عزيزي معوكس..
السلام عليكم ورحمة الله وبركاته
وبعد..
تصدق معوكس أحس بينك وبين (الفاصوليا) و(العسل) شيء والا وش قصتك.. وشوكرن

جار القمر: أبو شهد

حلوه و(شوكرن) وسلم لي على مدرس الاملاء اللي عطاك (امتياز) مع مرتبة الشرف!!

إلى مستر معوكس...
الافندي يقول ان البلوي لا يصلح رئيس للاتحاد هل هذا صحيح مع أن فلوسه واجد؟

الهلالي مصلح العنزي

هو ابخص واهل (العميد) أدرى بشعابه!!

عناية السيد معوكس بعد التحية والتقدير:
يوجد لدينا في انديتنا السعودية على درجاتها الثلاث من يفوق في مستواهم أغلب اللاعبين المحترفين لدينا ومن ذلك محمد أبوعراد مهاجم أبها وهداف الدرجة الأولى، ومجد مرزوق المطيري هداف الدرجة الثانية ولاعب نادي الفيصلي وغيرهم من اللاعبين المميزين فلماذا ندخل اللاعب الأجنبي فبدل من أن نستفيد منه يستفيد منا .. وشكراً

محب الاتفاق ..عبدالله العبيوي - أبو نايف

وعلى بالك ما يستفيد منا، وحسابه كل شهر يدخل فيه (المقسوم) من (الدولارات)!!

إلى الدكتور معوكس أبو العواكيس..
السلام عليكم ورحمة الله وبركاته..
جانا كلام يقول انك تبغى تنقطع عنا وعن زاوية كل جمعة، هل هذا صحيح؟؟؟ إذا كان هذا صحيح قلنا وين بتروح؟ لأن وين ما يروح معوكس احنا وراه

أبو نورة - نايف راشد

الله على (اهازيج) أول وين ما يروح (الأخضر) واحمد خريش شاقني ياناس دلوني عليه!!

السلام عليكم ورحمة الله..
فاكهة الجمعة/ معوكس...... الموقر
يقولون إن الدوري للهلال وشلون يامعوكس يقولون كذا والهلال ما بعد تأهل، ولا واثقين إن الزرق إذا اشتهى جابها،، وبعدين ألحين كابتن النصر أول اللي هو ماجد قال إن الطرد حق النصر صحيح وش رأيك أنت؟؟

تحياتي لك .. اخوك هلالي الزلفي - أبو نواف

أبوعبدالله يعجبك في (الملعب)، وفي (الاستوديو) ما يجامل أحد حتى لو كان صديقه (المستشار) نجيب!!

إلى الدكتور معوكس المحترم
السلام عليكم ورحمة الله وبركاته .. أما بعد:
ما تصريحاتك بمباراة الهلال والنصر بدون انحياز أو تصريف، ونرجو الرد وعدم التصريف

أبو عبدالله: بري العنزي

واحد عطاني (وجه) أو (فرصة) أصرح ياليت لو تكون (آخر فرصة) و(فادز)!!

عزيزي معوكس..
هل تتوقع أن يسهم مجلس جماهير النصر في فوز الفريق بكأس الدوري

عبدالله الهزازي - العريجا

ما أظن ولا (المقلط) اللي حلم فيه ابوحمد!!

عزيزي أبو العواكيس... تحية وبعد
ما صحة مخالفة الحكم العالمي عبدالرحمن الزيد لقرار الفيفا 641

صديقك/ مساعد طلال العتيبي - الرياض

وجهنا السؤال لكوفي عنان وقال صحيح (الزيد) خالف القرار وسيطبق عليه (بند) الشارة الدولية عقبال (الصافرة)!!

إلى محب الملايين أبوالعواكيس المحترم .. بعد التحية
من خلال زاويتك المحبوبة لدى جماهير نادي النصر تشتكي من الظلم التحكيمي الذي تعرض لنادينا العالمي في كأس ولي العهد وكأس الملك وخاصة مباراة الهلال نقترح أن يكون حكام المربع الذهبي حكم أجنبي؟؟

مطير العنزي - الخرج

اقترح على كيفك يا مطير بوظو!!

