الصندوق العقاري يعلن اقترابه من توقيع اتفاقية القرض المعجل مع البنوك المحلية

1

اللهم عجل به ياكريم ملينا من الظلم في المسكن

2

يا ناس ياعالم والله انكم ماتبون تحلونها قسم بالله كلها فقرات بسيطه وكل السعوديه ساكنه وهي 1-بلا وحدات بلا هم كل مواطن بجيب له بيت بمبلغ وقدره ويحدد بسعر معقول من الوزاره ويسكن ويقصد بلمعقول بعد الكشف من لجنة تقيم العقار -2-رسوم على الاراضي الخام-3-او ارهن العقار ياصندوق التنميه ان كانك معزم تذل النا

3

كلام جميل وحلو بس ياليت يكون منطقي ويصير بدل عشر سنوات
يصبح 15 سنه وهذا لا يناسب الكل فيصبح الانسان مخير بين 15 _20 سنه ويحدده راتبه لكي يستطيع الايفاء والالتزام بالسداد الى انتهاء القرض.لا احد يريد ديون عليه بس لايريد ان ينضغط وخصوصا قسط 4166 ريال كبير لمدة عشر سنوات
فياليت يكون مرونه وخيارات وشكر

4

يالليل مااطولك...ع مين تلعبها...ماعندك دين ماعندك رحمه يااخي رح للشمال المملكه الناس ساكنه بصنادق والدرجه تحت الصفر

5

شي ممتاز يخفف ارقام الانتظار.. ننتظر الموافقه والتنفيذ

6

أخيراً ؟؟
المفروض كل واحد لم يسبق أن بنى أو امتلك بيت يعطونه قرض فوري عن طريق الصندوق او البنوك ثم يسددلهم الصندوق، طالما انه سعودي

7

طيب حلو اخوي سعد ياليت انك تسئال المسئولين عن الصندوق ماهي الية منح القرض ما بين وقت وقت نسمع اخبار لكن للاسف اغلبها مبهمه ياليت التوضيح

8

وش الفائدة اسدد شهرياً 4166 ريال وغيري يسدد 1000 ريال وكلها فالاخير زي بعض بدون فائدة ,, واذا على سرعة نزول القرض مافرقت معنا صبرنا سنين عجاف مانصبر سنتين ثلاث , نبي حلول لمشكلة اسعار الاراضي نبي شئ عالواقع مهوب كلام على ورق

9

المبالغ تضخ بالمليارات على الصندوق العقاري ** ماداعي تأخير تسليم المقترض قرضه سنوات ينتظر ** 7 سنوات منتظر القرض لابان أبيض ولا أسود ** من المستفيد تأخير تسليم القروض ؟؟؟

10

اكيد عام 1499 !!

11

مو هذي الارقام حرام 2مليون مواطن لايملك بيت وجالسين نشوف مليارات في مشاريع مالها فائدة للمواطن
لو ان كل مواطن يمتلك بيت بالراحه وعطيتوه بعد استراحه جنب بيته كان قدر يعطيكم عطاء بلاحدود لكن ماريحتووه متلحط بين قروض وديون وفوائد واقتطاع رواتب واخر الشهر عايش على حليب سعوديه ابو ريالين ونص بعد

12

ليه عن طريق البنوك. الصندوق فاضى وين العشره مليار اللى امر فيها ابو متعب والا راحت مصاريف نثريه.

13

بس ياليت نعرف كيف الية وشروط القرض المعجل وتوضحون للناس عشان مايتوهقون

14

الحين 90% من المتقدمين مقترضين من البنوك واللي متأخر والليفي البلاك لست والبنك راح يماطل ويصدر شروط تعجيزيه علشان يضمن سداد مديونات المقترضين وراح يخم نصها وبخلي الواحد يقترض منه غير الببنك العقاري وردد يالليل مطولك من دين في دين 0اقولكم احنا مكتوب علينا الشقاء ونموت مديونين وسلامتكم

15

الله يسهل الامور والله ذبحتنا الاجارات صاري سنين وانا ساكن في اجارات متى متى الصيف جاء والشتاء جاء والله تعبان ياناس من السكن ومشاكله عجلو علينا العمر راح وحنا مسكنا بيوت ملك @@@

16

بس بمجرد شر هذا الخبر عبر الصحف سوف يرتفع العقار.. ما فائدة هذه القروض وسط هذه المبالغة في أسعر العقارات...

