بعيونك شفت قدري

محمد احمد الناصر الشايع

معقول اقول ادري وانا  عنك مدري
اكيد لا إلا اذا كنت داري
لذا انتظر واصبر ترى الوقت بدري
اصبر مثل صبري وطول انتظاري
فان ضاق صدرك ضاق بالي وصدري
وان طبت اطيب وتنطفي حر ناري
صواعق فوقي وزلزال حدري
وقوم على اليمنا وقوم يساري
ودوني وقدامي هراس وسدري
وامشي  ولا بالبال ساهر وساري
وانا ادري انك  يا هوى البال تدري
عما جرالي بالهوى من جواري
ما ضرني بل زاد وزني وقدري
بعيونك الثنتين شفت اقتداري
وعلي لا تزعل اذا قلت مدري
ارجوك اذا تسمح قبول اعتذاري