قرار صائب نوعاً ما ___

الله يعظم اجر النساء في السعوديه اجر اصبرو يا بنات

ياعزتيلنا بس والله المفرض المراه تسوق سياره لتقضى حاجاتها الاساسيه بدون الاتكال على الاخرين وشى حلو انهم حاطو ها القرار

عبوديه بصراحة!!! بس لا تستغرب لان الرجال هم من وضعوا هذا القرار^_^ على العموم المجتمع يحط قوانين بحجة الخوف على المرأة وهذا القرار يؤكد فكرتي ان المجتمع يخاف من المرأه وليس عليها

تخلف

كلام سليم

يعني بشكل اخر عم بيصعبوا موضوع قيادة المرأة للسيارة شوالمشكلة اذا كانت المرأة عندها سيارة بي اسمها له دايما تخولوا المرأة على همش الحياة المرأة السعودية ماينقصها شي عن اي مراة في دول الخليج اوالعالم العربي له هي الوحيدة الي ماتقدر تسوق السيارة !!! يا ناس المرأة المحترمة ماينخاف عليها من قيادة السيارة

لا عاد هاذي قمة الظلم للمراءه ولا احد يجي يسؤي فاهم ويقول الولي من الدين انا موب قاعده اعترض على موضوع الولي بس الي قاعد يصير مو صحيح دامها مالها اي فايده بطاقة الاحوال الخاصه اجل وشهوله تطلعونها لنا ولا بس حب الترزز على الفاضي قسمآ بربي كل مكان اروح له لازم ولي واكرر انا مو ضد موضوع الؤلي لكن بما جاء في الدين مثل الزواج لكن بعد إذا كان ربي رازقني مااقدر اتصرف بفلوسي واشتري الي ابي الا برضاه عسى ماشر!!! قهررر مابقى الا تقولون عشان تشربين مؤيه لازم يوافق وليك ولا موتي وبستين داهيه

قرار فى غير محله.طالما لديها بطاقة احوال فى هذه الحاله لها سجل مدنى لذالك لايحق لولى امرها الااعتراض. كل من يملك مركبه مسئول عن اى مخالفات مروريه.

وش الفايده من امتلاك المرأه سياره من دون ماتسوقها ولا بعد في امتلاكها تعقيد

ايوااا.. تبون تحجرون للناس عشان ما يعترضون على المخالفات.. يا للخبث...

متى نسوق بس متى متى متى ياناس الرحمة نبي نسوق

ذنبنا نحن النساء برقابكم يا اصحاب القرارات القمعية امام الله ورسوله الكريم -امام من وصاكم بنا فستعبدتمونا -- هل تعتقدون كل اب يدري عن زوجته وبناتة ؟؟ ويصرف عليهم ؟؟ هل تعتقدون ان بعض الاباء يعتبر أب صالح كي تربطو مستقبل الارامل والمطلقات بورقة معه ؟؟ انا لا اقول الا حسسسبي الله ونعم الوكيل

انا حقيقا اعتبرة ظلم كيف تطلب من كل امرأة ان يوافق ولي امرها ب امتلاك سيارة(لاتقودها)كلام غير منطقي القرار هذا صدر من أجل ماذا؟(واضحة)من أجل الزام المواطنين بدفع المخالفات الكثيرة التي اصبحت تتساقط علينا من السماء،شوارعنا اصبحت كنها استديو تصوير كاميرات وفلاشات.نصحية اضحك تطلع الصورة حلوة.

*لو بيدكم دفنتوا الحرمه حسبي الله وهو نعم الوكيل بس قمة التخلف تحولون قد ماتقدرون تلغون دور المراءه ب هالحياءة

ملاحظة/للسيد عبدالرحمن المقبل بدل من اصدار قوانين ضد المواطنات والمواطنين أتمنى انك تقوم على عجل وتحل مشاكل كثيرة في النظام المروري الذي ينتمي لعصر الجاهلية الجميع يتقدم ب النظام الا نظام المرور الذي قرات عنه في مجلداتك القديمة،ثانيا اخلو شوارع المملكة من السائقين و المركبات التي خرجت من التشليح.

مسكينه المراه حتى في امتلاك السياره مظلومه والعذر سخيف حتى لايعترض الولي كلام مضحك ولكن اقول لكن الله يانساء السعوديه

يا أمة ضحكت من جهلها الامم !!!

ولية ماتكتب السيارة باسمها واذا حصلت مخالفة هي التي تدفعها كالعادة تعامل كالقاصر وخلي الرجل يتحمل التكاليف احسن انتم الخس

كلام سليم

مع كل الاحترام لي اي مسئول في الحكومة هذا اسمه التخلف بعينه الله يعينك يا وطن على هولاء.

ولي ماعنه ولي أمر

يبدوا لي أن هذا القرار مخالف للشرع ( ولا انا غلطان ! )، فكلنا يعلم أن الذمة المالية للزوجة مفصولة ومستقلة عن الزوج، ولها كامل الحرية بالتصرف منفردة بالتعاملات المالية بيعاً وشراءاً، لكن من شرّع هذا القرار أراد منه خدمة ساهر والتسهيل عليه في جباية المخالفات، فوجود الزوج أو الولي بصفة ضامن يجعله هو من يدفع المخالفات في حالة امتناع الزوجة عن الدفع لأي سبب كان، وهكذا نحن دائماً نفصل القوانين بطريقة ( كلّشينكان ) وبالطريقة ( الخنفشارية )

اذا كان ماتقود السياره او مالها ولي امر تجيب واحد من الشارع وتقول ولي امر هذا التعقيد صدق ليه تعطي رقم بطاقت حاسب الي اذا كان مافيه ثقه برقم الاحوال الله يخلف وشذنب ولي الامر تسجل عليه المخالفه من السائق قولوها يسراحه نريد واحد يدفع لساهر وبس

حاطين بس على الحرمه كأنها مجنون مرفوع عنه القلم او بزر مايدري وين ربي قاطه قال ايه بطاقة الاحوال ماتمشي

ومن متى بناتنا يسوقون!!؟

هذا الصح !!

قسم بالله قمة التخبط في المرور. كلام فاضي و تقييد لحرية التملك بحجج واهية، طيب والمرأة اللي ما عندها ولي امر وش تسوي؟ تموت!!. خنقتوا الشعب بسبب التخبط في القوانين أين حقوق الإنسان أين الأمم المتحده. حكومه ما تجي الا بالعين الحمرا

يآحبكم ل تعقيد آمور النسآء |

هذي رساله لرجال المرور يعني تجيك المراءه بدوين وليها تعطيها كف وتقول لها درب جيتي معه عودي معه

والله الهجره ارحم كل مالكم تعقدوها الله يسدها في وجيهكم كل ما نقول تبي تفرج تكحلوها وبعد ذلك يصير هذا القانون الوضعي عرفا دينيا ويتدخل المتشددون ويصدرون الفتاوي ان امتلاك المراه السياره حرام لانها فتنه يعني ما نقدر نسوق وما نقدر نشتري سياره عشان نجيب عليها سائق ولا يوجد اي مواصلات تساعدنا ياليت تحفروا لكل وحده قبر في بيتها احسن

ياصبرنا بس...لانسوق ولا لنا حق امتلاك سيارات...متى بس يصير للمرأة حقوق عندنا؟

صح لسانك

مبروك وخطوة الى الوراء

حقيقة المرأة لدينا مهمشة في بعض الأمور وهذة واحدة منها! اليست المرأة من أنجبتك يابوفهد وبفضل دعاءها في السراء والعلن وصلت الى ماوصلت الية؟من يقود السيارة أما زوج أو أبن أوأخ أوسائق خاص والمخالفة لن تخرج عن أحد منهم! مالفائدة من بطاقة الأحوال للنساء مقرونة بموافقة ولي الأمر؟حالة فردية مرت عليك هل تعم

طيب اذا فيه ناس تدور اي حجة وش ذنب الاخرييات.

قرار حكيم

عقبال البنات يسوقون عشان تحلى الجلسات والوناسه وسعة الصدر يارب

احلف ياشيخ ! قمّة التخلّف والرجعية ومادخل الرجل بامتلاك المرأة للسيّارة ؟! بل مافائدة بطاقة الأحوال التي استخرجتها النساء ؟ أخشى أن يأتي يومٌ يُعلّق على المرأة حهاز تحكم في التنفس يشترط من خلاله عليها أن تحضر موافقة ولي أمرها مصدّقة من الجهات الرسمية في حال رغبت في إدخال الأكسجين لرئتيها وموافقةً أخرى لتأكل وتشرب وثالثة لدخول دورة المياة...!! متى تعون أننا كاملات الأهلية وأن الإسلام كرمنا ؟ شر اليليّة مايُضحك،ولكنّه ضحك كالبكاء ! العالم يسير للأمام ونحن نعود للخلف آلاف الأميال.

طولت يالليل تنفع مول... العملية الجرحية موافقة ولى أمرها العمل ولي أمرها..السفر ولي أمرها...أخذ بطاقة الحوال ولي أمرها باقي الدفن في المقبرة ؟ وللي ماعندها ولى أمر تشتري ولى تستلف من الجاران ؟أصل فائدةقيادة السيارة تعود للمرأة التى لا يوجد من يعولها،هل من حل أفضل؟ مايكفي أخذهم حقوقها ماذبعد؟

طيب ما دامت المخالفة سوف تسجل على المراة باعتبارها هي مالكة السيارة، ما دخل ولي امرها ؟؟ طبعاً نظام سارق اهم من المواطن في عيون مرورنا العزيز فهو كنز الذهب الذي جعلهم يستحلبون المواطن متذرعين بشعاراتهم التي كشف الجميع زيفها ومن أبرزها، حماية المواطن، لا وأنت الصادق ملىء جيب مرورنا العزيز

ياذا الولي امرها

اكل العنب حبه حبه

مافهمت يعني خلاص نسوق السياره

وتبقي المرأة دائما كائن غير سوي يحتاج لولي امر في العمل وفي الزواج وحتي في امتلاك السيارة

عيب والله عيب يا مرور، فعلاً التخلف يعيد إنتاج نفسه، المرور يبخس المراة حقها في التملك، هذه هي العقليات التي ستحرمنا من إستضافة مونديال كأس العالم لقرن من الزمان على الأقل.

