اللغز

اعداد : عادي الشمري

الاسبوع الماضي كان لغز الاسبوع من طرح الشاعر/ شليل محمد السليمي من حائل والذي يقول:
انشدك عن عذرا لها براس رجال
تطلع وثم تختفي وسط رامه
اليا طلعت البنت يضعف بها الحال
يطرب بها ويشوف منها النغاسة
وقد توصل للحل شعراً كل من:
سلام عدا السيل لاصار هتال
للي بنى لغز قوي اساسه
لاصرت بالصحراء ومن حولك اجمال
ترى الجمل (هدارته) جوف راسه
علي رشيد الرشيد- رياض الخبراء
هاضت هواجيسي بزينات الامثال
وكل على جسمه يفصل مقاسه
تر الجمل لاهاج ياطيب الفال
تضهر لهاته ويثبيت حساسه
سعد الرهاوي- وادي الدواسر
يابو محمد جاكم الحل بالحال
لغزك لهات الهرش شفته براسه
يامرحبا ياطيب العم والخال
يامدلل الخلفات عندك وناسه
محمد بن عبدالرحمن ابو دحيم
البدائع
سلام لاهل الشعر ماهل همال
ولغز السليمي مايبي له دراسه
معروف للي يسرح الزود وبأل
عند الجمل تنشاف من قو باسه
عبدالله هليل الحربي- الخرج
اهلاً هلا ياراعي الابل بالحال
شفت الجمل تطلع لهاته براسه
احذر يجي قدام هالهرش جهال
ترا الجمل لاهاج يوجس نحاسه
اياد بن احمد العريني- البدائع
بعد قريت اللغز صدرت الاقوال
اقوال موثوقة بعرف وحماسه
ولغزك مايخفى كل شايب وجمال
يوجد براس اللي براسه شراسه
فهد بن حيلان بن غليوين- الدليميه
فكرت في لغز بوقته معي طال
لقيت حله عقب ما الفكر داسه
ناس بشوف البنت بالحيل تهتال
فيها الجمل هدار يفقد احساسه
علي غنام الغنام- رياض الخبراء
اللغز واضح مايبي هرج وجدال
عند العرب معروفاً اصله وساسه
والله ياهو رجال ياوي رجال
جمال واقف والاشارة براسه
احمد زبن العنزي- بريده
اهلاً عداد من كان للغز حلال
وعدد من قالوا تفوق دراسه
اللغز واضح مثل نور على جال
راس الجمل تصير وسطه لهاته
طلال فالح الحربي- القصيم
اللغز حليته بزينات الامثال
وعندي على بدع القصايد فراسه
ترى الجمل كانك مع الوقت جمال
هدارته لاهاج تطفي حماسه
نهار بن ممدوح- الخرج
الحل واضح مايبي شك وجدال
ولاهو بمحتاج لعلم ودراسه
ذاك الجمل ياهاج لاصال لاجال
هدارته تبين من وسط راسه
خاتم حواس عقلاء الشمري- الجوف
ياللي طرحت اللغز ياطيب الفأل
ترى الجمل لهاج يكثر حماسا
وترى اهات حل لغزك ياجمال
واللغز جله يالنشائي براسه
خالد عايض الذيابي
يابو محمد عندي دله وفنجال
ون جيت يمي شفت عندي وناسه
عند النياق وشوفها ينعش الحال
يمكن تشوف الهرش لغزك براسه
عمر بن محمد العريني- البدائع
ياراعي الخلفات قم سو فنجال
فنجال يجلي خاطري عن عماسه
يابو محمد دونك الحل بالحال
فحل الابل تطلع لهاته براسه
محمد بن عبدالرحمن الحجناوي- البدائع
كما توصل للحل نثراً:
ناصر الهديرس/ الرياض، عايد المحمي، صالح معيض الحربي/الاحساء، ملفي الحربي.عودة عواد العنزي/ تبوك.

لغز الاسبوع
كتبه/ عبدالله هليل الحربي/ من الخرج ويقول:
انشدك عن رجل رفيع مقامه
ينزل محل فوق قدره يزيدي
مثل القمر لونه نهار استقلامه
واليوم عكس اللون شكله وكيدي
نستقبل الحلول على فاكس 4871070حتى مساء الاثنين من كل أسبوع.
خزامى الصحارى- لغز الاسبوع
p