ليلة العيد

من زود شوقي ساهر ليلة العيد
الله يهني مستريح رقدها
والنار تشعل داخل القلب وتزيد
وعن الفرح نفسي تبين زهدها
سهران ابي صبح يجيني بتجديد
وترجع هوى بالي تجدد وعدها
ابغى الوفى.. والحب.. وابغى المواعيد
وسعادة لا واهني من وجدها
ومرت وهي من حسنها تقدم الغيد
ونقش الخضاب مزين كل يدها
عقل وثقل ولا عليها مناقيد
وملبوسها والطيب بين رغدها
والله مالي عن هواها مزاهيد
وهي فرح عيني وغاية سعدها
وان روّحت عقب الفرح والتغاريد
زوّد على الروح العليلة جهدها
أحمد بن عثمان السكران