عشرين عام مع اثنين تمامي

معروفكم ما ينحصى يتعب الفام
ومن رام تعداده يطق البهامي
صحف الجرايد ماحصنه والاقلام
وتفوق عرف الكاتبين الفهامي
اذكر هل المعروف واهل الوفا التام
وافخر بفعل الطيبين الكرامي
فخر لنا بين العرب هم والاروام
ان عدوا الافعال هي والاسامي
عزوة هل العوجا صناديدوحشام
مثل البدور مبددات الظلامي
الطيب من بين الخلايق له اقسام
وهو قسمهم من بين كلا الانامي
وان صار مابين الدول مدح وزعام
هم خطهم فوق المخاليق سامي
اهل الشريعة والشريعة لها احكام
من منهل السنة مشوا بالنظامي
مشوا على السنة ولاهم بظلام
اهل العدالة الوفا والسلامي
مابين حجاج ومابين صيام
يسعون بالبيت العتيق الحرامي
مافيه حاجب بين شعب وحكام
فهد زعيم المسلمين الامامي
حكمه علنيا ضافي خير وانعام
الله يديمه نعمة كل عامي
مضى على حكمه عسى الزود قدام
عشرين عام مع اثنين تمامي
صقر الجزيرة وحده عقب الاقسام
عمر قصور كانت اول هدامي
فجر لنا من راس تنوره الخام
ومن ينبع الغربي وذيك الحزامي
عجزت حدوده لاتغطيها الاعلام
بعيدة الاطراف هي والمرامي
شاسع مساحتها الكثيرة بالارقام
دونه نبيع الروح لو هي تسامي
اول حميتوها بسكين وحسام
واليوم باطواب تدق العظامي
لوهي ذلول ماتطاوع لمن رام
لكن لكم تمشي بدون الخطامي
ولنا الشرف دستورنا شرع الاسلام
ما نستعيره من جنوب وشامي
ايضا بيوت الله لها خير خدام
في مملكتنا المسجدين العظامي
خادمها أبو فيصل ذرانا الى قام
تطيع له كل العرب بانخدامي
تمت وصلوا عد مامر من عام
على اليتيم المصطفى والسلامي

زايد بن حمود اللويش