حلم الصمت

الصمت وحبها للصمت عجزت القا لهن تفسير
عجزت ولا قدرت أفهم وش اللي حدها للصمت
تعبت ولا تعب صمتي يحاول يفهم التعبير
ينام الصمت في صمتي وأنا توي بعد ما نمت
حلمت وحلمي أثبتلي حقيقة صمتها التقصير
تسمَّع تستحي تسكت وأنا قلبي لها سلمت
فهمت أحساسها الغامض كتمت وقلت فال الخير
أبيها بحبها تعلَّم وأنا اللي قبلها علمت
نسمت بهواها مسك بعدما ذقت نفخ الكير
غرقت ببحرها وأسلمت قبل لا تلتهيبي وعمت
ألا يا حلم ذاك الصمت دخيلك للندم لا تصير
أنشهد للوفاء أكرمت وأشهد للغلاء أنعمت
وألا يا حظي اللي هنت وخنت بداية التفسير
أبيك بحبها توفي ولا غيرك ترى كلمت
دخيلم أرسم البسمة دخيلك أجبر التكسير
دخيلك أكسر الدمعة وعززها بعد ما قمت
علي حسين الطلوح