هل يا ترا؟

هل ياترا كلٍ من الناس يشتاق
ولا بعضنا ما يجي يمه الشوق
لا ياهني اللي له الشوق ما راق
داله وسالي ما تولع بمخلوق
ما ذاق بالفرقا طعم مر الاذواق
ونفسه معودها على حالي الذوق
ماله مع القمرا ولا شمس الاشراق
ولا سامر النجمة ولو ناظره فوق
ولا ضاق له خاطر وانا خاطري ضاق
ولا للشقاء عنده مطاليب وحقوق
وانا شقاي الشوق لطوال الاعناق
اللي لهن شوقي كما شوق مشفوق
ويا كثر ما اتمنا على بيض الاوراق
عيني تشوف اللي تمناه وتروق