ضاقت الدنيا

هذه قصيدة رثاء في أخي محمد بن سعود بن شويشان السبيعي - السكرتير الثالث المسؤول عن شؤون الرعايا بالسفارة السعودية في استراليا رحمه الله وأسكنه فسيح جناته.
مؤمن بالله وبحكمه رضيت
وكل مؤمن بالمصايب مختبر
في فراق اغلى مخاليقه بليت
يالله انك تلهم المبلي صبر
فاتت ايام التعازي ما عزيت
ضاقت الدنيا علي بحر وبر
عن غدر دنياي غافل مادريت
لين ورتني لياليها العبر
اتوحش من فراشي والمبيت
كل ما جيته ذكرت اسوء خبر
يا محمد ليت ينفع قول ليت
ليتني والله مكانك في القبر
وانت بالدنيا يجي لك ما اشتهيت
في سعادة لين يقعدك الكبر
انت اخوي اللي على حبك ربيت
وانت اخوي اللي بعيني معتبر
كل ما سجيت لحظة.. لي طريت
وحشرجت في حلقي العبرة شبر
يا عسى لك في جنان الخلد بيت
ويجبر المولى عزا المبلي جبر

حزام بن سعود السبيعي
بريطانيا