عزيتنا فكل الاثنين وعشرين

عز الوطن عزك وشعبك ملايين
يا فارس الإسلام طلق المحيا
منصا هل الدنيا وعزوة هل الدين
أكبر عذاريبك كبير  الحميا
بالناس من دونك مقدر وغالين
إلا انت ما مثلك مثيل وسويا
غلاك مجرى الدم وسط الشرايين
ضاعفت جهدك وانت الاول بليا
أسكنت في بالك عمار الحرمين
وطباعة المصحف شريف ونقيا
اعطيت لجل الشعب عدل وبلايين
حتى غدا منزال شعبك عليا
عزيتنا فكل الاثنين وعشرين
من شيبنا لين الشباب وصبيا
ما حد سمع بأذنه ولا شاف بالعين
مجد مثل مجدك وصل للثريا
يشهد لك الاقصى والاقصى والادنين
حيا لبو فيصل وحيا وحيا
بالخير تدعي لك جموع المصلين
من مكة ليثرب لمسرى النبيا
رأس الكرم والجود والناس دارين
اجزل هل المدات ما هي شويا
ما صاح به جائع من الغرب للصين
إلا ومدك قبل غيرك تهيا
حاضر بحاضر ما بعد قلت بعدين
يا سعد عين اللي نصاكم هنيا
من يوم ميلادك لباكر وهالحين
ما جابن الخفرات مثلك نديا
ولا شك في حكمتك واحد من اثنين
عوق الخصيم اليا نهيته وعيا
ما صار أحد قبلك متوج بثنتين
أبو الكرم وايضاً كبير الحميا

جميعان عبدالله الشاهر الشمري