حبيبي معوكس..
وش أخر أخبار معسكر هولندا للهلاليين ورسايل الجوال؟

محبك:عبدالإله بندر التركي

اديموس عنده استراحة هناك ووده يصير حول الجماعة خاصة ان عندهم دورية كل أسبوع والعشاء جبن وقشطة!!

السلام عليكم ورحمة الله وبركاته.. كيفك معوكس ان شاء الله بخير.
أنا عندي سؤال ابيك تجاوب عليه:
وش رأيك في اللاعب باتريك سوفو..؟
ونحن في انتظار الرد.

أحمد فلاح العتيبي - مشاري صايل المطيري

راح، وراحت معه الجدايل اللي اشغلت رجال الخطوط من كثر ما تصير تسلل!!

أخ معوكس:
السلام عليكم ورحمة الله وبركاته.
وش الشبه بين ماجد عبدالله وبخيت الامام؟

المرسل: فتى صلبوخ - فهد أبو خشم

كلهم مبدعين، وفكونا من ازعاج بعض المحللين اللي الكورة في الشرق وهم في الغرب!!

الأخ معوكس.. سلمه الله.
يقولون بأن الاكلة المفضلة للثعابين الفاصوليا والعسل فما الاكلة المفضلة للخنفساء السوداء؟

صديقك: سلطان بدر السقياني - الزلفي

يقولون ما تأكل ما غير تشرب مويه!!

بحارتنا واحد يدعى يحب التحكيم ويتحدى الحكام الدوليين بماذا تنصحه؟

يوسف حمدي - الزلفي

الانضمام لـ(صافرة) في الـ BBC!!

السلام عليكم ورحمة الله وبركاته.
وين الغيبات يا بو العواكيس..... فقدناك!!!! ودي أسألك وما أبيك تصرف.
السؤال الأول: وش رأيك في نادي النصر يقولون يبي يطلعون من العريجاء ويروحون للنسيم؟؟
السؤال الثاني: وين كوراتك اللافة معاد نشوفها؟؟؟

عارف فرحان العتيبي

كانهم بيطلعون مالهم إلا جدة أقرب للتصوير مع الكأس!!

عزيزي معكوس.. السلام عليكم:
لماذا لا يتم التعاقد مع لاعبين عالمين مثل بعض الدول الخليجية كروماريو وباتستوتا وغيرهم؟
وشكراً.

المرسل: إبراهيم وماجد

وكمارا وربعه ما يملون عينك ياالعالمي!!

الأخ معوكس السلام عليكم ورحمة الله وبركاته.. هذه أول مشاركة لي ما حكاية اللجنة الرباعية مع الإدارة النصراوية، كل ما طلعوا من بطولة قالوا ياللا يا للا اجتمعوا وآخرتها راح فيها.. ناصر الحلوي... وشكراً يا أبو العواكيس.

non

ومن قال لك ان (الحلوي) راح فيها، والعروض الاوروبية من يومها تنهال عليه عبر الفاكس وموقعه الإلكتروني!!

السلام عليكم ورحمة الله وبركاته.. تحية طيبة لاغلى معكوس.
س 1: ما هي قصة بعض الأندية مع العسل والفاصوليا (سابقاً) والخنفساء السوداء (حالياً)؟
س 2: ذكرت سابقاً أنك تجيد الضربات العكسية ما رأيك الاحتراف في نادي الشعلة على الأقل أفضل من "بعض الناس"؟
أسف على الإطالة، بدون  تصريف.
وشكراً.

أبو فيصل - الخرج

أما خلطة فاصوليا مع عسل معها خنفساء بصراحة قوية!!

معوكس... السلام عليكم ورحمة الله:
حاس ان جميع لاعبي كرة القدم "الصلعان" دائماً مبدعين مثل زيدان والثنيان...

بدر ناصر الخليوي منصور العبسان - الرياض

بلا ما في رؤوسهم لو تفتحها إلا كورة!!

السلام عليكم ورحمة الله وبركاته..  تحية طيبة لك أخوي:
ما هو رأيك بكثرة الاشاعات بناديي الهلال والنصر وكل النوادي؟
تحياتي لك يا أحلى معوكس.

جلال فلاح العتيبي

اشاعات مغرضة وصوتية ومقطعية!!

الأخ: معوكس..
تحية عطرة وطيبة:
هل أصيب ظفر رجل الحلوي في ضربة الجزاء الشهيرة؟

أخوكم:نايف ناصر الخليوي - الريان

يقولون برباط صليبي!!

الأخ العزيز معوكس المحترم.. السلام عليكم ورحمة الله وبركاته. تحية طيبة:
ما رأيك بنادي الهلال هذا الموسم؟

إبراهيم محمد المزيرعي

اطلعوا على الاقل بشيء في القدم والطائرة وغيرها أحسن من الجيران اللي فازوا ببطولات (كوداك) للتصوير!!

الأخ: معوكس  المحترم..
السلام عليكم ورحمة الله وبركاته وبعد تحية طيبة.
ما رأيك يكون الحكم الاجنبي يقود المباراة النهائية؟
عطني رأيك بكل صراحة.

أبو بدر - الرس

العلة مهيب في الحكام في بعض (الاداريين) اللي لو تجيب كولينا ما اعجبهم!!

معوكس.. ياخلفهم ابيك تسمعني وتتخيل معايا لو يزرعون بدل الثيل بالملاعب كراث برأيك حسب اطلاعك الدائم كم خبرة تكفي هؤلاء لانجاز الحصاد بدون تعب وبنفس واحد ولك أمر كراث عندي.

أبو هادي - الرس - القصيم

وانت وش رأيك لو يزرعونه حبحر!!

معوكس السلام عليكم ورحمة الله وبركاته.. وبعد:
إلا ترى معي ان الحكم معجب الدوسري يمشي على خطا الحكم عمر المهنا في بروده وتطنيشه وعدم مبالاته لتحسين وضعه للأفضل وايضا في مبدا التعويض؟
وشكراً لك.

سعود العتيبي - الرياض

ابداً أرى انه في اللقاء النهائي كثر من الرز والمندي وما قدر يتحرك!!