17

لا سلمنا ولا غدا الشررر،،،

18

مع الأسف نحن نأخذ قروض و أهلنا في دول الخليج يتملكون هبة من الدولة
هم يستلمون على المفتاح ونحن نستدين
خمسمائة ألف ما تبني بيت وما تجيب أرض
حسبي الله ونعم الوكيل

19

1. 500 الف لا توفر بيت ولا حتي في البر
2. 500 الف لمدة 10 سنوات يعني القسط الشهري = 4166.6
بالاضافة الي قسط القرض العقاري من البنك المحلي لتوفير منزل مساحتة 250 متر بمبلغ مليون و 200 الف = 3150 شهريا الاجمالي = 7316 شهريا
الخلاصة ان اللي راتبة من 10 الى 30 الف لا يستطيع توفير منزل

20

بمعنى ان يكون دخلك الشهرى 14200 ريال حتى تستطيع ان تدفع 4200 ريال كقسط شهرى لمدة 10 سنوات... والسؤال المطروح الا يوجد حلول اخرى لاانهاء هذا الكابوس المزعج ؟؟

21

أعوذ بالله!!
طابت النفس منكم، اخلصوا علينا الله يخلص على ابليسكم.

22

جزاكم الله خير واتمنى ان القرار ان يطيق على الجميع المتقدمين المواطنين وعدم التفرقه والمفاضله مهما كانت الأسباب واتمنى ان البنوك لاتأخذ فايده وان الحكومه هي التي تدفع الفوائد والله ان المواطنين محتاجين لمثل هذه القرارات الحاسمه باقي الغاء شرط امتلاك العقار او الأرض للذي اسمه جاهز في الصندوق 05****

23

لاحول ولا قوة الا بالله

24

السلام عليكم
يا اخوان خطوه ناجحه ومره طيبه ومن لم يرضا عنها من المواطنين ينضر لو انها كانت من البنوك سوف يأخدو ارباح ميئه بل ميئه.
الدوله جهودها مره طيبه لكن يجب ان نساعدها في ارائينا
وندكرهم في مشكلة الاراضي في الرياض وجده والشرقيه اسعارهى غير معغوله
يجب تخطيط المناطق الغريبه من البلدوتوزيعهى.

25

والله من الخرطي الانكم غييير صادقين

26

يعني القسط الشهري = 4166 ريال
يعني الي راتبة اقل من 5000 ريال يدعي ربة
ويقول (حسبي الله عليكم )(وحسبي الله على من وصلنا لهذا الحال )

27

لاتخل البنوك مايكفي ناهبينا عشرات السنين بعد يبي يحتالون على الصندوق، أجزم انهم لا يبحثون إلا عن مصالحهم وزيادة أرباحهم والمواطن والدولة هم الخسرانين، لا تستجيبون لضغوطهم ولا لاغرائاتهم والله يسرقون الكحل من العين.

28

والله عيب عليكم هالكلام اللحين لكم سنه لاطلعتوا ارقام ولا صار اي شي الى متى الاستهتار بعقول المواطنين

29

حسبناالله سيؤتيناالله من فظله اناالى الله راغبون

30

هذا ظلم وحسبنا الله على من اقترحة لانه يخدم الطبقه الغنيه من الشعب حتى لو يكون عمره 25 سنه او لم يجيله عيال بينما نحن نزل القرض ولا بيت ولا ارض والبيت مليان عيا

31

كثير 4500 شهري المفترض 15 سنة كحد معقو ل

32

يعني يصير القسط الشهري 4500 تقريباً من بيدفع الى الناس الي رواتبها من 20000 وفوق واغلبهم ساكنين ملك منذ مبطي
قرار غير مدروس والمواطن العادي الي راتبه اقل من 10000 يصبر احسن له
وانا من رايي ماله داعي هذي العملية ما راح يستفيد منها الى البنوك اللي ما عمرها ساهمت بأي شئ بالمجتمع ماغير تبلع بلع.

