع

- مع تحيات متعصب حتى الضغط، الخرج

انت متعصب.. والمتعصب من يشجع تعتقد؟

الأخ معوكس.. المحترم
أنا شبابي وأموت في نادي أسموه الشباب وأشجع النصر بعد الشباب وأكره ماشوف الهلال ولو كان الود ودي ان يكون الهلال درجة أولى

- علي وعبدالله الرسي/ الرياض

الهلال دايم درجة أولى.. ما يحتاج ودك!!

الأخ معوكس.. المحترم:
هل مستوى التحكيم في مستوى الدوري الرجاء الرد سريعاً

- محمد عبدالله البشير/ الرياض، خنشليلة

سريعاً.

الأخ أبو العواكيس، كيف حالك وبعد..
يقال ان القطاف المبكر يستدعي جهداً مضاعفاً وأنت ممن نالوا الشهرة بسرعة فهل تفكر بما يضمن الاحتفاظ بهذه المكانة التي غدوت فيها

- أصدقاؤك من الزلفي: محمد الداود الجميل، غادي، موسى الجميل

إذا اثبتوا لي أنكم فاهمين المعنى.. جاوبتكم

معكوس المحترم:
في سؤال ولازم تجاوب عليه، يقولون كلمة (سلام) كم حرفاً فيها، وترى هذا السؤال سوى رجَّه في الحارة، اللي يقول  3واللي يقول  4وأنت كم تقول؟ بدون استهتار

- مع تحيات أحمد الحامد/ حي ثليم

مانيب مشتري.. بيعوا!!

مع تحيات معوكس
يا خوي يا معوكس:
حنا بالحوطة ما عندنا القناة الثانية وإذا جات مباراة النصر والهلال صرنا لزقة عند أهل الدشوش بصراحة اللي مثلنا وش يسوي؟

- أخوك: بتروكيمياء

(حنا بالحوطة).. هذا نوع جديد من (الحنا).. ولا وشو؟!

الأخ العزيز أبو العواكيس، سلمه الله
..دد  - هل يمكن ان يحدث الحب من أول نظرة؟ وهل يمكن التأكد من حقيقة الحب واستمراريته..؟ وشكراً..

- مع تحيات أصدقائك من الزلفي: فهد عبدالعزيز الطريقي، سويد الطريقي، عبدالله العواد - غادي، حمد الحمد، الزلفي

وش جاب (قيس) لكم.. أنا ما خبر عندكم إلاّ (مرخ) و(طويق)!!

الأخ معوكس، المحترم..
السلام عليكم ورحمة الله وبركاته.. ما رأيك بنادي النصر واقالته للمدرب هايبكر، وشكراً..

- مخلد سعد الفريدي/ بريدة

طبيعي ما فيه غيره كبش فداء ووش فرقهم عن الجيران؟!

عزيزي معوكس المحترم، السلام عليكم ورحمة الله وبركاته، وبعد عيد سعيد قبل الزحمة يقولون أنك مسوي مع أصحابك مخيم ولكن وين بالضبط ما أدري وان أبي أعرف وين ارسم لنا كروكي وشكراً لك.

- نواف راشد، أبو ديمة، بري العنزي/ أبو عبدالله، سلطان أبو فتون

ما يحتاج كروكي والموقع صندقة ونيت في حراج ابن قاسم!!

عزيزي معوكس..
ماذا أصاب دفاع الأهلي هل صحيح ان رحيل عبدالله سليمان سبب خللاً في قلب الدفاع.
برغم من ان الهلال لم يستفد منه وأيضاً عبدالله سليمان لم ينسجم مع الهلال ويوجد في الهلال مدافعون جيدون أتمنى من الأهلي ان يخاطب الهلال من أجل إعادة سليمان ليستفيد الفريق.. وشكراً

- رياض الحسون/ الرياض

وين قناة بعض الناس عن تحليلاتك!! ليش ما تنضم لهم؟!

الأخ معوكس المحترم:
تصدق وجدت اللاعب فهد الهريفي في الهلال يحضر أحد تمارين وهو داق لطمة حتى لا يعرفه أحد سألته هل أنت فهد قال لا تصدق وأنا متأكد بأنه فهد فعلاً مشتاق لك يا أيها الزعيم.

- متعب صويان الشمري

الجماعة ناقصين عندهم (منصور) ولا يحتاجون مدرب حراس!!

أخوي الكريم معوكس:
قال لي مصدر موثوق إنه حضرتكم كنت مراسل بالجريدة، وعلشان "زرابة" لسانك حطوك محرر بزاوية "عواكيس"، وترى اللي علمني كان حارس بالجريدة ويعرفك زين.

- ولك تحياتي عبدالعزيز الغميز/ عنيزة

ها الحارس كنه حارس النجمة اللي الكورة أما آوت أو في القائم والعارضة أو هدف من زين المستوى ما يرد شيء!!

أخوي الأسمر معوكس:
قريبي جاسم بالكويت قال لي وبين قوسين (بعد حصولكم على كأس أمم آسيا عدة مرات والتأهل إلى كأس العالم مرتين عرفنا قيمة كأس الخليج) يا ترى وش كان يقصد؟

- مع تحيات أخوك: أبو ماجد الحجي، الوسطى

أولاً من وين جبت أسمر منه؟! قال لك أنا دقيق.. يا قوي لا أسمر ولا أبيض.. وثانياً: تأهلنا لكأس العالم ثلاث مرات، وثالثاً: صحّح معلوماتك وبعدين كلمني.

الأخ معوكس.. المحترم:
نحن أبناء بريدة ندعوك لافتتاح مقر نادي الرائد الجديد بشرط تجيب معك العدة "المقص والخيط الأحمر وكم وردة".
وش صار على حفل ماجدونا راح شهران ولاحس ولا خير شكلهم بيسكتونه شوي.

- صديقك الجديد.. فهد علي الحربي، بريدة

بشرط ان عبدالرحمن السكاكر حق التعاون ما (لوه) خص.. أخاف يهددون.. لا (منوه) دري..!! ولا (يطقن) بعد!!

الأستاذ معوكس.. المحترم
وش رأيك بتصريحات (الداهية) ليوناردو عندما أكد استحالة نجاح اللاعبين الأجانب في الدوري السعودي وإلى متى وهذا اللاعب (جالس) على قلوبنا؟!

- أحمد السعد/ الجوف

الين يلقى كرسي يجلس عليه!