*كيف رأيت يامعوكس مستوى الاهلي في الاونة الاخيرة، اعتقد انه اقترب من الدوري بس مشكلتنا "قمة الغربية"؟

عبد الرحمن باوزير جدة

  • ومن وين يجيبيون له في كل مباراة هلال!

  • طمئنا يامعوكس عن احوال الشباب.. عسى الكأس فاله؟

فواز الحميد – بريدة

-الكأس فاله إذا ضبطوا الأمور عيال عطيف

*استاذ معوكس

*ليش استقال حاتم خيمي ثم تراجع صراحة اني خفت تهوي الأسهم الى مستوى متدنٍ للغاية؟

حامد السويهري – مكة المكرمة

  • تهوي الاسهم وتتأجل الامتحانات!

  • قاهر العذال ومعوكسهم ألف تحية هالحين عندهم نموذجين ابوثمانين وأبو خمسين يختارون اللي يعجبهم او يحمدون؟ أقول يحمدون ربهم ولا يتعودونها؟

    اخوك لملوم الرياض

-وهقهم "الكحلي" وطقها نحشه!

*السيد معوكس صباح الياسمين عندنا في الحي أستوديو تحليلي يضم عشرين مشجعا واتفقنا على أن الدوري لفريق من العاصمة أحد ألوانه أحمر؟

عبدالله المطيري- ابونايف _ عاشق حي المصيف

-هذا اكيد جنب الجسر المعلق!

  • أبو العواكيس ألا تعتقد أن الحارس خالد شراحيلي (دعيع) جديد للكرة السعودية على الرغم الأخطاء اللي صارت قدام الأهلي؟

    محمد الحجي- الرياض

-أهم شيء لايصير الدوسري مرشدي جديد!

*عزيزي معوكس اسمع مقولة إن الهلال صاحب النفس القصير في المشاركات الخارجية؟

أخوك المشجع النصراوي لافي صالح العنزي

  • ولا نفس فريقك طول طريق مكة في البطولات المحلية!

*هل ستكلف نفسك يامعوكس لكتابة التاريخ الرياضي بحكم انك انسان كبير في العمر وعاصرت الكثير من الاحداث؟

خالد النعيمي- الدمام

-عقب المؤرخ اللي مابقى إلا يقول خذوني للجنه أقول الله يرحم التاريخ اللي صار يلعبه كل من هب ودب!

  • العزيز معوكس وش رأيك بالمذيع اللي بس يدرعم وراء رئيس والعضو الشرفي في ناديه هل تظن انه سيسطع ب"شمس" الحقيقة في برنامجه الذي تميز بالصراخ!

نواف المحتمي- الطائف

-الصراخ اللي كنه حراج الرخوم!


المرشدي

*الأستاذ معوكس أشوف بعض الناس هالايام خاضه بطنه من ظهور بعض الإحصاءات وش السالفة يمكن عنده شيء؟

خميس البلوي- تبوك

-السالفة عند الامين "أبو طبلة" وصديقه "الكحلي"!

*متى تشرفنا بزيارتك في حفر الباطن، رايح نعد لك برنامجا حافلا بالفقرات المميزة التي تليق بمقامك ايها الكبير؟

سالم المويهر- حفر الباطن

-وفروا البرنامج الحافل لاحتفال بعض الناس أكيد يحتاجونه في روتانا زمان!

*آه عليك يامعوكس لو تروح تستغل ذكاك وتبيع بسوق الزل يمكن تصير رجل أعمال بارع وتصير هامور ؟

سعد الروقي – البجادية

-هاليومين يمدحون القصابة والحواشي!

*انصح بعض الناس يا معوكس أن لا يتحارشوا مع الأمين الكحلي لأن الحرارة لديه "H" يعني ممكن ينفجر في أي لحظة؟

كريّم الناوي – بقعاء

  • لا وبتنفقع مرارته مع وصول أميل بلاتر!

*الواعي جدا معوكس ليش اختار بعض الناس برامج معينة لظهورهم المخجل، هل ذلك للقاسم المشترك في ميوله مع المعد، ام لتبرئة موقفه ام ماذا؟

صديقك-عبدالرحمن الضويان-العليا

-القاسم المشترك في الهبال!

*يقولون انك متهم ياعكوسي بإحصائية "سعيد اخو مبارك" وانك ضلع رئيسي بما حدث فياويلك من نيران التاريخ التي لا ترحم؟

عبد الملك المرشد- عرقة؟

-شكلها نيران صديقة من "الكحلي" أخو بلاتر!

*لماذا الهجوم يامعوكس على المشرف العام على فريق الاتحاد وهل تبدلت القناعة ام ان الدعوى حسب الموقف؟

ابراهيم سالم القحطاني- العزيزية

شريطي سيارات غرقانة

-حسب الرش لفرقة زقزوق وظريفة!

*من برأيك يامعوكس سيسبق الآخر الى الممتاز الطائي ام الجبلين ام اللواء؟

فهد الزميلي- حائل

-أما الى الممتاز كثر منها حدهم مع الغوطة في موقق!

*هل تظن يامعوكس ان المهنا سيستمر في لجنة الحكام حتى نهاية الموسم؟

بدر البشتة- استراحة اليرموك

  • اتوقع ينقلونه للجنة الاحصاء !

-