آها، ومتي قررر أصدار رخصة القياده للمرأة، هل قريباً سنسمع ذلك أم ننتظر قرن قادم.؟؟؟

اجل كل واحد يسجل السيارة بسم زوجته وبنته ؟؟

واللي ماعندها ولي أمر؟ يعني وحدة بتشري سيارة وش معناتها؟ الغالب أنه زوجها أو أبوها أو أخوها مو متحملين مسؤوليتها هذا إن كانوا موجودين أصلاً ! حسبي الله عليكم ونعم الوكيل عليكم هذا اللي نقول

وين عايشين... بديت أشك إنا في السعودية

ولي أمرهاوش السخافه هذه إذاهي شاريه السياره بفلوسهاوجايبه السواق وهي اللي تدفع راتبه وش لزوم ولي الأمرهاذا أصلاًكلمةولي أمرسخيف بمعنى الكلمة

(ياساهر.. يامسهرني ) هذا القرار غير منصف للمرأه...هناك نساء موظفات ولهن دخلهن المادي وهذا الامر سيساعد الولي المتسلط على ابتزاز المرأة..وله سلبيات كثيره..

طيب ليش ماتوافقون للمراءه تسوووق نبي نرتاح على الاقل الامهات يقومن ببعض الملزومات مو كل شي على الرجال واعتقد مافيه شي يمنع من قيادة المراه للسياره اذا كان الغرض مساعدة زوجها صراحه اتمني انو بلادي تسمح بالقياده للمراءه

ساهرهلكنا شوفو لنا حل السرعة مشي السلحفا والوقت من الذهب

عقبال ان شاء الله هي الى تسوق سيارتها حتى لو خالفها ساهر

ان هذا الاجراء غير نظامي حيث ان ملكيه الشي تتطلب شرعاً الايجاب والقبول لا ان تؤخذ موافقة ولي امرها. لابد أن يعاد النظر في مثل هذه التصريحات والانظمه التي تصدر غالباً من ادارة المرور بدون علم ودراية في الاحكام الشرعية والوضعيه. بأمكان إدارة المرور وضع شرط لامتلاك المراه للسيارة بأنه في حال رصد أي مخالفه على المركبة فأنها ملزمه بسدادها وبهذا يصبح الاجراء نظامي وقانوني.

والله بلد غريب عجيب...يعني عادي المرأه تمتلك بيوت وعقارات وغيره بس ماتقدر تشتري سياره الا بموافقه ولي الامر؟ يا هالولي الامر اللي ذليتوهم فيه...شر البلية مايضحك

لو ان المخالفات ما تجي من السماء والواحد ما عنده سيارة كان ما احد اشتكى بس هذا انتم تعقيد في تعقيد

خطوة الى الوراء تحسب عليكم ياسعادة العقيد مهما كانت المبررات ,,, يجب النظر الى المرأة على انها انسان مستقل له شخصيتة وانسانيتة دون الحاجة لوصاية من ولى او محرم او خلافة

ياساتر،، قرار واضح ودليل على اضدهاد المرأة السعودية،، والتضييق عليها،، من ابسط حقوقها ان تمتلك ماتريد بمالها،، فسبحان الله قرار قمعي بمعنى الكلمة،، اطالب بمزيد من حرية المرأة في ابسط حقوقها المدنية،،، منافي تماما لرؤية خادم الحرمين الشرفين في تحقيق المساواة والعدل في المجتمع،،

اهم شي في الخبر نظام ساهر يعني ناوين المواطن والمواطنة اهم شي المخالفات الله يا كثر الي دعو عليك يا المقبل اتقي الله

عيب عليكم الحين الدولة طلعت بطاقة أحوال للمرأة وانتوا بكل بساطة تلغونها وكأنها ليس لها قيمة يعني اذا المواطن داخل بلده مايستفيد من بطاقة أحواله أجل وين يستفيد منها اذا سافر مثلا؟ وبعدين الموضوع بسيط اذا طلعت مخالفة على السيارة يدفعها صاحب السيارة بغض النظر عن جنسه مو تقولي ولي امرها ومدري ايش!!!

يعينكم على دعوات الناس انت يابن مقبل تصريح نفاق انتم وساهر وقيادة المراءة وساهر دورة فقط جباية انت والخلف وتشهد بريدة عدد من الحوادث يومين بلا نفاق حسبنا الله عليكم ونعم الوكيل راتبكم يفوق عدد 5 سعوديين وبنعمة احمد ربكم حساكم كثر تحصيلكم ا هذاة شركة مسؤولين كبار ومعهم كبير القنوات

الله لايوفق من سنها ولي الامر فاضي لنا زين ان ماسحب السياره منا مو يعطي موافقه اطالب بحمله برفض هالمهزله والله يافيه ابوان مايدرون عن اهلهم وحريمهم منهم ابوي ولويدري عند امي سياره سحبها وخلنا بهاللموزينات الله يحر من سنه هالموافقه ويقهره مثل ماقهرنا ااامييين

الى الخلف در...

100 عام الى الخلف (يا بلادي واصلي) قيود على المرأة السعودية. (الله لا يحللكم ولا يسامحكم)

قرااار ظالم للمرأة...

شلوني يعني ! يعني علشان تحفظ حقها وتخلي السياره بإسمها ومايستولي عليها زوجها الطماع او اخوها المتسلط.. تروح تاخذ اذن منهم ؟ حشفاً وسوء كيله !

عن قريب اتقاعد ان شاء الله

مشكلة امتلاك المراة اصبحت هي الأهم لدى المرور.الأن

مسكينة المرأة عندنا ملها قرار كل شيء بموافقة ولي الامر سواء كان للسفر او الدراسة او امتلاك سيارة والله مسكينة. ياخي المرأة هي الام والاخت والزوجة وش حنا لولا المرأة. ياخي المرأة نصف المجتمع وبدونها مانسوى شيء كيف تعاملونها بهذه الطريقة التعسفية والله حرام.

نود التذكير اننا في عام 2011

حسبي الله ونعم الوكيييل يعني الي ماعنده ولي امر ماتشتري وهي محتاجه تقضيها تكاسي ،وسهله على المخالفه في اكثر من تصرف اجيبها فيه ياتجميد حساب يا توقيف شغل اذا كانت موضفه وبلعنوان تنجاب لكن القرارات العقيمه دايم ماتطلع الازمن تفكير جاهل لنا الله معشر النساء.. الخبر رفع ظغطي 

قوانين غريبة

وهل الإمتلاك يحتاج قرار ايضا يعني كأنها تمتلك ارض او حتى قلم رصاص ولاّ هذي بعد فيها قرارات جهل متحكّم

سلام ,متى نعود للاسلام ؟ المضحك في الموضوع أن الزوج ليس ولي أمر زوجته ! لها أن توكله , أجل , قوامه ( بمعنى أن يقوم على تلبية حاجاتها) أجل , ولكن ليس ولي أمر

حرية التملك احترمها الاسلام كحق مشروع للمرأة فلها حرية التملك والتصرف فيما تملك ولها حرية البيع والشراء... طالما هذة التصرفات ناتجة من مصادر ومعاملات شرعية -فلماذا نفتح الأبواب الجانبية فهناك كثير من النساء التى لهن ظروف خاصة كالتى تعول نفسها او توفى والدها اوزوجها... فليشدد القانون على المخالفات منهن ولانستحدث فى التشريع ولانأخذ الحسن بذنب الردىء - رحم الله الفاروق عمر بن الخطاب رضي الله عنه وهو القائل : ( متى استعبدتم الناس وقد ولدتهم امهاتهم احراراً ).

الاخت خلووود وراك معصبه هدي الطاره شوي ههه

تخلف ورجعيه

وقرن في بيوتكن

كل هذا من اجل ساهر لئلا تنقص موارده (سوف نكره ساهركم) والمرأة كا كائن بشري ليس لها قيمة حتى الشراء والبيع يحتاج اذن ومحرم ؟؟عيب طيب من ليس لها محرم ؟ تركب (ليموشين) ليسرع بها ؟ بالله هل هذا من الدين وباي حق يصدر تنظيم كهذا ولماذا المرأة تهان ؟ وهل لايوجد لديكم اليات ضبط الاهكذا

لا تعلنون مثل هالامور ترى عيب.. فشلتونا عند العالم. استرونا الله يستركم.

قولولى من أخر من يعلم انت أم أنا والحكاية وراها سالفة ؟ من 25سنة كنت رايح صلاة المغرب وعند خروجى من بيتى شفت سيارة مقفلة البوابة سألت السواق الاندنوسى سيارةمين يامحمد قاللى سيارة مدام وكانت سيارة جديدة من وكالة الجميح.قلت كيف قال انا ومدام رحنا المعرض

هذا هو المفروض والصحيح لأنه هو اللي يبي يجدد الاستمارة ولو انسرقت السيارة هو اللي يبي يراجع الشرطة وهو كل شي يبي يسوية، لذلك من ابسط حقوقه انه يوافق على امتلاك محارمه للسيارة او يرفض، وبعدين يامريضات وين النقص بالموضوع، ولا اذا بغيتوا شي جيتوا تكفى وودنا واذا غير كذا تقولون ماله حق يتدخل

للمره الألف اقول ظلموا الرجال نسائهم وتعسفوا هل للنساء فى الوطن من انصار (؟)

ههه الشئ الوحيد الذي لا يوجد له دواء هو (الجهل)

الله يعينكم ع المخالفات حتى المرأه يبون يطلعون منها (اجل ساهر لحمايتكم ) والله ساهر لحماية جيوب ناس لا يرحمون ولا يخلون رحمة الله تنزل ع المواطن لي ما يمديه يرقعها منا إلا ويلقها خرت من الجهة الثانية بس ربكم يمهل ولا يهمل سبحانة.

كويس قمة التحضر بااقي اذن علشاان تركب وتنزل من السيارة ياليت تخافون الله وتعرفون ان المرأة اكرم عند الله من تعاملكم العبودي و السرمدي عقد الرجال في تصاعد و السبب الفراغ النفسي. والروحاني حسبنا الله وكفى

أي كلام سليم خير ترى بس سياره تمتلكها. ماصارت كل شي ولي الأمر والله بابا مل من كثر ماأقوله يبه تعال يبه روح.

ههه قمة التخلف سلامات ايش اللي حاصل ليش بموافقته ليكون هو اللي بيدفع قيمتها ياخي خافوا الله فيهن ماخليتوا شي لهن حتى بحلالها ماهي حره فيه حسبي الله ونعم الوكيل

قمة التخلف

انا من فترة شريت لاختي سيارة لوجود ظروف زوجها الصعبة وسجلتها باسمي وبعدين اذا كانت مسجلة باسمها وش المشكلة فيه بتدفع المخالفة بتدفعها وبعدين وش يخاف المرور منه من ولي امرها مثلا ترا فيه حريم مقطوعااات وفيه حريم عندهن ظروف صعبة والله يرى ويعلم رفقا بالقوارير والكلام وفق الشرع

يا أمة ضحكت من جهلها الامم !!!