33

خطوة جبارية تحقق اهداف المواطنين الذين لم يمتلكو منازل بس نرجو مراعاه عدم استغلال ذلك في رفع سعر العقار من قبل المستثمرين.

34

اعتقد ان مده عشره سنوات قليله لتسديدها وهذا يعني ان ذلك ومحصورا على الموظفين ذو الرواتب العاليه واعتقد من الافضل زياده المدة الى خمسه عشره سنه والتي قد تشجع الكثير من الموافقه على القرض المستعجل

35

اعمارنا وصلت ال60 سنه ومتقاعدين على راتب بخس لايكفي الا نصف الشهر ونزل القرض ولا ارض وجالسين تدرسون مع من مص جيوب الناس (البنوك) كيف تعطون المقتدر ونحن مهمشينا لا سامحكم الله ثم اولادنا الي جالسين عاطلين بلا وظائف الثوره قاحمة على من افسد البلد من الداخل والخارج.

36

مبادرة موفقة وفكرة رائعة جداً سوف يستفيد منها المتعجلين من المواطنين أصحاب الرواتب العالية.

37

تلعبون علينا انتم طيب من وين لنا اراضي !! ياخي افرضوا الزكاة وين ( وإيتاء الزكاة ) الركن الثالث من اركان الاسلام التجار لعبوا علينا وطيروا اسعار الاراضي للسماء.

38

لا حول ولا قوة الا بالله راحت اعمارنا ونحن في انتظاار ويوم الصندق سنة ياناس خاف ربكم ماعاد نتحمل الايجاار نار وماعاد نعرف لا ناكل ولا نشرب ولا نلبس بسبب الايجاار اكل الاخضر واليابس.. لكن قالوها الي ايده في الماء مو مثل الي ايده بالنار

39

طيب وين اعلان الأسامي لبرنامج ميسر هاللي ازعجتونا فيه ولحد الآن ماندري وش صار فيه ولا حتى طلع شخص او مسؤول تكلم عنه اول ما قدمنا فيه قلتوا خلال 72ساعه وتطلع الأرقام والآن مر اكثر من خمسة شهور ولا حس ولا خبر عسى بس ماتحسفتوا وبتمنون علينا فيها ياجامعة الخير ماودنا في ستين داهيه غير هالتماطل والتلاعب بالمواعيد واعطاء المواطنين وعوود واهيه الله يستر ويريحنا من هالروتين والتلاعب الممل.

40

500 الف علي عشر سنوات بس؟؟؟ هذا معناته ان المواطن الغلبان لازم يسدد 4166 ريال شهريا ولمده 10 سنوات عشان يسدد قرضة

41

كا لعادة يطلع مسئول من الصندوق بكرة وينفي الخبر وهذا ما نشاهدة للاسف. او نضل الدراسة 5 سنوات لاننا لم نتعود في اي اجتماعات ان تصب في مصحلة المواطن المسكين لان المجتميعن اكيد ساكنين في قصور ولن يحسوا بمعاناة المواطن
ويا خوفي ان الخمسمائة الف اللي بيعطيني البنك تصير مليون على كاهل المواطن المسكين

42

يالله على بابك
لكن كما تعلمون الكثير منا ليست لديه أرض سكنية
فماذا يفعل بالخمسمائة بدون الأرض

43

اقل ولفترة اطول 15 سنة

44

ومن المتوقع أن تنحصر هذه القروض للأفراد الذين يمتلكون أراضي وقاربت أرقامهم على الاستحقاق.
تستهبلوون
وش تحس فيه انت وياااه
من وين اجيب لكم الارض
اصلا الارض هي المشكله

