العزا بشيخنا أمير نجد

عبدالله بن ناصر العقيلي

اتصل بي الابن ناصر زميل ابن المغفور له عبدالله السلوم وكان صوته متهجداً ووالدتي مريضة فقلت يا ناصر هل أصيبت الوالدة بسوء قال يا ابوي أبو عبدالرحمن السلوم وبكى وانقفل الخط فعاودت الاتصال بالابن وعرفت الخبر وأنا بمزرعتي في حائل فعدت للرياض وواسيت ابني وفي يوم الخميس  25شعبان قرأت قصيدة للشاعر فهد بن محمد السياري بصديقه ابن سلوم رحمة الله فتذكرت حال ابني ووضعه مع عبدالرحمن ابن الشاعر وموقف أبو الجميع أمير الرياض مع أهل الرياض وسكانها وحاولت أجاري السياري ولكنه جهد المقل وأرجو المعذرة من الجميع.

يا عونة الله القضاء على النفس مقسوم
العمار بيد واحد ما غيره أحد يحددها
الواحد اللي فرض الحج وشهر الصوم
والروس العظيمة تركع له وتسجدها
وخلاف ذا يا طير يا مدرج الحوم
ود الرسالة وخل العرب تقرها وتشهدها
لصديق النادر ولد ابن سلوم
الخالدي فهد شيمه العرب وعوايدها
السياري ما أعرفه لكن الحرار لها رسوم
والطيب علومه ومراجله كلن يعددها
ناصر زهم علي وعلمني علوم
وآخر العلم عبرة الشبل تنهدها
وبكى وقال يابوي عبدالله بن سلوم
أبو صديقي عبدالرحمن صلى وتشهدها
قلت يا ناصر الحياة ضل وفي ما يدوم
والانفس عزرائيل كل يوم وليل يتهددها
قلته وأنا مثلك يا فهد بالحيل مصدوم
والعزاء بشيخنا أمير نجد زايدها
أبو فهد أشقر الريش بعيد الحوم
سلايل معزي عزاء نجد متعودها
ما يرخص خويه بالغالي وكثير السوم
ولا قضا حاجة منه صد وجحدها
هو الذراء من العواصف ولفح السموم
الأيتام والمعاقين والأرامل كيف أعددها
عساه بظل وشفاعة الماقف المعلوم
يوم الأم الحنون تبلش وتبرا من ولدها
وعساه بالجنة يشرب من الرحيق المختوم
وبعد طول العمر برحمة المولى يتغمدها
وصلاة الله على شفيعنا المعصوم
محمد خاتم الأنبياء سيدنا وسيدها