منعطف طريق

يا صاحبي حلمك ترى ما عاد بي غيره واغير
تساوت اطعون العدو عندي وفزعات الصديق
الله يا موت الوفا والله يا موت الضمير
وثقت كلي والبلا في منعطف هاك الطريق
لكن صحيح اللي يقول الموت من سم العشير
اليا تكلم بالوفا.. بعيون من يسمع يليق
وانا سبب هالمعرفة اصبحت بالوضع الخطير
إلا بضيق وكان تدري ما ورى هالضيق ضيق
اجيه كلي بالوفا.. لكن يجيني عكس سير
وين الدوا والطب يأهل الطب للجرح العميق
يا طير والله ما لعجب انك عن العالم تطير
يعني طبيعي لو تطيق الجو وإلا ما تطيق
حلفت ما اصاحب احد والزير سالم مات زير
من يوم ما شفت العدو اهون ولا طعنت رفيق
يعني طلبت الله عن الخوه وتأنيب الضمير
بس الصديق اللي يسويبي كذا ما هو صديق
عبدالله الحجيلان