قبل فترة شريت سيارة وقال لي المعرض نفس الكلام انه لازم اجيب ولي امر وانا ولله الحمد مرتاحة ماديا لكن ماعندي ابو ولا عندي اخوان وربي !! واضطريت والله اعطيهم 300ريال حتى يخلص المعاملة من تحت لتحت لأني محتاجة السائق اكثر من حاجتي للاكل والشرب لكن هالفلوس اللي دفعتها ان كانت رشوة بذمتكم ليوم الدين

إلى الوراااء ياقوانينكم.

وللتخلف بقيه :(

المشكله ان نصف السيارات الي يقودها الرجال نساء هم من قامو بشرائها لانه من يسمى برجال في الوقت الحالي لايستطيع شراء سياره لوحده وتحمل صعاب الحياة كلي فداك امراه وحده خير من 20 رحال

بسم الله الرحمن الرحيم اما بعد: الى ولاة الأمر والمسؤولين عن قرارات المراءه بالسعودية سؤال اذا كانت المراءة معلقة ولديها فتيات والاب غير موجود بحياتهم والمسؤولية تقع على عاتق الزوجة وكل شخص من العائله مسؤول عن رعيته فقط فماهو حال الزوجة؟ هل يقف الوضع في استخراج سيارة اذا كان ولي الامر غير موجود

لو عرف السعودين كم هى الفائدة من السماح للجنس اللطيف لسمحو فيها خلال 3 ساعات, ونخلص من الخمسة مليون سائق وباخد بعض العبئ عن كاهل الرجل , يا جماعة الخير حقوق المراة مهدورة بشكل متخلف فى السعودية وخاصة الرياض...واسفاة

بدايه طيبه وانا من وجه نظرى الشخصيه لايوجد عيب فى قياده المرأه للسياره بل هى تقضى حاجتها وتمنع ركوبها مع أخرين او تنتظر السياره واقفه لدقائق منتظره وهذا ممكن يكون ارهاق لها لو هى مريضه

إذا كانت المرأة موظفة مثلا ولها راتبها أو ذات دخل وتستطيع الجهات التي سجلت عليها غرامة أو بينها وبينها حقوق مالية، أن تقتطع من راتبها أو توقف نشاطها وعملها التجاري فما الذي يضيفه ولي أمرها، وما الداعي لهذا الشرط الذي يمكن أن يفتح على المرأة بابا من باتزازه هو ؟ وحتى المرأة غير العاملة فإن لها استقلالية ذمة، ولا علاقة لولي أمرها بذمتها المالية، والشرط اصلا باطل فلا يطالب بشيء حتى ولو كان ولي أمرها. ربما ينتج عجز عن إحضار المرأة بسبب اجتماعي، وهذه مشكلتكم لا مشكلة ولي أمرها

والله انك متعب الخلق ياجعلك التعب

الدين هنا كل شي المرأه المرأه. وامرهابالمكوث في المنزل والخدمه وتقديس الزوج لانه جنتها ونارها ؟؟؟ والعبايه راس وكتف ؟؟؟ ومحرم في كل مكان وغيره وغيره،،لما تحجرنا وحرمونا من الوظايف والحقوق الامتى؟؟ والا احنا شعب الله المختار ومافيه زينا في الدين والاخلاق وبس نقد في هالعالم عيشة المرض

بدل ان نتطور فاننا نغوص بالتخلف والانتقاص من المراه

اعتقد الكلام هذا غير صحيح لان نص السيارات الي عندنا باسامي حريم ومعطينها سواقين وماعندهم لا ولي امر ولا غيره لانهم مطلقات ورامل وبعضهم موظفات يعني ليش تحبون تكذبون عشان تسون ضجه وبس لاحول الله بس

رسالة لرجال العالم الاسلامي والعربي0(كلكم بالنار الا السعوديين بالجنة)، اللي زوجته راكبته ظلما وبهتانا يجي عندنا بالسعودية يطلع رجولته بدون اي مجهود وبدون شنبات.صدقوني ستجد زوجتك تدهن رجيلاتك فكس وتناظر عيناتك وش تبي بس علشان تكفلها زيها زي البنقلاديشي بالشارع.قلنا لك ارفع راسك انت سعودي

اكيد ان الرجل هو السبب سواء الزوج او الاب او الاخ ولو ماواجة المرور مشاكل لما طلب تطبيق هذا الاجراء

طيب ويش الجديد في ذالك دائمن ولي الامر في المقدمه ودفتر العئله هو الكفيال ولبطاقه لافائده لها

حسبي الله ونعم الوكيل لا حول ولا قوه الا بالله

أهنيكم عالتخلف الناس تتقدم وانتم ترجعون حاطين حيلكم في الحرمة ماتبونها الا للزواج أو الخلفة أهنيكم

والله اغرب انظمه بالعالم عندنا.ياناس خلو الحريم يسوقن وفكونا من مشاكل السواقين والتسلط على الحريم من قبل الازواج والاخوان في عدم توديتها والا تخليص امورها الشخصيه.انا سواقي راح ولارجع والحين جايب مؤقت راتب 2500 ريال والله لعب.لو اخلي زوجتي تسوق والله ارحم واستفيد من المبلغ في الايجار.ارحمونا

الله يكتب لناالخير

sovaj = سوفاج 2010 - 1431 = ابو جهل في زمن الرسول عليه الصلاة و السلام، المرأة كانت تقود الجمال و الخيول، و كانت تعمل بكل المجالات، اما في زمن ابو لهب و أبو جهل فقد كانت توأد

ألحين أكثر شيابنا و بالمعنى الأب تجده موفر سائق له وتلقاه مشخص وقاعد ورايالله يارب تدوم نعمة العقل علينا وبعدين فيه ناس يشترون سيارات ويحطونها بأسماء أمه أوحدا خواتة و بالتالي المشاكل ترجع لصاحب المركبة المسجلة بأسمه  

كل شيء صار يسد النفس , متى استعبدتم الناس وولدتهم امهاتهم احرار؟؟ حياتنا كلها انشلت مع بدعة ولي الأمر هذي.مو ناقص غير يطلعون قرار اننا مانتنفس الا بموافقة ولي الامر واخير(واذا المؤدة سئلت بأي ذنب قتلت)!!!

حلو خل المهملين وغير النظاميين الي استغلو هالضعيفات ويحملوهم مخالفات ترى ياناس كثرت هالحركة لتجنب تسجيل المخالفات على السائق ولما تحتاج المرءة مراجعة جهه رسمية تتفاجئ بحجم المخالفات عليها

والله قهر وش هالظلم الزايد وان كان زوجها جاهل ومبتز في سلب اموالها وش هالجهل فيكم والتخلف حسبنا والله ونعم الوكيل

وبكرة تروح المره لتشتري ذهب ولا بصل وثوم ولحم وخضروات، ويقولون لها روحي جيبي ولي أمرك عشان نبيعك. والله مسخرة ولكاعة في الكلام، أجل الأحوال المدنية ليش خسرت نفسها وأصدرت لهن بطاقات، ويجيك واحد سخيف ويقول روحي جيبي ولي أمرك ليوافق عل أن تشتري سيارة.

لله العجب الناس مختلفون ولكن الرجل أو ولي الأمر ليس عدواً للمرأه كما يعتقد البعض ولا يمكن لطرف ان يقوم بواجباته دون الاخر هل هذا معناه ان يكشرن بعض الاخوات عن انيابهن الحاده للنيل من الرجال في الاول والاخير الرجال قوامون على النساء !! اص ولا كلمه

عيب عليكم ما تستحون على وجيهكم! مو كافي التحجير اللي تفرضونه على المرأة تجون الحين وتفرضون هذا القرار الأحمق! تعرفون ليش السعودية تدافع بدل أن تهاجم في الإعلام؟ بسبب هذا القرارات اللي مدري وش تبي!

يعني لو اعطوك كرت العائله مابتسجل مخالفه عليها ؟ الله يخلف بس

وكذلك صدر قرار يقضي بأن لا تموت المرأة الا بموافقة ولي أمرها ولا تتكفن الا بموافقته ولا تدخل القبر الا بموافقته وإن تم ذلك بدون موافقة ولي الأمر فلا تعتبر وفاتها صحيحة ولا يمكن توثيقها ولا اعتبارها سارية المفعول وستعتبر مخالفة قانونية لا تتوافق مع الانظمة السعودية الصريحة والواضحة

ساهر زي بعض الاتصالات ( هات مافي جيبك غصب عليك )

قرار في محله ولا حتى المرأة تتحمل نتيجة إهمال السائق بالمخالفات عشان السيارة بإسمها، ولا أشجع المرأة بالقيادة يكفي كل من هب دب هنا ساق سيارة... يكفي حوادث وإزدحام الشوارع والطرق... ما يحمد ربهم الحريم تركب السيارة مثل الأميرة وتروح محل ما تبي لا حرق أعصاب ولا غيره الحريم في بريطانيا يتمنوا كدا.

تدورون اي شيء يضمن حقوقكم اما حقوق المواطنين فلا تهمكم اذا حصل خطأ في قسيمة لمواطن بدأ مسلسل المرمطة والعروض وبعد سنين يمكن يرجع المبلغ او كالعادة في غياب النسيان

ما فيها شي تمتلك لبى قلبها خلها تطقلي بدال اليوكن فراري

أهنيكم عالتخلف الناس تتقدم وانتم ترجعون وكل هالقرار عشان بس تضمنون ايرادات مخالافات ساهر أهنيكم عالرجعية والقمعية وظلم النساء كل هذا بتتحاسبون عليه في يوم

الموضوع جيد في سبيل الحد من تسجيل مركبات بأسماء النساء وارتكاب مخالفات مرورية لكن... الولي اذا رغب تسجيل مركبة بإسم زوجته أو إبنته يستطيع إقرار ويالله خل المخالفات على المرأه يعني ماسوينا شئ.

وضع المراه في السعوديه من سيء الى أسوء..حتى التملك الي الله حلله تحتاج لولي امر..الله يخلف علينا بالجنه

قرار رجعي من العصور الوسطى انسو فكرة تقدم فكر المجتمع طالما انا الجهات الرسمية تدعم النظم الرجعية

ارجو من المسولين والاحرار ان يعرضوا الامر على حقوق الانسان تراكم زوودتوها حسبي الله ونعم الوكيل

ليش ما تكون المخالفة على السائق مهوب على مالك السيارة سواء كان المالك للسيارة حرمة او رجال وهذا هو الاسلم والصحيح.

