حنا سيوفك يالوطن

سعيد بن محمد آل عبد العزيز

حنا سيوفك يالوطن خير الاوطان
وحنا دروعك والرماح السنينه
وكل فارس له جواد وميدان
يبدع بجولاته ويبرق جبينه
جميعنا في صف واحد وبنيان
هذا وطنا والحصون الحصينه
ولا يفرق جمعنا كيد شيطان
واللي يريد الخير ربي يعينه
كفوا عن التفجير ياصغار الاسنان
ماتسمعون أهل العقول الرزينه؟؟
عز الله أنكم ما تراعون الايمان
ولا زكيتوا بالعلوم الثمينه
وش عذركم في قتل وجدان وجدان
في يوم يرعى راعي الدين دينه
هذه جريمه طالت حقوق الانسان
وحق مكة طالته والمدينه
جسم تحرك دونما عقل وآذان
ولا فؤاد.. الله يقصر سنينه
الارهاب والتفجير في كل الاوطان
ندين كل المجرمين وندينه
أعزي الوطن في كل حر وشيهان
راح بسبب جرم الحقود الدفينه
وأهني الوطن يوم الوفا صار عنوان
في كل دار وكل حي ومدينه
واهدي وسام من تحيه وعرفان
الى الأيادي المخلصه والامينه
وأقدم أشواقي وورد وريحان
الى الوطن.. وأريجها من حنينه