عذب الغرام

محمد احمد الناصر الشايع

لك ما تبي وامرك على العين والرأس
حاضر وناظر بالعيون الحقيقه
لو اتأخر يا حبيبي على الناس
عليك والله ما تأخر دقيقه
شي تعرفه من عرفتك له اساس
عليه معطيك العهود الوثيقة
ياجوهره يادر يالول يالماس
يا عسجد ما قد تغير بريقه
ولابه اغلا منك يازآهي الألباس
عندي وكل له نظر في عشيقه
شوفك يزيل الهم والغم والباس
ويجلا عن الخاطر خطر كل ضيقه
وبعدك ياخلي صافي البال ينحاس
ويشعل بصندوق الضماير حريقه
دام الرجاء ما حال من دونه الياس
والوصل له تسعين حل وطريقه
عذب الغرام الحر من يدك بالكأس
قم اسقنيه الله يسقي سويقه