اصبروا ايها النساء فان الله مع الصابرين الله يكون في عون حريمنا والله

والي مايدري عنها زوجها ولاعن عياله وش تسوي يالظالمين

انا كل يوم اقول يبي يصدرون قرار يسمح بقيادة المرأه بس للاسف نحن نتقهقر بخصوص هذا الموضوع واقول ياليل مااطولك , طيب عادي ليش مايحاسبون المرأه على المخافه وش المشكله ؟

الله يعين على هالسواقين يليت يبعدوهم عن البلد هم سبب الخراب للوطن الله يكفينا شرهم

hahhahhaaa هاهاهاهاها طلعنا زي الاتصالات السعوديه زمان لازم ولي الامر يكون كفيل لجوال الزوجه او المراه بشكل عام ويقطع الجوال اذا ماسددت الزوجه. يابلادي واصلي

والله العظيم القرارات هذي بتسبب في هجرة الكثير من السعودين للخارج بسبب التخلف والرجعية وانا اولهم ان شاءالله

وش دحل ولي الامر اصلا المحالفات على السياره ايا كان مالكها مراه او رجل يعني اذا خالفت بيمسكوا ولي الامر ههه كلام لا منطقي وقرار خاطئ

الحين سبحان الله الاسلام يضمن للمراة حقوقها المالية وانتم تحجرون عليها انا حره بمالي اصرفه كيف ما ابي دام انه في وجه شرعي وش دخل الرجال في مالي وش اشري به وين اصرفه فيه الله معطين السماح من عنده وانتم تفرضون شروط ام حق اداره

رقم 8 تعليق قوي وصريح ونابع من حرقة القلب تحياتي لك

والله ظلم وغبن واللي ما لها ولي امر من وين تجيب مطلقه وما عندها الا ولد بالمدرسه وهي موظفه واخو بالشرق واخو بالغرب وابو متوفي وعم جاحد وخال ماله دخل بالله هذا كلام ليه المراه مب قدها يعني ارجو مراجعة هذا القرار لانه رجعي بما تجمل الكلمه من معنى

اتمنى من بعض الاخوه التمعن في القرار واسبابه ياجماعه اذا خالفت السياره اللي يقودها السواق الاجنبي تحسب على ولي امرها فهمتو يعني المرأه مدلعينها هي وسواقها.

خير ان شاءالله وش بقى بعد بس ما اقول غير حسبي الله ونعم الوكيل كل القرارات من صالح الرجل والرجل فقط

قرار متوقع , كل ماتريده المرأه هنا هو الاستقلاليه وهو حق من حقوقها كبشر , فالصعوبات والعوائق تحاصرها من كل جهه في تادية شؤونها , هذ هذا هو الرفق المذكور بالاسلام ام هو عكسه تماما.؟

وش ذا الخرابيط والكلام الفاضي.. وش تحجير للمرأه يعني اجل ليه مطلعه بطاقة احوال هي عبط مسلا ؟

ليه تستغرب الثوم بكره نشريه بموافقه..انا بطباخ التمر الي راح خرب مكيفي و رحت اشتري مكيف ماعطاني راعي المحل وجه يقول خلي وليك ولا محرمك يجي ياخذ المكيف او يدق علينا..مع ان الفلوس بالبوك والسواق برى عند باب المحل؟!وقعدت شهرين بدون مكيف لين تكرم اخوي يجيب المكيف يركبه..الله يرحم الحال بس

مابقى إلا يصدروم قرارات تمنع المرأة (السعودية) من الأكل والشرب إلا بموافقة ولي أمرها... والله إنتهاك للحرياتومنتهى المهزلة إنك تعالج الفلط بغلط أكبر

يا سلام والله اني ارتحت لهذا القرار... ما ادري ليه... بس حسيت ان في شي... اعتقد والله اعلم انها الذكورية التي تربينا عليها... الحمد لله

الله يستر مبابقى الى يحدد المرورالحرمه وش تطبخ في بيتها على الدنياالسلام

ما أقول إلا ارجعوا للقران والسنة اللي اعطو النساء حقوقها كاملة اما انتم فأخذتهم حقوقها خوفا على انفسهم من أن تتفوق عليكم

قرار صائب

اجل ان شاء الله تبون اشتري لها السياره وأسجلها باسمي وأتحمل مخالفات سواقها ومخالفاتي ؟ من بغى الدح ماقال أح.

للخلف در...وسلام على الحريات المدنيه الى يكفلها الشرع / حتى أنتم يالمرور على ها الضعيفات ؟؟؟ عجبى بس

وليش انته تربط المراْة بولي امرها أجل ليش تطلع لها بطاقة أحوال لها ورخصة عمل المفروض المرأة لها مثل مال للرجل من حقوق تسوق وتقضي حاجته برفقة ولي امرها معها او زوجها او اخوها فيه حريم مالهن معيل إلا الله سبحانه وهذا كثير خارج المدن الريسية خلوهن يسوقن ويودين عيالهن ويقضين حاجتهن

ام وليد الله يسامحك فرحتينا عالفاضي

(وإذا الموؤودة سألت بأي ذنب قتلت) تعتددت أشكال وأد المرأة من أهلها قبل أعدائها.. لانعلم من الضحية.. المرأة.. أم ولي الأمر.. أم المجتمع.. أم من وكل الأمر إليه وهو ليس أهل له.. ماذا تعكس هكذا قرارات؟!.. حالة التردي المستمر في وعي المجتمع لأهمية دور المرأة واحترامها وتقدير كرامتها..

إفراز لعضلات القرارات المضحكة !! من الجميل أن بعض الناس يجعل من نفسه أضحوكة بقراراته، فالتاريخ لا زال يحتاج إلى الكثير من المضحكات.. السبب المذكور مضحك.. و غير مقنع

اممم مو مهم المهم نبي نسوق والسواقة للسعوديات فقط والا الشوارع كلها بتصير اجنبيات والسعودية هي الي تقعد بها ههه ياحسرة

المرأة السعودية عاطفية بدرجة غير معقولة وشو اللي يضر المرأة انها ما تمتلك سيارة الا بموافقة وليها انا اجزم ان اللي يصارخون من الحريم هنا ما تملك حتى سيكل ببيتها

مافي في هل البلد الا هل ولد... كل يوم طالع لنا بقرار غريب...من منع الاستيرادالسيارات الي ملكيه السياره الي ساهر... و تراك الاهم هو حل مشاكل الازدحام واسياره المتهالكه والتفحيط وغيرها الكيثر...

الله يعظم أجرك ايتها المرأه السعوديه لك الجنه إن شآءالله مجتمع ذكوري بحت

يانساء استعينوا بالصبر والصلاة

فكنا من شركم عندنا شباب ما يخافون الله وهمج و مجانين، لذلك يا عبدالرحمن المقبل (( عدم سواقه المرأة داخل المملكة العربية السعودية )) نرجو منكم عدم موافقة السواقة البنات، إلي يبون السواقة المرأة لازم تكون عمرها 40 سنة تحياتي للوزارة الداخلية ***

قرار يصب في مصلحة ساهر على حساب حقوق المرأه..

صراحة استغرب التعليقات ولانقد شفته هادف كل الردود تدور حول انه تهميش للمراة.. النظام هدفه واضح وصريح لكي لايتم التلاعب بالخالفات واسقاطها ع المراة وهي لم تقوم بالقياده..بس بنفس الوقت المفروض يكون فيه استثناء لانه ليس كل الاولياء يعولون بناتهم فان ارادت امتلاك سيارة وجعل سائق يخدمها فما الحل !!!

مسكينة المراة كل فشل وتخاذل يحطونه عليها ويتخلصون من كل مشكلة بتقييد حرية وحقوق المراة وعجبي على فشل المرور.

على مااعتقد ان القرار بالدرجة الاولى بصب في مصلحة نظام ساهر ؟؟؟ يعني يا امراة اذا جاتك مخالفة من ساهر سددي على طول وانت يا ولي الامر لابد تحث السيدة على السداد فوراً يعني ما يكفيكم جيوب الرجال حولتم على جيوب النساء الله المستعان

قرار صائب

الاخ ابو ريان العيسى بعد التحيه فيه الف طريقه للمخالفه يجلسون مع بعض الله لايهينهم ويشيلون العنصريه من روسهم ويفكرون ويعصفون باذهانهم ويلقون الف حل وحل غير اذلال المراه بهالطريقه المقيته

بلد غبي ! وقرارات اغبى ! اطالب الامم المتحده والمنظمات الدوليه بالتدخل لرفع الظلم الجائر عن المراه السعوديه التي تعامل معاملة المجنون والسفيه الذي لا يعرف مصلحة نفسه ! ياربي ليش خلقتني سعوديه ! انشري ياجريده الرياض امانه

صراحة اعجز عن التعبير وانا اشوف نفسي وبنات بلدي يضهدو بهذه الصوره السيئه ترى خلاص احنا بننفجر والله اخلاقنا واعصابنا صارت طين من ذا التقفيل علينا احسن شي حطونا بصندوق وارمونا باليم والله ارحم من هذا التجبر والتخلف حسبي الله ونعم الوكيل نبي نعييي

ولي الأمر الي أعرفه إنه في الزواج وفي السفر.. حتى في مكلية الأشياء ولي الأمر!!..يا أمة ضحكت من جهلها الأمم.

نعععم ان المجتمع وتحديداً الفاقدين للثقه من الرجال يخافون من المرأة لذلك يحاولون تحييدها بالغطاء الديني..!؟ من الآخر أشغلتونا بولي هالأمر.. نحن على ابواب 2011 ومازلت العقول هيا هيا..!؟

امام المراه السعوديه حلان لا ثالث لهما اما الهجره او ان جميع النساء تعمل عمليات تغيير جنس فيكون المجتع كله ذكور خلهم يفرحوا بذكورتهم

المرور = جباية بمناسبة الميزانية العامة للدولة السعودية سعادة العميد كم دخل مرور الرياض و كم دخل نظام قاهر قهر الله الظالمين في النار

والله لو الحريم يسوقن ابرك لنا و لهن.. ياخي اللي تبي تسووق خلوها تسوق و اللي اهلها راضين تسووق بعد خلوها تسووق.. ماله داعي تمنع المرأه من القيادة بحجة الخوف عليها.. فهذه الحجة عار من الصحة... بالنسبة لي.. اوؤيد ان المرأه تسووق و بقوة.. لان كثير من النساء يتأخرن عن دواماتهن بسبة اللي يسوق فيها

غباااء غبااء أجل ماله أي داعي بطاقة الأحوال، أقطها بزباله أصرف !! ياليتني مو سعوديه

قرار فى غير محله اذا كانت المراءه قادره ماليا لاداعى لاشتراط وليها والخالفه تثبت على المالك رجل او امراه كفايه منعت من القياده تريدون منعها شراء سياره مسكينه هذه المراه

اعرف وحدة كانت تبي تشتري تاهو 2011 فل كامل يوم قالوا لها مثل هذا الكلام هونت وقالت ماأبي يعني فيها جرجرت وألي وما والي خلي سياراتهم عندهم وندقها مشاوير ولا مقاولة مع سيارات وخلي المرور ينبسط كل ماقلنا هانت زادوا الطين بلة

قرار صائب في نظري والله يوفق المرور ورجاله

والتنفس بعد يحتاج موافقة ولي الامر..

