فهـد رجـل السلام

بلادي يابلادي دام  عزم يابلادي دام
تحت ضل الفهد عنك العداء يقصر شواربها
فهد فهد الفهود اللي بشعب المملكة  مقدام
ذرانا عن سموم القيض لاهبت هبائبها
فهد هو سترنا يضفي علينا البشت ولاكمام
من افعاله حدود المملكة محد يقربها
تحت رأي ابو فيصل لادعانا كلنا خدام
ندوس  الموت تحت امره ولا نخشى عواقبها
وطنا اغلا وطن وطهر ثراء تاطي به الأقدام
فداك ارواحنا دونك وبدمانا نخضبها
ترى من هم في امن المملكة عائشاً بوسط اوهام
وعسى الله يقطع الفتنة ويقطع من يسببها
تحت ظل ابو فيصل عائشيناً في امان تام
وفزنا في التطور والدول صرنا نواكبها
وترى الشعب السعودي يوم  يفخر فيه ما ينلام
رسم له خطة يفخر بها الجاهل وشايبها
فهد والله فهد فهد العرب والدين والإسلام
يذود عن امته ويصد عنها من يحاربها
فهد هو عون جاره يوم جاه من القهر منظام
فزعله لين عودة العدالة في مناصبها
قيادياً سياسياً حكيماً في الوغي ضرغام
ابو يمناً ليا منه ضرب تعطب مضاربها
فهد في البورصة بالطيب هو محطم الارقام
زعيماً للسلام وسيرته كلاً بيكتبها
فهد رجل السلام وسيرته تشهد لها الأنام
بفعل الخير كم من اسرة حقق مطالبها
نعم فهد  الملك وبن الملك واماماً ابن امام
حماة الدين سادات العرب من دون واجبها
اخذ مولاي تاج افضل زعيم وخذا عليه وسام
وهو يفخر لنه خدمة البيتين فاز ابها
شهد بالخير له من طاف بالكعبة وهو بحرام
وتشهد امة الإسلام مشرقها ومغربها
وشهد لبو فيصل كل من صلى وحج وصام
على ان المسلمين اتجيه لاكثرت مصايبها
وتشهد له رجال العلم وهل الفكر والأقلام
على ان شخصيته شخصية القائد تناسبها
يقود المسلمين لمنهج التوحيد والسلام
على سنة محمد والكتاب اشرف مذاهبها

عايض بن هميلة السبيعي