45

إقتباس من مغرم الشوق : "شي ممتاز يخفف ارقام الانتظار.. ننتظر الموافقه والتنفيذ"

كلامك 100% صح

46

يالله يارب ارفع عنا غلاء المسكن وارزقنا بحلال المسكن والمسلمين

47

هم بيعطون الي رواتبهم 10000 وفوق هذا الي يبونه حسبي الله عليهم

48

ياليل م أطولك ! انا قدمت على قرض الصندوق من سنين طووويله وجا دوري من كم شهر لكن الارض بعتها من كم سنه لان الظروف اجبرتني، والان مالقيت لو عشه يقبل بها البك اشتريها شروط تعجيزيه واصحاب العقارات المعروضه رافعين الاسعار بشكل لايمكن المبلغ يجيبها وخلاف ذلك يعطوك المبلغ بالقطاره دفعات من يقبل به؟

49

شفتوا قلتها سابقا ً في التويتر البنك العقاري لا يريد الاقراض يريد التكسب من وراء رأس المال، وضع شرط الملائمة المالية للمقترض هو شرط تعجيزي لان 90% من الشعب مقترض من جميع البنوك وبالتالي لا يمكن للبنوك اقراض قرض ثاني لانه لا يمكن السداد لقرضين شكرا للمسؤلين

50

ما اقول الا :
حسبنا الله ونعم الوكيل

51

حسبنا الله ونعم الوكيل
ايةمعلوم حنا بناخذ من جيبك انت وهو وتوجعك في قلبك المليارات

52

موت ياحمار حتي يجيك الربيع...

53

القسط لابد ان يخفض الى 15 سنة ويكون بوضع حافز السماح عن اخر سنة تسديد في حال المواظبة وبعدين اذا سمح الراتب بالقسط كيف يتم تامين الارض طبعا عن طريق البنك بيكون بقسط يعني قسطين على راسك يا موطن ويا بلادي واصلي وحنى معاكي واصلي يالالالاللالا

54

اخواني انا لقيت الحل للمسكن. فيه سيارات الحفلأت الكبيره
الي فيها غرف نوم وحمامات اعزكم لله ومطبخ وصاله صغيره وبعد انها سياره يعني شريت بيت وسياره وخلونا في الشوارع كل يوم في عايره ولآ ديره وقيمتها ترا 200 الي 300 الف وتوفر 200 الي 250 الف اشتر فيها حوش صغير عشان توقف البيت المتحرك. وشراكم , خوش و

55

توهم يصحون ويطلعون حلول وياليتها للجميع فقط للي رواتبهم عالية وانت يالبسيط استنى دورك طيب المبالغ اللي بياخذها اهل الرواتب اكيد بيتظرر منها الصندوق يعني يا بو زيد ما كنك غزيت الحل واضح وميزانية الدولة قوية عطونا ارض وقرض وتنحل المشكلة ونسلم من طمع هوامير العقار ومن الشركات اللي بتبني تفصيل عل كيفه

56

ممتاز جدا ويساعد على حل ازمة السكن
ويقلل الانتظار لمن لا يستطيع ان يشتري بالاقساط.
كذلك يستفيد منه من هو بحاجه للسكن وعنده استعداد بأن يقسط. واذا طبق هذا القرار ان شاء الله ستحل ازمة السكن.. والانتظار الطويل على الصندوق.
ويجب الضغط على البنوك للمشاركة في حل ازمة السكن.

