الشاعر سعد بن جدلان الاكلبي من شعراء المحاورة والعرضة والنظم المعروفين وهو من شعراء محافظة بيشة امتلك جماهيرية عريضة من محبي شعره وامتدت شعبيته الى نواحي الجزيرةالعربية تميز باسلوب شعري اعجب الكثير من الجمهور وكثيرا ماينتهج اسلوبه الشعري المعاني الخفية النادرة قل من يفسرها من الناس من خلال قوة المعاني واصالة الكلمة

يقول في احدى قصائده الجميلة:

يازين المشي في الروض الخضر لاشعشع المخضار

يازين الديره اللي من حقوق الوسم ممطوره

يريح البال سجٍ في الفياض الخضر والمسيار

سعادة للقلوب اللي من السلوان مسروره

متى عيني تشوف اللي على قلبي ربيع ودار

أشاهد للسعاده في حياة المجتمع صوره

ليا هلت مزونٍ فوقهن تنعومتين اصغار

على ذيك اللباب اللي من الريضان مغموره

لامنه اصحى سما غر المزون وشعشع النوار

ودجاه أدلى اسدوله والقمر متجليٍ نوره

أشاهد لي بروقٍ دونها ربانها تندار

تقول أكباس غازٍ من ورى شلال نافوره

سبح ماهر خيالي في الخباري والبرَد والنار

وأشوف الجمر فوقه دلة الرسلان منحوره

هذاك المنظر اللي ماتشووفه في الحياة امرار

على شوفه سبابيح الخيال اتموت مقهوره

حرام أني ما اهني راعي المليون والمليار

ولاأهني عربسات الفضا دوره ومقدوره

أعيش بعالمٍ طول المدا يبقى لها تذكار

عليٌه بالحرام انها حياةٍ مالها جوره

هذا وجه الصحيح ولا على وجه الصحيح أغبار

حقيقه ويتمعنها اللبيب بكامل اشعوره