هذا اصدق استفتاء على رفض هذا القرار وهو يتنافى مع حرية المرأه للتصرف بمالها في حدود الانظمه0 على كل حال هذا تصريح ش السيارات ويبقى تصريح المرور عن صحته من عدمها

نعجب من شعب يحكمه العرف لا الدين

كل حرمه مسئوله عن السيارة اللي باسمها وبس يعني كل شي لازم تحطون له نظام سدا لباب الذرائع

انا شارية سيارة باسمي لاخوي علشان ما يتصرف فيها وطبعا شارطه عليه من الاول ان اي مخالفة مرورية يدفعها هو واذا تاخر او تكررت المخالفات مهددته اني رح ابيع السيارة واقوم من وقت للثاني بالتشييك على المخالفات بسجلي المدني من موقع المرور ومن يومها وهو حريص ما يتعدى حتى خط المشاة

معناتة موافقة ضمنية لقيادة السيارة

خساره كنت باخلي اي وحده تشتري سياره باسمها بدون موافقة ولي امرها واستلم الشارع اللي عليه ساهر رايح جاي واحط على ظهرها 200 مخالفة لكن لاسف لازم موافقة ولي امرها علشان لو ما دفعت هي اللي تدفع عالم عجيبة وغريبة

هذا القرار فيه مخالفة صريحة لأمر الله و رسولة. أليست الحرية الإقتصادية حق مطلق للنساء في الإسلام. كيف تشتري بإذن خطي؟! لماذا يصمت "أهل الدين" هنا؟!!

الله لا يوفقك ياصاحب سارق واتمنى تشوف الحرمان والفقر في رتبتك الجديده

قرار سقيم.

حتى بطاقة الأحوال ما تنفع ؟ فرحنا فيها لأنها ستعطينا نوعًا من الاستقلالية لكن مالفائدة منها الآن ؟ متى نثق بقدرة المرأة على رعاية ذاتها وبحرية تصرفها ؟ الواقع طلبتم الموافقة أم لا فالمرأة في مجتمعنا لن تستطيع أن تتصرف إلا بموافقة ولي أمرها فهل أدركتم ذلك ؟

ليش بعد ما يمنعون المراه من الشراء من السوبرماركت الا باذن الرجل بعد

هذا واقع ديننا و علينا اتباعه و سبحان الله

ساهر زي بعض الاتصالات ( هات مافي جيبك غصب عليك )>>>بس بعض الاتصالات تحسب عليك الفواتير حتى وانت ما عندك خط او تتصل عليهم تسأل عن شيء مجرد استفسار يطقونك بالفاتورة يعني يحاسبونك على النية.. اما ساهر على الاقل عنده كاميره يصور بس زودها يوم حط حيله بالحريم..

القرار حتى لا تدخلوا بالإشكالية مع ولي الأمر وتكون حجة لكم وليس لمصلحة المرأة يا إدارة المرور ما الحل إذا امرأة موظفة وغير متزوجة و ولي أمرها ميت ماذا تفعل ؟؟؟ تشترى السيارة باسم السائق او تلجاء الي الأقرباء وتكون السيارة باسمة وملك له القرار يحتاج الي إعادة نظر وبنود توضح وتنشر للكل حتى لا نظلمكم ونظلم القرار

تصريح غبي بمعنى الكلمة روح طبقه على زوجتك وما ملكت يمينك واترك بنات الناس في حالهم منتهى التخلف

المرأة عندنا اصبحت عالمة وحصلت على اعلى الشهادات ونحن مازلنا نعتبره ناقصه ومجنونة وليس لها القدرة على حسن التصرف والي المرأة من هو ولي المرأة البعض من الرجال يحتاج ان يكون له ولي

يارب كل امرا لها اب يموت يارب كل امراه لها زوج يموت يارب كل امراه لها ابن يموت يارب كل امراه لها خال او عم او جد يموت عاد اذا انتهو شوفو بتحطون ولي امر مين اقترح تستعبد لها ولي امر من جنوب افريقيا لان الوضع مسخره هذا استعباد...تخلف...رجعيه...احفرو لها حفره وارموهم تخلصو منهم...قمة بالتخلف والاستعباد

من هي الموؤدة في هذا الزمن ؟؟؟ قذف غير مباشر ! مخلوق غير موثوق ! يعني مع السائق الاجنبي لاينطبق تحت سقف واحد , اه سقف متحرك ,

حاسة يوم بروح البقالة وينطلب مني موافقة ولي الأمر.. ودي أروح الصيدلية أشتري رضاعة.. المرأة بس مطلوب منها التمويل، والسيارة والبيت باسم الرجال.. المرور يبغى يرتاح بطلب إذن ولي الأمر.. أريح من انه يسن قوانين تنظم الأمور.. وهذا في كل تعاملاتنا في هالبلد.. لا عزاء للسيدات في بلادي..

عندي اقتراح واتمنى تطبيقه بالمستقبل العاجل لما له من تحديد النسل وتقليل البطاله وتحديد عدد افراد الاسره عند الجماع بين الزوجين يفرض قيود على الزوج باخذ الموافقه من ابيها في كل جماع واخذ الاذن مسبقا عند الحمل و الولاده وذلك بموافقه خطيه من ابيها لانه ولي الامر الاساسي

اقترح عند ذهاب المراه للسوق او المجمعات التجاريه ان تاخذ موافقه خطيه من ولي الامر وان تكون هناك جهة رسمية لذلك

اقترح عند تحمم المراه او استخدامها لدورة المياه لاي غرض كان ان يكون دخولها بموافقة ولي الامر بشكل رسمي. لانه من الممكن ان يلعب الشيطان عليها مثلكم عارفين ناقصه اهليه وخبلهة ومايعتمد عليها ابغي افهم بس اذا ناقصة اهليه ليش يزوجونها اصلا ويبلشون جيل المستقبل فيها

سبحان الله ليه يعاملون الحرمة في بلادنا وكأنها ناقصة أهلية.. مسكينة المرأة حتى في امتلاك السيارة مهضوم حقها من فترة قريت خبرلا يمكن استقدام خادمات الا بموافقة ولي امرها.. قوانين ما أنزل الله بها من سلطان ؟!!! الاسلام كرم المرأة عطاها حقوقها كاملة ليه يضيق هؤلاء المنغلقين على المرأة...

اقترح عند ارتداء المراه للاحذيه ان تاخذ موافقه ولي الامر بشكل رسمي لما قد تلبس الحذاء بشكل يضر بصحة قدميها

قطر تنضم كأس العالم!!! العالم يتقدم اقلية تفرض أرأها على الجميع

واذا كانت هي اللي بتدفع ثمنها , واذا كان والدها متوفي واخوها الوحيد مشلول شلل رباعي ومحتاجة السيارة اقلها لنقل المريض ما العمل ؟؟؟

ولازالت المرأة تعامل معاملة القاصر والجاهل في بلدي ونحن على أبواب 2011

اقتراح وجيه عند ذهاب المراه للصيدله او للعطارة يجب ان تاخذ موافقه من ولي الامر وعند ذهابها للبحر والكورنيش والسوبر ماركت وعند استخراجها لهاتف وحتى عند شرائها للجريدة او مجله او اي الكترونيات ماهي صارت شغلة ولي امر لاي عاطل ممكن تقول للهندي سواقها هو ولي امرها صارت الشغله علك

اقترح عند لبس المراه لاي خاتم يجب ان تاخذ موافقه ولي امرها واذا لبسته بدون الموافقه يحق للغير عقابها

اعتقد فيه بعض الحالات لازم تستثنى خصوصا عندنا رجال متحجرين مثلاً المعلقه لاهي مطلقه ولاهي حره ووليها زوجها ومحتاجه هالسياره والارمله اللي وليها اخوها ومستقعد لها و امثالهم كثير،، ولكن مااقول الا الله يغيننا بفضله عن من سواه

قرار صائب والكل يتذمر من هذا القرار لان البعض عليهم مخالفات مرورية لم يتم سدادها ويحتاجون السيارات باسم النساء... ولكن الوضع طيب ونرجو الحزم على هذا القرار والبقاء عليه وهذه اوامر صادرة من جهات عليا وليس من المرور وحدة وهناك دراسة لهذا الموضوع وتم تداولة وبحثه وصدرة الموافقه عليه... تحياتي للجميع

إلى المزيد من التخلف والهبل !!! الناس كانت تفكر بقيادة المرأه للسياره وانتم لسه تفكرووون كذا؟؟؟ يا حيف على البطن اللي جابكم

ماأقول الا الله يرحمنا بس. صدق من له حيلة فليحتااال مسكييين الحريم حطوها فى ظهورهم.