57

خطوه ممتازه نحو التطوير ولكن عشر سنوات فيها ضغط في الاستقطاع حيث ان متطلبات الحياه في ازدياد
نشكر المسئولين في البنك على هذه الخطوه الرائده في مجال التطوير الذي تقوم به الدوله في سبيل راحة المواطن

58

الزبده اهنيكم انكم لقيتوا تصريفه او تسكيته او عذر للمواطنين المستعجلين او باالاصح اللي خلاص ماعاد يقدرون يصبرون لاان عمرهم الافتراضي قضى ومن حقهم يستعجلون ليه الظلم ترى الظلم ظلمات يوم القيامه يعني مسكتوهم من يدهم الموجوعه من وين ندفع لكم
اال500000ماتجيب بيت ابد حاليا
الارض سعرها500000
من وين نبني لو اشترينا ارض ب500000
يعني نتسلف وناخذ قرض ونسدد 4166+اقل شي 3000قسط تسديد قرض البناء غير الفوائد وش هااللخبطه فكروا بعقل واعطوا بضمير ولاحددوا نسب الفائده من البنوك اووقفوا اسعارالعقار النار

59

افضل من ان اشتري جاهزه وعماري تجاري بعد 6شهور تطلع العيوب

60

طيب صلي على محمد يا صندوق العقار...سؤال يطرح نفسة بخصوص المواطن الي راتبة2000ريال في الشهر كيف يسدد 4166 ريال شهريا ولاهذا ماتنطبق علية الشروط..؟ الله يرضاعليكم نبي الجواب ياصندوق التنمية العقارية

61

نسبة بدل المعيشة
نسبة بدل السكن لو نفذ
القرار الجديد المقترح للبنك العقاري (الموضوع )
جميعها تخدم المقتدرين واصحاب الرواتب المرتفعه
جميع القرارات تعتبر بدل سفر للخارج للقادرين. اما المساكين على حالهم زود فقر وغلاء اسعار

62

كيف مواطن مغلوب على أمره يقسط 4166 على10 سنوات على الصندوق حل المشكلة قبل الاتفاقية مع البنوك وهي أن يدفع المواطن1600والباقي على الصندوق لحين الانتهاء من العشر السنوات العجاف ذبحتنا البنوك في أقساط1800وأنتم تريدون 4166 يعني الحلول هذه للطبقة العليا المخملية أما العسكري ومن هم في شاكلته فمكانك راوح

63

احشن سئ نبني خيمة ونرتاح من الايجارات قسط بنك وقسط سياره الله يرحمنا.

64

احباااط ما اقدر ادفع اربعة الاف انا لله وإنا اليه راجعووون والله الا قلت البخت وين نروح

65

هذا العمل يبشر بالخير و(500)الف نود لو تكرموا بتجزئتها لجزئين الجزء الاول يتم دفعه للبنك الاهلي وتكملة الجزء الآخر عن طريق العقاري بحيث تسدد الجزء الأول 300ألف بحدود عشر سنوات يكون القسط (2500) للبنك الأهلي والجزء الباقي(200)الف يتم استقطاعها للعقاري على ان تتحمل فوائد البنوك خلال العشر سنوات بما فيها المبلغ بالكامل لمساعدة المقترضين وتكوين حياتهم خلال(10)اعوام منها ارتفاع رواتبهم خلال الفترة المنوه عنها وتسهيل امور حياتهم اليوميه

66

(دون تحميل المواطن أي فوائد، لان الصندوق سيتحملها)
اهم نقطة هل يجوز هذا القرض المصحوب بالفوائد ان كان صاحب القرض ليس مسؤول عن تسديدها
فتحري الحلال في الامور الماليه من اولى الاولويات

67

اطلبو الله مثلها مثل حافز يطلعون شروط تعجيزيه علشان ماتاخذ ريال واحد
من اللي يقدر يدفع اربعة الاف وميتين شهرياً
اذا شخص راتبه 5000 ريال وش يقدر يسوي ؟
ترى المواطن صار واعي ويعرف
لكن ما اقول الا حسبي الله ونعم الوكيل

68

سكت دهرا ونطق كفرا..

69

أشكر الصندوق العقاري على جهوده.

70

يعني حليتوها الان !!

