غلطة مطبعة

صالح بن عبدالرحمن الناصر  

يالبيب القلب كسر حسابك واجمعه
واغتنم فرصة زمانك صلاتك صلها
لاتحسب اللي مضى بالفصول الاربعة
اترك اللي فات والمقبلات اقبل لها
اللوازم بدها والردي لاتتبعه
وانتبه من زلة باللسان اتزلها
غلطة الرجال ماهيب غلطة مطبعه
تنتعدل في سهوله بسيط حلها
المهم السر باقصى ضميرك ودعه
خل الاعداء يالسنافي تموت ابغلها
ومن يبيعك لاتردد الى باعك بعه
والسيوف ام الصراحة بوجهه سلها
نظرتي ماهيب نظرة مغفل ومعه
يتبع العربان والمخطيه يذعلها
الزمان الله يكافي معاوينه معه
من كواه ايصير مابين خذها خلها
كل مامديت حبل الرجا مايقطعه
غير موس الياس والا الدروب ادلها
يكفي امن الألف واحد كلامي يسمعه
كلمة تبغى محلل ذكي يفطلها
والختام بساعة الضيق والا بالسعة
يقطع الله شجرة مايظلل ظلها