الى متى وحقوق المرأه ضايعه صرت اتمنى اني اكون مو سعوديه من الكبت وكلمة وجود محرم ويقووولو المرأه تمارس حقوقها بكل حريه كلام جرايد اما االواقع شي اخر ويبون يصير عندنا روح وطنيه نوووكومنت

طيب واللي ابوها متوفي و ما عندها أخوان اولاد و لا متزوجة , اروح برجولي الشغل مثلا و لا ايش راعوا البنات اللي ظروفهم مو سوا

أعطني سبب منطقي يفسر هالشي يعني كل السالفه عمليه بيع وشراء و اللي بيدفع هو اللي يملك أوعدك ماراح تسوقها أطمن وليش نناقش أصلا هذا يسمى ضلم أحنا النساء غلطانين لو خلينا ناس كذا تتعدى على حقوقنا والله يستر من اللي جاي

هذا بدل متتقدمون تتراجعون ال اللورا لاحول ولا قوة الا بالله وش هل فوبيا من المراة خلاص ياجماعة.المراة السعودية لاتقل عن اي امراة في العالم. امنحوها الثقة وهي جديرة بها. ال متي ونتم اوصيا عليها, حتي السيارة ماتملكها وتقودها عجبي, ادعو معي الله يرد ابو متعب سالم معافي, امين. و

والله العظيم ما قصروا المهم ان ساهر يشتغل اقسم بالله صرت اقف في الاشاره الخضراء خوفا من ساهر الذي لايعرف الرحمه واصبح سيف علي رقبه العباد وياسلام لونسيت ووقت عند نقطه الاشاره التوقف تتصور والصوره ب 500 ريال والله مامسامح في اي فلوس اخذها ساهر المفروض اسمه قاهر حسبنا الله ونعم الوكيل ووين ساهر من الظلم ومن البهدله ونظام الكفاله ونظام مكتب العمي وسرقه الجوالات والشنط مافي ساهر ساهر فقط دخل قومي للاخوه اللي بيقولوا مشوا الاجانب وعلي مين يقص ساهر سيساهم في ميزانيه الدوله بدخل لاباس به علي الاقل الرا

الله يخلف على امهاتكم بس جد جد ترى السالفه مصخت دام البنت طلعت بطاقة احوال خلاص صار امرها بيدها وولي موب مطلع لها بطاقه الا هو مقتنع بهالشي ليش كذا انتم ؟ :( قسم بالله شي يغبن معاد الا نجيب موافقة ولي امر اذا جينا ناخذ غرض من البقاله

قرارت المنع والتحجير تتخذ من اصغر صغير في البلد اما قرارات السماح للمراه فهي تحتاج الى امر ملكي ومجلس شورى وموافقه الشعب كله اين انتم والاسلام اما المتشددون الان فلن تسمع لهم حس ولا خبر بالعكس مباركه

كلام سليم غصب عن خشم الي مو راضي

الى متى سوف تبقى المراءة تحت رحمت السائق الباكستاني وغيرهم ياناسسس الرحمه بهده المراءة

لو سألت زوجة أي رئيس في العالم وقلت لها ودك تسوقين سيارة راح تقول لا أبي واحد يخدمني يسوق بي يا بنات لا تطيرون خلف هالعالم اللي تنادي بقيادة المرأة للسيارة والله من صالحكم لا تتوقعون قيادة المرأة وناسة أو سعة صدر بل بالعكس راح يتكل الرجال عليك في كل طلبات البيت والأولاد وكل شئ شوفوا الدول العربية وش صار فيها والله يشتكون أهلها

نداء لهيئة حقوق الإنسان من امرأة من نساء هذا البلد ممن طُبّق عليهن هذا القرار الظالم المُجحف : انصفونا انصفونا انصفونا من المسئول عن سنّ هذا القرار الخائب ومن نصّب نفسه جابياً لنظام ساهر على حساب إنسانيتنا وحقوقنا كمواطنات كاملات الأهلية وبكامل قواهن العقلية.

خرق حقوق المراة باسم الدين نرفض هذا الامر بشدة

وهل هالقرار له صلة بالشرع؟؟! من قال إن الشرع يحرم إمتلاك المرأة لشيء الا بعد إذن وليها؟؟؟!!!

اضم صوتي لصوت الأخت شيخة اين اهل الدين ؟ لماذا لا يبينون لنا حقوقنا ؟ وهل شراء أو امتلاك سلعة أمر مخالف للشرع ولنا في خير نساء رسولنا صلى الله علية وسلم قدوة.. عجباآ

يالتكم بدل هالتصاريح تطلعون لنا تصريح بالسواقه وتريحوننا وتفكونا منكم والله قهر

ضبط قوانين المرور ونظام المرور واجهزتكم وحواسبكم اللي ما تشتغل وكل شي واتركوا المرأة في حالها. قسم بالله انكم متخلفين الظاهر قبل لا تولد الحرمة وتجيب بنت بيطلع قرار من ولي امرهانطلع البنت والا لا.

وش ذا

ماودكم ايضا تطلبون موافقة الولى على اكل المرأه ؟ وش دخل الولى بمالى اشتري سياره ولا دراجه انتو لوين بتوصلونا كل ماقلنا بنرجع للتعاليم الاسلاميه من ناحيه المرأه جذبتنا افعال الجاهليه

يعني بالعربي الفصيح جداً جداً جداً : "" إذا لم يتم تسديد قيمة المخالفة المسجلة باسم المرأة (يتحول) آلياً للولي، قانونياً: لأنك يا ولي الأمر سبق أن وافقت هذه المرآة للسيارة "" - ولن يتم تبليغ الولي عن تلك المخالفة، ولي الأمر هو الذي سيعرف ذلك عندما تتوقف كل معاملاته الحكومية والتجارية والأمور التي لابد منها (من خلال نظام ربط المعاملات). - والشيء الثاني أن المخالفة قد أخذت وقتها لتتدبل القيمة بكامل حدها. * الله يعيننا *

هذا القرارالصائب والمراة السعودية عايشة احسن من نساء الدول الاخري والي تقول ليش خلقتني سعودية واللي يقول الحكومة ظالمة واللي يقول انظمة تخلف وبنهاجر اقولهم انقلعوا من السعودية انتم واشكالكم هذا النظام رضيتو ولا مارضيتو

الجاهليه الحديثه مهما لف ودار امتلاك المرأه للسياره والمحتاجه للقياده قادم ولا يطول الزمن.كم من الجديد للحياة عارضه الجهل. اللاسلكي الراديو التلفون الدش تعليم المرأه وعملها.المرور جهه ننفيذيه وتريد حفظ حقها وتحمل الزوج وغيره دفع الحق.ومنع المرأه من امتلاك السياره هو تسليم رقبتها لزوج ظالم او وافد تضع السيارة بإسمه لأنها مجبره.اعطوا المرأة المستحقه حقها ومن رضيت بأن تكون من اثاث البيت فالتبقى.

خطوة للوراء...

اذا كان الشرع لايحرم قيادة المراءة فليعلم الجميع بان ايجابيات قيادة المراءه اكثر من السلبيات

من يوم جا المقبل والمرور في تدهور عميق..

قرار مجحف ويميل الى التخلف وتهميش دور المراة ومعاملتها بقاصر ليس بغريب على المجتمع الذكوري وانصح الاخ عبد الرحمن المقبل بتنظيم وتعديل الانظمة المرورية الفاشلة وسمكرة الطرق المتهالكة ووضع انظمة ولوائح لقائدي المراكب ومن ثم التفاخر بأنظمتكم البالية

وش دخل ولي امري بامتلاكي لسيارة مدام انا اللي شاريتها

كلام طيب جداً

هل المرور اصبح مشرع يتدخل في الملكيات التي يحكمها الشرع هل المرور وصي على النساء حتى لا يتملكن المركبات الملكية حق مشروع لكل شخص ولا محاذير من ذلك شرعيه ولكن ان كان لديه خلال في عمله فلا يجعله على النساء اعتقد هذا التصريح تصرف قوي وتدخل واضح في سياسة الدوله تجاه الشعب ودمتم

هذه قمة التكتاتورية والتسلط ونهب أموال الشعب بغير حق وأكبر إهانة لكرامة المرأة السعودية.. أليست حرة بأموالها ؟ أم تريدون الرجل يتسلط على زوجنه بحيث لا يوافق لها إلا بمبلغ وقدره !!! يا ولد المقبل إذا لم تدفع المرأة وقفوا سجلها أو سيارتها وش دخلني أنا إذا زوجتي عندها سيارة بعد تخصمون مني ؟!! الله لا يوفق من أتى بفكرة ساهر وطبقها وعمل بها وأيدها رغم أني ولله الحمد لم أتضرر منهم وأتحداهم لأنني نظامي ولا يهموني

وشاالهدف وشاالحكمه من ذلك ؟ تضييق الخناق على المرأه يعني المرأه مالها حق في تملك شي ؟ عجيب والله ؟

يعني بذمتك النساء السعوديات ناقصين تعقيد الهيئة تطاردهم بحجة الخلوة بالطحينية وقيادة السيارة تركب مع هندي او باكستاني او تكروني ولا تسوق ولا تلمس الدركسون وتسافر بمحرم وتعطس وتعترض وتلعب باصرة بمحرم يا عالم اصحوا سبب تخلفنا هو محاربتنا لنساءنا

هذي سياسة حكومية الزيادة بالراتب ترجع للحكومة عن طريق الامن العام نظام ساهر. العصا والجزرة.

الارملة وش تسوي، لازم يوافق ولدها !!! تخلف

تخلللف ورجوع للخلف، واللي ما عندها ولي امر؟ وهل نعالج مشكله نخترعها بمشكله نسببها للأخرين؟ كيف نتعلم ان نعالج مشكله بدون أن نخلق مشكله أخرى؟

وش هي مسوغات القرار؟!!!؟؟؟ والا هي إحدى تداعيات نظام ساهر المتهالك؟

قرار زي وجيهكم مااالت عقول متحجره مدري متى تواكب التطور الحرمه كأنها ولا شي عندهم يصدرون قرارات على كيفهم اتحدى اذا ماخذين راي (امرأه) بالموضوع لو وحده ابيهم يشوفون الظلم اللي قاعد يصير من بعض الأولياء و(لهم) < اخذ مصروف بناتهم.. حسبي الله ونعم الوكيل

قرار فاشل هذا انتم اذا بتحطون قرارت للمراء حدكم كذاا الله يعينا بس ليتها على كذا الله يستر ليحطون ساهر قدام بيوتنا ويقولون اذا طلعت المراء مخالفه يمكن يصير *÷*

هذا القرار فيه مخالفه صريحه لحقوق المرأه , أتساءل متى سوف تضعون قرار لآستنشاق الهواء!! هل أستنشق بوجود المحرم؟؟ واذا لم يتواجد المحرم هل أستدعي اخي الرضيع لي يسمح لي بأستنشاق الهواء النقي!! شر البلية مايضحك ~~ أهل العقول في راحة~~

حسبنا الله ونعم الوكيل ! إلى متى هذا القمع والتنكيل بكل حقوقنا كسعوديات ! ألسنا بشرا حالنا كحال نساء العالم أجمعين ! ماذا سيحصل مثلا لو أمتلكت المرأه سيارة بإسمها حتى وإن كان يحرم عليها في عرفنا قيادتها ! نحن مستضعفات ومقموعات وحقوقنا الطبيعية مهضومة ,, أقسم بالله أرأف لحالنا.. حسبي الله على كل من يصدر قرارات بهذه الشاكلة ,, هل يخيل إليكم أن كل ولي أمر هو ولي مثالي يراعي بناته ورعيته ,, كان الله في عون الأرامل والمطلقات وحسبي الله على كل ظالم.. جزانا الله جنة الفردوس لصبرنا على تخلفكم !

شركة ساهر للإستثمار النشاط : فقر المواطنين - الاستغفال- التللص في العواير

عظم الله اجركم يالمرور الحين تعر فون ان السيارة باسم المراة

كلام...سليم...ويكون أكثر سليم أذا سمح لها باالقيادة وتتحمل هي مسؤلية نفسها...