71

كل قرار يصدر من صالح المحتكرين للاراضي
يامسؤولين شوفو حل لحتكار الاراضي والاسعار الفلكيه
اعطيتوني القرض مثلا وش اسوي فيه والاسعار فوق الخيال
مازالت المشكله لم تجد حل
قرارات تولد ميته

72

بعد كل هذا الانتظار وجد هذا الحل السقيم اذا هذا ما لديهم ويجب تغير هذه الفئة -والله لن توجد الحلول ما لم تصل اصوتنا للملك حفظه الله

73

ياناس خاف الله

74

كل يوم يطلع البنك العقاري بحل أسوأ مما قبله المواطن الذي يتذمر من دفع الإجارالذي لايتجاوز الألفي ريال في الشهر يحلونها له بدفع4500ريال شهريا كما يقال(عذر أقبح من فعل) قبلها نعالج تأخر القرض لمن يملك أرض بالسماح بالقرض لمن لايملك أرض هي تخديره وتشتيت افكار عن القصور الحاصل من البنك

75

500000 تقسيم 120 شهر يطلع4166 ريال اغلب الناس لاتقدر على هذا القسد
والحل

76

حسبي الله عليكم اكبر محزون احتياطي في العالم بترول والربع الخالي مساحته اكبر من مساحة دول مجلس التعاون والناس عايشه ع الاجار ويا ليت الراوتب تساعد ليش كذا ليش

77

خطوة ممتازة وكان من زمان اتخاذها حتى يتم التخفيف والعبء على الدولة والمواطن. إلى الأمام والأحسن يابلادي.

78

المفروض بعد هذا القرار يصدر قرار الرسوم على الاراضي البيضاء حتى لاترتفع

79

غريبه ياجريدتي الموقره والسباقه اين خبر ان موقع صندوق التنميه اتاح فرصه التحقق من الطلب على موقعه اغلب المتقدمين طلع لهم تم قبول طلبك والاخر طلع له لم يتم قبول الطلب والاخر لم تتم اكمال البيانات ولكن الاغلبيه تم قبول طلبهم اللي مقدم على الصندوق يدخل موقعهم ويتحقق من الخانه اليسار الاستعلام عن حالة الطلب

80

راعي العقار رفع علينا الايجار 100% ويقول انا حر بحلالي ليش ما تتدخل الدولة بوضع تسعيره للمتر السكني والتجاري في كل حي
للاسف الدولة تركت العقاريين والتجار يتكالبون على المواطن الفقير واذا ارتفع العقار يسبب ركود في كافة القطاعات التجارية الاخرى وسيصبح فيه ركود اقتصادي وسيتم تسريح كثير من الموظفين

81

الله يكتب اللي فيه خير ان شاء الله

82

والله حرام حرام حرام طيب لي راتب 5300 كيف كيف فسر كيف واش هذا كلام فاضي والله حرام عليكم ياعني اذ حصلت على بيت ماقدرت تاكل عيالك يعني ادفع 4166ريال 1134ريال هذا الباقي ادفع الكهرباء ولا الماء ولاولاولاولاولاولا

83

نرجو سرعة عمل اتفاقية مع البنوك للدفع الفوري للمواطنين الذين ظهرت اسماؤهم ويرغبون في شراء مبنى جاهز بحيث يقوم المواطن بدفع اتعاب البنك مقدما بعد رهن العقار للصندوق ومن ثم يوكل البنك بوكالة رسمية لاستلام القرض من الصندوق نيابة عن المقترض بدلا من اجراء الحالي10 اشهر.

84

يعني صراحه الاراء كلها سلبيه بس عموما اللي فهمته انه اختياري يرجع للشخص نفسه يقترض ولا لا بس المهم انه راح يحرك الأرقام شوي ويسرع بالدور

85

ترى اعتقد انه10 ستوات الصندوق العقاري يسددها للبنك المحلي والمواطن يسدد قي 20 سنة للصندوق العقاري

86

ياناس بلعكس هذا رايح يفيد الي رواتبهم بسيطه راح يوصلهم الدور اسرع تقول ليش لان فيه ناس رواتبهم جيده ماشالله ولكن يرفضون الاقتراض من البنوك المحليه سابقه لانهم ياخذو غليبه فاحشه بهذا راح ياخذو من البنوك المحليه ويفتح المجال لغيرهم الي مجبور ينتضر رقمه في البنك العقاري