الأخ معوكس .. بعد التحية والسلام
نريد منكم "يا طويل العمر" توجيه نصيحة لـ "شيبان بالملاعب" من اللاعبين الذين أصبح وجودهم مثل عدمه!! وانصحك بأن لا تذكر اسماءهم حتى لا يفهمون الموضوع غلط وتصير مستهدف.

بندر وعيد القثامي - الرياض، حي اليرموك

مستهدف من قبل بعض (المندسين)!!

الأخ معوكس المحترم .. سلام وتحية..
حقق الهلاليون بطولة "العمر" فوزهم على النصر بطولتهم الخاصة ولا كل البطولات لديهم فشاهدتهم وجماهيرهم أصيبوا بحالة هستيرية من شدة الفرح وعلى الفوز على النصر مجرد نقاط
(1) ماذا تقول لهم بهذه الأفراح الغريبة.
(2) ولماذا وكأنهم حققوا الكأس في المباراة.
(3) من تتوقع يخطف التأهل النصر أو الهلال .. وشكراً

النصراوي/ حمود العتيبي - القصيم

أولاً (الأفراح) ما هيب (غريبة) والكأس جابوه قبل، اما (بطاقة) التأهل فهي في (العريجا) وقريبة من (نحل) الحي الشهير بالعسل والفاصوليا!!

الأخ معوكس المحترم..
ما رأيك باللاعب اللي يبدع ويسجل، وأرجو عدم المجاوبة بطنش تعش تنتعش وأرجو عرضها يوم الجمعة

أبو احمد - الرياض

ابشر وهي معروضة امامك علشان ما تطنش ووسع صدرك واركب (سدرك) موديل 2003!!!

إلى حبيب الجماهير السعودية معوكس، أنا وربعي عندنا سؤال نبغي له إجابة وقالوا مالكم إلا معوكس حلال العقد. السؤال: نادي النصر شي مو غريب عليه انه يحط اللوم على الحكام بس انت وش رأيك في طرد جهوي هل هو صحيح والا لا وابغى توقعك له بيدخل المربع والا على ما قالوا ما يضمنها؟

تركي، مشاري، مؤيد

جهوي (مظلوم) علشان (اندريه) هو اللي (طقه) وهذي (واضحة) بالإعادة البطيئة والخوف (يعتم) عليها اما (المربع) فعلي ما قالوا بيضمنها!!

الأستاذ الكبير أبوالعواكيس المحترم .. تحياتي لك وبعد:
من هم أبرز نجوم الدوري حتى الآن من وجهة نظرك

أحمد النادي - المنطقة الشرقية

بصراحة ما عندك أحد!!

صاحب المليون رسالة معوكس...
السلام عليكم ورحمة الله وبعد:
هل توافقني الرأي بأن الهلال والنصر قدما أفضل مباراة في الدوري حتى الآن؟

حاتم الملاوي - مكة المكرمة

قدما أفضل (مباراة) وأفضل (حكم) خالف القرار 641!!!

إلى حبيب الكل معوكس المحترم .. تحية طيبة وبعد:
أرجوك الإجابة بكل صراحة.. ما هو توقعك لمباراة النصر والرائد القادمة في كأس الدوري؟

أبوعبدالمجيد - وادي الدواسر

ان لعبوها في بريدة فيلم (مكسيكي وان لعبوها في الرياض (هندي) واللي لعبها صح (خميس)اللي طلع منها من بدري!!

عزيزي الأخ معوكس صاحب المليون رسالة (من تتوقع له الفوز بكأس الملك) أرسلت لكم أكثر من  3رسائل ولا شفت وحده منها.

صديقك محمد العلياني من الرياض

واحد من (أربعة) شلوا (الجمل) و(الجمل) ما شالهم!!