مجاراة

هذه مجاراة لقصيدة سعد بن جدلان الأكلبي المنشورة بصفحة خزامى الصحارى عدد  12689يوم السبت الموافق 1424/1/19ه ..
أنا هاجس الأفكار شرق وغربي
وجاريت لي بيوت من الماس مصبوبه
أجاري سعد شاعر ولا هوب متغبي
ولو كان ما شفته ترى الشعر مندوبه
حكيم كما الدكتور بالمركز الطبي
طبيب البيوت اللي على الوصف موهوبه
والا يا سعد هرج مشيبك شيبي
كلام يجي من ناس ما هيب محسوبه
ثعالب تلد العين بالخلق وتخبي
محابيلها في ساحة الحزم منصوبة
حداهم ما ندري عنه لن شاب ونشبي
خبيث يشيل الشر في داخل جيوبه
كلامه ما ينشبك ولا هوب ناشبي
يشيب الردي ويموت ما حاش مطلوبه
على عمي رايه بالقشر صار متربي
ولابه قريب ما بعد حز عرقوبه
ولا فيه شيء بالزمن صار متخبي
ابه ناس مرتاح وبه ناس منكوبه
هذور المجالس فوقه الذنب منكبي
ولن جاء مجاله قالوا الناس والكوبه
وعبد يعبد الله ويحج ويلبي
عسى خالقه يغفر خطاياه وذنوبه
خلف الرقاص العتيبي - الرياض