1

طيب وين اللجان وكشف اسباب تكرار هذه الإنكسارات ومحاسبة المتسبب في اهتراء وقدم هذه الأنابيب وسوء التشغيل والصيانه من ادارة خطوط الأنابيب التابعه للمؤسسة العامة لتحلية المياه المالحه

2

((( ارخص موجود واغلا مفقود)))

3

عاااجل يامسؤلي شركة المياة نحن نعيش مأساة عدم وصول الماء لاكثر من 100 اسرة في مجمع قرية الواحة بحي الملك عبدالله حيث ان جميع الشقق مرتبطة بخزان واحد ولايكفي وايت واحد فقط والمجمع عبارة عن حي وليس عمارة

4

الحين كيف صلحوا المشكله والماء لازال مقطوع هذا شيء
الشيء الثاني لم يأتينا اي صهريج ماء
حرام عليكم فرقتوا بيني وبين زوجي كل واحد عند اهله

5

يالله سترك والله حالتنا حاله بحي ظهرة لبن حي متكامل فيه من العوائل والمنازل الكثيره وبدون ماء كم لنا وكل فتره وعد بتشغيل الماء واتعبتنا وارهقتنا الصهاريج التجاريه يوصل السعر الى 500 ريال من المسؤل تكفون يا جريدة الرياض جيبو المسؤل وشوفو ماهو السبب من التاخير 5 سنوات وهم يشتغلون على توصيل الماء

6

الماء مقطوع عندنا في حي الدار البيضاء من اسبوع واذا كلمنا الطواري في شركة المياه يقول سجلنا لك بلاغ وفرقة الصيانة تجيك بكرة ومن اسبوع لالالالالا حس ولا خبر وكل يومين اجيب وايت ب 108ريال ماشفنا مجاني ولا شي ابد وسلامتكم

7

اي احترافية وليش حصل الانكسار اصلا حيث ان لكل شي عمر افتراضي يجب الا يتعداه خصوصا انابيب المياه لان انكسارها يسبب خسارة كبيرة بهدر الماء وجهود شركة المياه ولكن مانقول الا حسبنا الله على كل مسئول يضيع الامانة ولا يقوم بالواجب الشرعي امام الله اولا ثم امام ولاة الامر الذين وثقو فيه وشرفوه بالتكليف

8

في حي اشبيليا في مدينة الرياض من رمضان وانا نعبي من الوايتات.

9

لا تعليق
مصير بلد مربوط بماسورة!

10

كما عمدت الشركة الى التعامل مع جميع البلاغات وتلبيتها بشكل فوري...
كذب في كذب
دفعت 108 ريال مقابل وايت ولي الحين ثلاثة ايام وما جاء الويت علما ان لي حوالي السنه وانا لا يقل عن مرة او مرتين في الشهر واشتري الموية هذا مع الاتصال بالشركة وانا من سكان حي المصيف  

11

اتقو الله مافيه بالمجان
احنا في شمال الرياض
نشتريه بفلوس وننتظر يومين عشان يطلع لنا وايت

12

سبحان الله زحمة الموطنين علي مكتب الشركة اغلقت الطريق ! وهذا المقال لا يمثل الحقيقة وصحيح انه بذلت جهود اعتمدت علي المبادرة وسمعت احد المشتركين يقول الشق اصبح اكبر من القربة ويصححة موظف الشركة بالقول الرقعة وربما استمر الخلاف  

13

الى هذه الساعه لم تصل المياه الى منزلي

14

كلام غير صحيح من اخر رمضان واحنا علي الوايتات
ومركز الاتصال كل موظف يعطيك كلام
من امس انتظر وايت
اقول نظفو خزاناتكم اول قبل توزعونها علي الناس
عموما احترمو عقول الاخرين قبل تنزلون مقالات مدفوعه
وليش الشرطه عند الشيب بمخرج 10

15

وييين الصهاريج المجانية!!
انقطعت عننا الموية من 2 الفجر ويوم رحت اجيب وايت قالي زحمة وبيجيك الدور المغرب !!
يعني معقولة نجلس 16 ساااعه ننتظر بدون موية الين يجينا الدور
اخرتها جبت واحد من برا وكلفني 700 ريال استغلو الوضع ورفعو اسعارهم
حسبي الله ونعم الوكيل

16

لماذا هذا الازدحام في موقع واحد !!!
ما الفائدة من وجودها في طابور يزيد طولة خمسة كيلو مترات
ومافائدة وقوفها منتظره دورها لمدة تزيد عن سبع ساعات !!!
يفترض ان يكون التعزير قادم من كل الجهات
اي ان جميع محطات توزيع المياة ترسل (وايتات) معبأة للحي المتضرر ويكون عدد الويتات موزع بنسب مدروسة من جميع المحطات للمسااندة وسرعة انهاء الازمة

17

يا اخي انا ساكن بمجمع في حي الواحه ومتضررين.. ولما نروح نشتري *وايت* يقولون لنا لكم وايت واحد بس باليوم ولا شفنا مجاني ولا شي.
تقارن الفلا بمجمع سكني يشمل اكل من 80 شقه شي غريب
مجمع قرية الواحه
وشكرا

18

أي صهاريج..
انا في فرع النزهة امس لثلاث ساعات واخر شي طلع مدير الفرع العبقري يقول اتركوا ارقام جوالاتكم وبنتصل فيكم بعد يومين... بعد يومين يا ظالم،،، طيب وش نسوي لين بعد يومين
آخر شي رحنا للعمالة المتسيبة واشترينا الوايت ب 450 ريال
حسبنا الله على شركة المياه والقائمين عليها الله حسيبنا عليهم.

19

لغاية اليوم والمياه مقطوعة في حي الورود، نزفت محافظنا من الدفع لصاحب السكن وتعبأة الخزانات 200 ريال بمعدل ثلاثة ايام في الاسبوع من ينصفنا، والله المستعان

20

عجبا
انا ابي اعرف وش الصدفه اللي تكسرت المواصير بوقت واحد اللي في شرق الرياض واللي في الشمال
اخشى ان تكون محبوكه والله اعلم
ياااقلب لا تحزن