87

اللحين مقدم بدون ارض من ثمانيه شهور ويوم جاء الرد بالرفض ليه عشان مانحيني قبل 12 سنه ارض بايعها 20000 ريال فقط ولي بالايجار 12 سنه يعني نقول العوض بعيالنا يسكنونا بملك ماقول غير دامك عزك ياقطر عفوا ياوطن اتمنى
مره تنشرين ياسبق

88

تمخض الفيل فولد فأرا.. حسبنا الله ونعم الوكيل.. متفائلين أن القرارات سوف تأتي قريبا من السماء.. من ملك الملوك الرزاق العليم الذي إذا أراد شيئا يقول له كن فيكون.. أما الخلق فلو بيديهم أن يأخذوا ما بيدك لفعلوا وقد فعلوا.. ولكن الله يفعل ما يريد هو حسبنا ونعم الوكيل.

89

راتبى 3000الف ريال والقصد4200وانا مقدام فى البنك العقارى يعنى ويش الستفيد من هل القرض المشكله لا ينضرون لانا يا مسكين الذينا روتبهم متدنيه ؟؟؟

90

متى يعطون هذا القرض صبرنا ولا جاء شي ياليت يعجلون بلقرض ذبحتنا الاجارات

91

متى يعطون هذا القرض صبرنا ولا جاء شي ياليت يعجلون بلقرض ذبحتنا الاجارات

92

انا انتظر من مدة 8سنوات وادفع للاجار مايقارب 150000 وكلها دين اطلع من وادخل دين عمري44يعني +35=79سنه وانا اعيش ع هلدين بالله عليكم مو حرام مو مشقة على امة محمد عليه الصلاة والسلام لكن اللهم من شق على هالامة فشقق عليه

93

ياليت ياخوان انكم ماعلقتم لانة والله انه مايستاهل ولا فيه جديييد
لكن راح يفرجها ابومتعب بعد الله عزوجل

94

ابو الدخل المحدود هو اللي ياكل هواة. حرام عليك يوم القيامة تسأل عن كل شي سويته وكل قرار اتخذته.

95

طيب الي ماعندة وظيفة علا الضمان ولاراتبة من شركه واسمه قرب ولاعندة ارض وقصد الصندوق اكثر من راتبه وش الحل

96

السلام عليكم ورحمة الله وبركاته ياخوان اقسم باالله العظيم جميع القرارت تصب بمصلحة التاجر لا بمصلحة المواطن والا قرار زي هذا من المستفيد الاول منه هو البنك والثاني تاجر الاراضي لانه سوف يكون اقبال على شراء الاراضي وبذلكً رفعت الاسعار ونسبه لاتذكر هي ممن يملكون الاراضي هم المستفيدين حسبنا الله ونعم الوكيل.

97

كلام فاضي كليوم كلام

98

ان اعتبره حل ليجاد طبقه وسطا كادة تتلشى

99

الي راتبه 7890 عليه قرض 2500 ريال وقرض زواج 800 وش يسوووي وسامن بالاجار 19 الف وشقه مخيسه كل سنه العقار يرفع الالف

100

انا اقترح ما يقوم البنك العقاري بخطوة لتسريع صرف المبالغ للناس الا بعد الاتفاق مع البلدية ايضا في تسريع توزيع المنح على المواطنين، مو هذا يسابق و هذا نايم، و بالاخير يجيني قرضي ( مشكورا ) و انا ما بعد جت ارضي !!
و في نفس الوقت اقترح تغيير الية الصرف، كيف تعطيني في البداية 50 الف و تبغى هيكل انشائي كامل مع البناء للدورين ؟

101

والله شي طيب الذي دخله أكثر من عشرة ألاف ريال ولكن وينه نبي ها القرض بعد سنة أو عشر سنين...