في دبي توجد فروع عديدة للمرور حتى في بعض محطات الوقود ؛ وخلال دقائق معدودة يمكنك إنهاء الفحص الفني ؛والتأمين وتجديد الاستمارة كل هذا في مكان واحد وفي زمن قياسي أهدي هذه الملاحظة للإخوة في المرور لدينا ! مع تحياتي.

كلام سليم ويكون أكثر سليم...اذسمح لها باالقيادة وتتحمل مسؤلية نفسها...

حسبي الله ونعم الوكيل قرار فاشل لماذا يتعاملون مع النساء على أنهم قاصرات إلى الأبد؟؟؟

حتى لايعترض على مخالفات ساهر!

هذا (تمييز ) رسمي ضد المرأة وهو يخالف ما وقعت عليه الدولة برفع كل أشكال التمييز ضد المرأة. وقبل ذلك هذا مناقض للحقوق الشرعية للمرأة والرجل على السواء ولحقوق الإنسان. أين جمعية وهيئة حقوق الإنسان من أنتهاك رسمي يحدث أمامهما وبشكل معلن ؟!

هذا نوع من العبودية للمرأة بكل صراحة للأسف...امرأة عاقلة بالغة متعلمة تسوا 100 رجال...يضعونها تحت وصاية رجال...ماهذا؟

تستاهل المراءه كل علمن طيب

هذا يوضح جليا أن بعض القطاعات الأمنية تتحرك - للخلف - الأحوال المدنية تأخر اصدار البطاقة إلى - أسبوعين - و من الرياض (فقط) في حركة - تخلفية - لا مثيل لها وهذا المرور يعود لعام 1990 و ربما يطمح لعقلية 1970 مستقبلا أكاد أجزم - بالمليون - أن القرار ارتجالي بحححت و كردة فعل على حادثة - واحدة - حصلت في مرور الرياض. لم يفكر - المقبل - و لا من معه خلال اصدار هذا القرار ب المطلقات و الأرامل و المعلقات و المهجورات و آلاف من السعوديات ممن يعيق مثل هذا القرار (حياتهن)

المراة ماهي مواطنه ماهي انسانة مالها كرامة ابدااا الى متى عيشة الضيق الى متى نصبر نحنا على ان نكون مملوكات مالنا اي حق اذا لم يوافق عليه ولي الامر

اذا جاء الحساب سأمسك بيدي صاحب القرار السياسي واشكوه الى الله من ظلمه وجوره لكن نحن النساء ظلمنا من قبل ولازال يمارس ضدنا كل انواع الظلم

قمة التخلف

ياويلي وش هالتخلف والله ما ألوم الغرب لما يستهزوا بنا الظاهر بعدين بيلزمون عزرائيل وهو ينزع روح البنات السعوديات يأخذ ترخيص من ولي امرها...

كان الكثير من السعوديات ينتظرنا السماح بالقيادة والان حتي سيارة باسمها ممنوع كومار وجوزيف و خان مسمح لهم ولكن المرأة ممنوع بالمليار الإ بموافقه ولي أمرها ولو كانت مليونيرة كل هذا من أجل خاطر العادات والذكور ولزيادة جرعه الظلم والانتقاص من المرأة أين الاسلام والاتفاقيات الدولية؟!

أحلى شيء يامروور

ياويلي وش هالتخلف والله ما ألوم الغرب لما يستهزوا بنا الظاهر بعدين بيلزمون عزرائيل وهو ينزع روح البنات السعوديات يأخذ ترخيص من ولي امرها...

اعطوهم فرصه وثقه اكبر واعتقد سيكون هناك ثبات وعزيمه اقوى للنجاح واعطوهم يتحملون قليل عن كاهل الرجل لكن المشكله الحقيقيه للموظفات هو عدم وجود مواقف سيارات كافيه في جميع المنشاءات سواء الحكوميه او القطاع الخاص مثل البنوك او المستشفيات او الشركات

ذل × عبودية يا مساكين الله يرحم حالنا ويلعبون علينا ويقولون كل حريم العالم يغبطونكم ايه هين الحرمة بدون رجال فيذا يعني { موت بطيء } تدرون ليه طلعت هالقرارات وأشكالها لأننا مستسلمين للرجال ومخلين الوظايف لهم المفروض نداحمهم في كل وزارة وما يطلع أي قرار الا بعد موافقتنا الله يرحم ضعفنا

لا اوافق على القرار وارجوا اعادة النظر ياسعادة العميد اين موافقى مجلس الشورى على اتخاذ مثل هذا القرارات اتمنى باي قرار ان يعرض على الموافقة ونحن لا نمانع من قرار مجلس الشورى باموافقة او المنع واتمنى من عرض الموضوع على الجمهور والاخذ بالتصويت الذي يمنعنى من هذا القرار اسباب اذكر بعضها : الايتام - الارامل - العجزه...

المكابرة على الغلط والاعتراف بالخطأ فضيلة الى متى هالمهازل نشوفها في ديرتنا. ياخي علاج الغلط افضل من اللف والدوران سخافة

هاااو وش ذا الحكي الله يحلل قراقوش عندكم انا بشتري ناقه واحط هودج واترك السواق يسوقها ويازيني وانا بالهودج في طريق الملك فهد رايحه لعملي ههه ههه ههه

اجل وش فايدة بطاقة الاحوال ديكور!! قال ولي امرقال ,,,

ولي أمر , ولي أمر , ولي أمر , ولي أمر.. المفروض الوحدة ما تحلم في نومها إلا بموافقة ولي الأمر !!! و ربي أن (ولي الأمر ) هذا يبغاله أصلاً ولي أمر عشان يعدل أموره و أخلاقه.. يا رب يا سميع يا عليم متى تمن علي و تخرجني من هالبلد !!

كثير من التعليقات غير موضوعية، مو شرط ان المرأة تسوق بنفسها اذا امتلكت مركبه. الي ابي اقوله شوفو الأجانب، وتعضو من تجاربهم،تطبلون علي حرية المرأة وكأن المرأة مظلومة عندنا، وهم يتمنون العيشه الي انتم فيها، فيه ظروف معينه طارئة يمكن يسمح للمرأة القيادة فيها بس مو بالطريقة الي يبيها البعض.

بس باقي يقولونان اكل الفطور والغدا والعشاء بموافقة ولي الأمر لكن ما نقول الا اللهم اخرجنا من هذه البلد الظالم اهلها

يعني معاد اشوف المعارض فيها حريم..هم اصلاً يبون يحجرونا كالمرضى بالبيوت

المطاوعة يرفضون تطبيق انظمة وزارة الداخلية حتى في المحاكم وكتابة العدل لا تقبل البطاقة ويجب احضار شهود للمرأة كيف ترفض بطاقة صدرت من وزارة الداخلية؟؟

إلى متى يحكم على المرأة بعدم الأقدرة على تحمل المسؤوليه، من أصلاً اوصلها إلى هذا لإ أحتقار قدراتها،لإ مثل هذه الأقرارات التى تساعد الرجل في تكملة مابداه من أطهاد لها،كيف تصبح المرأة مشاركة ووطنية وتربي أولاده على المسؤولية،أذا هي مقيدة في جميع أومور حيتها،كيف يتعلم الأجيال من أمهم معنى الحياة.

للأسف ما زلنا في سياسة القطيع الله يحفظ حكومتنا ويخلي خادم الحرمين لايستعبدونا ها البشر...ويقولوا حالنا افضل لا والله قمع في قمع...محنا قولنا مجتمع دينه عادات وتقاليد!!!؟

علشان كذا ماقصيت بطاقة خاصة فيني. مالها أي فائدة حتى البنك يشترط بطاقة العائلة أحس أن الهدف بس تسكيت أمريكا. علشان يقولون المرأة عندنا...

أصلاً من جالس يصرف على أغلب الرجال اليست المرأة، وهذا التعسف في تقيد حرية المرأة هو من أهم أسباب العنوسه بين البنات، على كل حال، الله كريم، أذا صدر نظام عام على الجميع يتحمل كل واحد مسؤلية أخطائه فأن الأمور ستكون بخير،وبعكس المرأة أكثر إنضباط من الرجل فهي تتلزم بالنظام العام، حسبنا الله.

ياويلكم من الله وش ذنبنا تحرمونا من السواقه وبعد من امتلاك سياره انا والله ماطلع من بيتي اطلب ولا احد يوديني اجلس شهور واذا وافق وداني قعد يهاوش طول المشوار وينافخ ولا اقظي شغلي وارجع ودموعي على خدي بس وش اقول ظلم رجال منهم للهٍ اليتم اقشرحسبي الله عليكم

بصراحة خطوات للوراء !! المفروض ان يتم السماح للمرأة بقيادة السيارة بدلا عن اهدار حقها في امتلاك السيارة !! واذا صدرت مخالفة على سيارة باسم امرأة فيجب ان تتحملها المرأة كما في حالة الرجل ولايمكن تبرير الغاء هذا الحق بقرار خاطئ!! يعني عذر اقبح من ذنب!! متى نتحرر من هذا التخلف؟!

أوووه هي على السيارة جات... أبشركم لما جيت أطلع شريحة جوال ثابت من شركة للإتصالات قبل سنة تقريباً (عشان محد يقول هذاك أول) قالوا لي على طووول وين المعرف (المحرم)... قمة المسخرة في هذا البلد الذي يتشدق مسؤلوه أنهم كفلو حرية وحق وكرامة المرأة في العيش !!!

كلكم راع وكلن مسؤل عن رعيته

ما يصح الا الصحيح و يا ليت ينظرون الى الفتيات الاتي يذهبن للإبتعاث من دون ولي الامر

قمة الظلم انه اجيب لي سياره باسمي وماسوقها واذا خالف اللي يسوقها انا ادفع ولا ولي امري يدفع ليه مو الي يسوق هو الي يدفع من الاساس لاوبعد قالوا بطاقة احوال مال امها داعي وتدرون بعد ماله داعي ادرس واتعلم دامني لازلت اعامل ع اني طفل لايفقه شيئا وقمة الظلم انه في حالة عدم وجود زوج او ب او باقي الذكور وفيه لي يصير هو ولي امري من جد مادخلت مزاجي ذي قمة الظلم قمة الظلم الي تسويه يالمقبل وحسبي الله ونعم الوكيل الى الله المشتكى انا قررت اهاجر يووه نسيت لازم ولي امر بعد نموت احسن استغفرالله

.. يدوروون شيء ماضاع لهم ( بدال مانتقدم نرجع 100 خطوه للوراء )

رسالة للاخت العزيزة شذى. بعون الله وبجهود المسؤلين في هذه البلاد التي تولي جل اهتمامها بالمرءه والعائلة والحفاظ على الاسرة من التفكك ان لا نرى المرءه تقود السيارة في تلك البلاد التي تحكم بشرع الله.

