الاخ العزيز معوكس ـ بعد التحية
ما رايك بنادي الهلال بعد خسارة كأس السوبر؟

الهلالي/ نواف الرثيع ـ الرس

ـ شوفة عينك (استقالات) (فضائية) و(ارضية) وياليت نشوف باقي الاعضاء (يستقيلون) على (البحر) وما فيه مانع تكون على(الكورنيش)!!

* عناية السيد معوكس ـ بعدالتحية والتقدير
لدي بعض الاسئلة اود الاجابةعليها بصراحة:
هل احتفاظ الهلاليين بالنمر يوسف الثنيان شبيهاً بآخر ايام ماجد في الملاعب عندما كان وجوده يشكل بعبعاً مخيفاً للمنافسين؟

عبدالله العبيوي ـ ابونايف حفر الباطن

ـ الخوفة ان ابوناصر يطولها و(يتوهق) ويضيع عليه التكريم مثل (ابوعبدالله) اللي ضاع في (مواعيد) الوهم!!

*تحية الى ابوالعواكيس
وشك رأيك في اللاعب عبدالله الجمعان الذي وضع نفسه لاعباً ومدرباً ورئيساً وذكره بمقولة يوسف جازع "الهلال لا يستطيع ان يستغني عني" ما اصبح الصبح إلا وهو في نادي الوحدة!

سلطان السويلم سلمان الخطيفي الخرج

ـ ابوعابد ما حسبها (صح) وطاوع اللي بيدمرون كل (مستقبله) الين تصير نهايته مثل (الغشيان) الى اخرتها عزف منفرد على (العود) و(الكمنجة)!!

*عزيزي معوكس المحترم
مارأيك بلقب "سيندرلا الخليج" للفنانة الكويتية الرائعة سعاد

عبدالله.ابومنال ـ حائل

ـ يا رجال دام (الالقاب) توزع ببلاش ان بغيت سمها سندريلا المحيط الهادي!!

*فاكهة الجمعة ـ معكوس الموقر
يقولون ان المسئولين في نادي ليدز يونايتد الانجليزي استغلوا المشكلة بين نادي النصر وبين اللاعب محسن الحارثي وقاموا يفاوضونه علشان يغطي مكان الانجليزي فيرناند اللي انتقل الى مانشستر.. ما ندري وش وصلت له هالمفاوضات يامعوكس تراك انت ادرى في هذه الحاجات؟؟؟!!!

تحياتي ـ هلال الزلفي ـ ابونواف

ـ وصلت لـ (العريجا) وغرزت في (سد) كله نحل وثعابين وعقارب!!

*السيد الفاضل والمحترم معوكس
ما رأيك بتكريم اللاعب الفذ سامي الجابر كابتن المنتخب والهلال بلاعب القرن على المستوى الاسيوي ومارأيك بالحقيته لهذا اللقب.

ابومنال ـ حائل

ـ يستاهل التكريم الي اقترح انه يكون امام (سان جيرمان) في باريس!!

*الاستاذ معوكس المحترم
عندنا في المنطقة نادي اسمه المحمل صرح مسؤول في النادي بانه سوف ينافس على الصمود رغم ان النادي يتلقى الخسائر بالسبعة والتسعة وهو اضعف الفرق في المنطقة وشك رايك؟

سفير معوكس في سديرعبدالعزيز محمد العمران سدير ـ جلاجل

ـ يمكن يقصد الصعود الى (نهائيات) كأس العالم للاندية!!

*استاذي ودكتوري معوكس ـ الف تحية
لي صديق عزيز علي جداً،، بس مشكلة هذا الصديق انه كل ما بغى يسوي شيء ما يتوفق فيه، حتى اني اذكر مرة كان يدور على مكتبة لكي يصور بعض الاوراق ويوم وصل للمكتبة قال له صاحب المكتبة الطابعة عطلانة واتوقع انه ينطبق عليه المثل اللي يقول:
"وين ما يطقه عوجا
وش رايك بهذا ا لمثل؟
ولك ارق واجمل تحياتي

صديقك الدائم عبدالسلام الثميري ،ابوسلومي .حي الروابي

ـ اجل وش (يقولون) بعض (الاداريين) اللي من (عودوا) والبطولات (شمال) وفريقهم (يمين) والدعوى كلها (عوجا)!!

*الى اخي الكبير معوكس
بناء على ضغوط الرسائل اللي تجيك والله تعدت  4ملايين رسالة بصراحة كسرت خاطري وش رايك اساعدك وتسميني عويكيس وبعدين لا سمح الله اورثك،، واصير معوكس بعد عمر طويل ومثل منت خابر الدنيا دوارة واعطيك معلومة عني "انا اضحك على افلام الكرتون وماخاف منها.

اخوك الصغير ناصر العنزي ابوراشدعويكيس مستقبلاً حي النسيم الشرقي

ـ اديب يا (شوقي) بس لو تغير (البداية) وتكون (بناء على ضغط بعض الناس)!!

*الاخ معوكس ـ المحترم ما هي آخر اخبار مصطفى ادريس

متعب صويان الشمري

ـ مصطفايا تعب من كثر (التنقل) بين الاندية (المحلية) وقرر يوافق على اول (عرض) خارجي حتى وان كان من (برشلونة)!!

*الى الاخ العزيز معوكس
صباح الورد والياسمين
عندي سؤال وابغى الرد عليه بكل صراحة
فيه شخص يرأس اكثر من فريق في الحواري لادارته الناجحة وشخصيته المتميزة فما هو رايك فيه وهل تتوسط له في نادي الهلال او غيره.
لا كورلافة..

المرسلان ماجدالفهيدي احمدالجزاءالرياض.الروضة MM

ـ ابداً على (مسؤوليتي) هالايام مايحتاج (واسطة) خاصة بعدما اعلن (النائب) الاستقالة عبر (الفضا)!!

*عزيزي معوكس
ودي اعرف نوع الطائرة اللي اقلت المهاجم الهارب وربعه لدبي هي جامبو ولا ترايستار؟

محمد الدوسري / البديعة

ـ اي (جامبو) واي (ترايستار) طيارة (فليت) غرزت في (السحاب) عشر مرات وبغت (تطيح) بسبة الركاب من الوزن الثقيل.

*الدكتور معوكس
من كثر ترددي على الهاتف آسف شركة الاتصالات من اجل اخراج شريحة الجوال من دون فائدة. كرهت شيء اسمه الشريحة واصبت بعقدة من الشريحة ارجو منك يا دكتور معوكس المساعدة في حلها ولك جزيل الشكر..

عبدالعزيز حسين الحمندي/ حائل

ـ وين زحمة معه و(سوا) تلقاها في البقالة الى جنب بيتكم!!

*الاخ معوكس اسعد الله اوقاتك وبعد
ابغى تعليقك بكل صراحة عن تأخر الاتحاد في حسم قضية لاعبه باسم اليامي في الوقت الذي نسمع فيه بان واحداً من مسؤوليه يحاول التعاقد مع مهاجم الهلال الجمعان وكذلك نواف التمياط باكثر من ستة ملايين ريال..

عبدالستار الامجدي مكة جرول

ـ الاهداف (معروفة) لو العرض ستين مليون!!

*الى محبوب الكل معوكس السلام عليكم ورحمة الله وبركاته وش رايك بانتقال خميس العويران بس مع تحيات خويكم الجديد

عبدالله ناصر العمران البديعة

ـ كان قصدك انتقاله بـ (الطيارة) فهو معذور في(اجازة) والمرافق ما هوب غريب ولد عمه (يمون) عليه وعلى الجمعان ولد عمته!!