الأمل نجم حجبه النو

عبدالعزيز علي النصافي

عسى الله يعين اللي في بحر الهوى طبو
براهم لهيب الشوق وقلوبهم حرقا
تلاطمهم الأمواج وبوسطها تاهو
موج بهم ينزل وموج بهم يرقا
ورغم العنا والهم من شوقهم غنو
يجرون بالألحان وعيونهم غرقا
وانا فالهوى ما اظن لي غير "ليت" و"لو"
وتغرب بي الأفكار وتروح بين شرقا
ولحد سالني من تولعتبه منهو
ابقول فتان سرق مهجتي سرقا
فتني بنظراتا وخدا يعكس الضوء
مبين جماله من ورى شيلتا زرقا
انا لو تمنيت بحياتي مناياه هو
لحيث إني أشوفه عن البيض به فرقا
لكن الأمل يشبه لنجم حجبه النو
وصارت مزونه تدرق اشعته درقا
والا يا ابو بادي بعد شوّش على الجو
انا خايف بعد المحبه يجي فرقا
أبشكي وأقول الحل بالله لي و شو
ترى الهم يطرق مهجة الروح لي طرقا
فكر وشاور وارسل الحل ليه تو
قبل ما انفعل وأجاوب لنايح الورقا