مجتمع ذكوري لاغرابه ننتظر القرارات القادمه إحضار ولي الأمر عند شراء الملابس!!

ماهو السبب هل الخوف على المرأة أم عدم ثقتنا بالمرأة المسلمة التي تحمل سلاح العفة والشرف والاسلام في باقي الدول يكن كل الاحترام للمرأة وهي ليست بالاخت أو القريبة نطالب هذا المجتمع كافة بالوعي السليم وعدم الضعف أمام الشيطان و في عصر حبيبنا محمد صلى الله عليه وسلم خير معلم للأنسانية ودمتم.

ذبحتووونا بولي الامر الفلوس فلوسها التعب تعبها الشور شورها وووش دخل ولي الامر من جد ضحكتو الدول المجاوره ياصبر المراءه السعوديه باذن الله تدخل الجنه من شافته من الظلم والله قهر الناس تضحك علينا بعض اوليا الامور ظالمين يعني تروح فيها الحرمه لاحول ولا قوة الا بالله انا ناويه اشتري عصفور بموافقة وليي

الرياض ناقصة زحمة... اعتقد لو سمحوا للنساء بقياده السيارة , بيكون فية مفحطات في كل حي ,,, انا رائي خلونا علي وضعنا احسن لان قرار قيادة المراءة لسيارة سلبياتة اكثر من ايجابياته ,,, واذا تمت الموافقة الله يكون في عون الشرطة والمرور لان المشاكل راح تكون مظاعفة ومركبة بكل ماتحملة الكلمة.

راح يجي يوم ما ناكل الا بولي أمر...حسبي الله و نعم الوكيل

انا تحملت زحمة الرياض بدون نساء ابي ااحملها بنساء اتوقع مايمشي الشارع!!!

كلام سليم 100%

صراحة لازم المرأة تثور على هذا الوضع،أيش التخلف هذا طبيبة ودكتورة في الجامعة وتعامل كقاصر، لازم موافقة ولي الأمر على أنها تشتري سيارة و تستقدم سواق ويطلع فيه ألف علة وتشوف الموت معه عشرين مرة الى أن يتعلم لكن ما تسوق سيارتها بنفسها، والمشكلة أنه مافيه نقل عام تستخدمه، طيب ليش سمحتولها بالعمل

يارجال كيف الحآل المرور ماعنده اداره سياسيه كل قرارته عشوائيه تصب لمصلحته النظام الدولي المتعارف عليه ليس موجود عندنا الموجود طغيان مالي ومادي وربما قرار قياده المراه اكبر من كونه اعتراض ديني

يارب استرنا يامولاي يارب اخمد الفتنه في مهدها يا ارحم الراحمين امين

ما احكي غير اه اه اه اه يا القهر اناس وصلت القمر وأحنا نقول المرأة تسوق ولا لأ

أنا بالفعل مسرور من القرار وبصراحة نتمنا المراءة تسوق ونفتك من الخدم مسكينة المراءة كل شئ ضدها لاتنسون القيادة بدول القريبة بشروط ونحن لانمانع بشروط عندما تسوق المراءة تجيب ورعانها وتروح لسوق وتتمشا بعيالة وبعدين كل حريمنا عاقلات أحسنو الظن بهم ويستاهلن كل خير الله لايحرمنا منهن وسعو صدوركم

بس بلا كلام خلاص نبي نسوق كفاية ظلم ويين حقوق الانسان عنكم

المرور خله يضبط اموره ثم ينظر للمرآه عشوائية ولاإنضباطية والدنيا سايبة معك واسطة تمشي بعدين مرورنا ليس لها مثيل بالعالم في الفشل الله يعين بس من ردىء إلى اردىء

قرار عادي لإن المرأة السعوديه كائن بلاحقوق ولأكرامه ولا انسانيه وولي أمرها هو المتحكم وأن كان ظالم أو غير سوي يكفي انه رجال عشان لا تشتري لاسيارة ولا سيكل الإ بعد إذنه طال عمره أقصد الله يأخذ عمره حسبي الله عليهم ظلمه

اللي يقول تخلف و اللي يقول ما فيه. سياسه في المرور.. شمر عن ساعديك وورنا وش بتسوي.. اذا ساهر مسك سيارة باسم حرمة يقولون كيف و الحرمة ما تسوق و ياخذونها ذريعة... شكراً رجال المرور من القلب

ههه الله ليش زعلانين؟ عااادي مافيها شئ المقيم تفكيره مثل تفكيركم ما بقي الا المويه بعد ما ينشرب الا باذن الكفيل واللا السالفه تجي عليك بس ما تجي علي!!... لكن مقبوله دام الجهل والعنصريه موجوده. ابتسم فأنت في بلد... ايش؟ نسيت اللي بعده.

الحمد لله على النعمه قالوا يسوقون والله مهزله اخر العمر السعوديه اللهم ياساتر والله مصيبه قويه الله المستعان تاثير الغرب له دووور

ما اقول الا حسبي الله ونعم الوكيل واغني مع محمد عبده واردد كل ماقلت هانت جد علم جديد وىاليل مااطولك ىاليل

هذا افضل قرار من المروور لان البنااات ينغشون من المحبين ويخذون سيارات ويبعونها لعيون حبايبهم واخرها تقعد البنت تقصد لين يطيح راسها

تخلف جداً يبغون البنت ما تملك ولا تتحرك حركة إلا بأشارة ولي أمرها الله إذا كان ولي أمرها أخو أقشر ولا زوج في قمة نذالها مايكفي تحطيم وأخذ مالها بعد تتحكمون في أموالها وش تشتري وش لا ما نقول حسبي الله ونعم وكيل؟؟؟

طيب ينفع أشتريها من خارج المملكه؟؟؟ وأكسب التجار هناك!!!

نعم هذا الصحيح.

نجحت في قيادة شركه ولم تنجح في قيادة سيارة = عجب عجاب

بصراحة لم افهم هذا القرار..مثل بعض الانظمة التي لن تكون واضحة وفهومة الا باللائحة التنفيدية التفصيلية...كل الذي فهمته ان بنت حواء مظلومة..حتى اشعار آخر

كرهتونا بقولة ولي امر استاجر مانستاجر باسامينا بعد مانشتري باسامينا قل امين يادحيم اسال الله ماتقعد على الكرسي غير ماقعدت تعرف وش معنى تعقدنا يوم تعقدت من الحريم يا دليم

يوافق لما يكن المال ماله لكن لما يكون مالها اسمحوا لي !!! خلط الاوراق بهذا الشكل صار ماااسخ !!!

للاسف مهما تقدم العالم نحنا محلك سر معظم الدوائر الحكوميه تعامل المراءه وكانها شي نكر لا صفه له اش يعني في كل حاجه جيبي موافقه من ولي امرك برغم انا المرءه وصلت لمناصب عديده الي ان مجتمع الرجال يعتبرها شي مالو قيمه طب اصدرت قرار بعدم امتلاك سياره الا باذن محرم طب والمخالفات اللي بتحطوها علي الاطفال

ساهر اضحك الصوره تطلع حلوه

تعليق132/ ليش ما تكون المخالفة على السائق مهوب على مالك السيارة سواء كان المالك للسيارة حرمة او رجال وهذا هو الاسلم والصحيح. تعليق 288 /ياويلكم من الله وش ذنبنا تحرمونا من السواقه وبعد من امتلاك سياره انا والله ماطلع من بيتي اطلب ولا احد يوديني اجلس شهور واذا وافق وداني قعد يهاوش طول المشوار وينافخ ولا اقظي شغلي وارجع ودموعي على خدي بس وش اقول ظلم رجال منهم للهٍ اليتم اقشرحسبي الله عليكم *303لازم موافقة ولي الأمر و تستقدم سواق ويطلع فيه ألف علة وتشوف الموت معه عشرين مرة الى الى أن يتعلم مافيه ن

السلام عليكم بصراحة بما أني بنت رافضة فكرة السواقة لانها خطر ع النساء عموما ومايحتاج توضيح الشباب فيهم الخير مايقصرون الافضل تبقى المراة في بيتها والي تبية راح يجيها والي معاندة وتبي تسوق الله يعينها محبتكم :غرور

ياساهرينبغي أن تكون المخالفات على السرعة وقطع الإشارة فقط و ب200 ريال ارفقوا بالشباب ما لكم غيره ووفروا للنساء نقل جماعي خاص بهن مدرسة /مستشفى السبب بالازدحام المروري للسيارات هو توصيل النساء اسمحو بالنقل الجماعي للنساء صباحا ومساء وسوف يخف ازدحام السيارات. وان شاء الله يسمح بعمل المرأة بالمحلات النسائية وتجد البائعة وسيلة نقل تقلها وبعدين شوفوا الوضع هل خفت زحمة السيارات ام لا يجب أن يكون هناك بديلا ايجابيا تفرح المواطنة بهِ وتمنع من شراء سيارة بولي اوبأسمها لوجود البديل مع وجود السائق الخاص..

هل قال الرسول : علموا أبناءكم السباحة والرماية وركوب الخيل أم قال علموا فقط اولادكم , وأما بناتكم فلا ؟؟؟ تخلف تخلف تخلف تخلف تخلف تخلف

قرار فاشل من ادارة فاشلة

من جد قمة التخلف خلاص المره الي تجي بيكون القرار لا تتوضف المره الا بموافقت ولي الامر حاله الله لا يبلانا

طيب سؤال, واللي ماعندها ولي!!! تعيش ع التكاسي, ماتسوق طيب بس بدون سيارة وسواق بعد وكله من اجل ساهر

حطوا القرار بسبب انه تكون السياره باسم بنت وتجي المخالفه باسم البنت والبنت راح تحتج وماراح تسدد وولي امرها ماراح يسدد راح يتعذر بانها طلعت السياره بدون اذن منه وهو صادق لكن لو كل بنت تسدد قيمة المخالفه وتكون قد السياره اللي اشترتها باسمها وتعطيها السواق ويخالف وفي الاخير تبي الزوج يسدد لا خطاء

الموؤدة... رجعنا الي عصرالجاهليه !!!

انا في حيره مدري وش اقول

غير صحيح لأن النظام يسمح لكل شخص لديه هوية بتملك السيارة والمخالفات على رقم الهوية

انا أسوق السياره من سنوات ولكن أفضل السائق على أن أسوق أن السياقه فيها مخاطر إحذروا