102

ياليت يطبق هالشئ على الاقل الناس تسكن وتقسط في حلالها مو تدفع للغير هذا بيخلي الاجار يقل

103

اش الكلام هذا يعني بعد كل هذه الوعود طلع الموضوع فالصو.

104

طيب اللي ماعنده وظيفه وبيته اجار وش يسوي

105

وإلى الآن ناس لا تجد مسكن !

106

والله لصارت الرواتب فوق 15الف طلعو هالقرارت اما الرواتب تحت الخمس الااف ماتوفي معانا شفو لنا حل ؟؟؟

107

انا وما ادري منهو العبقري الذي اقترح هذا الاقتراح الفذ هذا وحنا في السعوديه وش يقولون اهل مصر عنا احسن منا هم ساكنين ورواتبهم على 5جنيه والحسابه بتحسب

108

الله يستر

109

فيه سؤل يطرح نفسه وبقوة؟ليش صندوق التنميه العقاري يمنع اقراض المراه الموظفه بينما يقرض المراه المطلقه وغير الموظفه؟؟؟

110

يالله البركة

111

من عام 1423ه ولا شفنا شي حسبي الله على كل مسؤول له يد في معاناة المواطنين

112

للاسف هذا التفات على القرار و ضحك على العقول
كيف يعقل ان يتم تسديد القيمة خلال 10 سنوات اي خلال 120 شهر والقيمة الاجمالية 500 الف اي مايزيد عن 4000 شهريا هل يعقل ذلك

113

إقتباس من لمعة الماسة : "فيه سؤل يطرح نفسه وبقوة؟ليش صندوق التنميه العقاري يمنع اقراض المراه الموظفه بينما يقرض المراه المطلقه وغير الموظفه؟؟؟"

يا سلام عليك من جد شي غريب وعجيب

114

اعتقد أن القرض المعجل غير الزامي.
المقترض حر أن أراد القرض المعجل على مدى 10 سنوات أم أراد القرض العادي المتعارف عليه على مدى 25 سنة.
القرض المعجل ربما يفيد من راتبه قريب من15 الف ريال.

115

ارجوا من مكافحة الفساد متابعة نظام الظامن بين صندوق التنمية العقاري وبين البنوك التجارية لان فيه تصريح لوزير المالية من سنوات باقراراه ولم يعلن عنه نطالب بحقوقنا لان المواطن عانى من فشل القائمين على القطاعات الحيوية
نداء الى مجلس الشورى لتبني هذا الموضوع فلا زال المقترضين من البوك ينتظرون من البنك العقاري ان ينقل قرضهم الى البنوك التجارية

116

سواليف
أسال الله العلي العظيم على من لعب على الناس وعطل مصالحهم
ان يحرمه ريح الجنه

117

للأسف القرارات تتخذ ولا يعطى المواطن أي همية لإبداء رأيه.. هذا القرار قرار غير منصف وقرار غير حكيم

118

يعني اللي راتبه فوق 13000 ريال يستطيع أن يحصل على القرض.. لا ويحصل عليه بالكامل.. إن كنت صادق يا مدير الصندوق لماذا يستلم المستفيد من هذا القرار كامل المبلغ مباشرة وغيره يستلمه على دفعات.. أقسم لك لن يمر هذا القرار بسلام وسندخل على الملك ونطالب بإقالتك.. حتى تعرف أن الناس ليسوا لعبة بيدك

119

الله لا يوفق البطانة الفاسدة ابو متعب يطول عمرة ماقصر في شي وحنا ذبحتنا الاجارات ورواتبنا من 2000 الى 3500 حسبي الله ونعم الوكيل وين المليارات يا بنك التسليف

120

ياليل مطولك مليون وسبعمائة الف مقترض لكل مقترض 500 الف ريال يبغالهم 4ز3 ترليون ثلاثة ترليون واربعمائة مليار ريال والقدامة 600الف مقترض يبغالهم 300 مليار ريال يعنى انا مقدم الان وعمرى 57 سنة يبغالى استلم القرض فى القبور الله يعوضنا الجنة احسن منهم ومن قرضهم